მაია ცქიტიშვილი - ჩვენი მთავარი ამოცანაა სტიქიის ზონაში მოსახლეობის უსაფრთხოებისა და მათი ყოველდღიური საჭიროებების უზრუნველყოფა

მაია ცქიტიშვილი - ჩვენი მთავარი ამოცანაა სტიქიის ზონაში მოსახლეობის უსაფრთხოებისა და მათი ყოველდღიური საჭიროებების უზრუნველყოფა

access_time2020-07-31 13:05:10

საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა რაჭაში, ონის მუნიციპალიტეტის სოფელ უწერაში, ნაკიეთში და ლაგვანთის ხიდთან სტიქიის მიერ დაზიანებულ მონაკვეთებზე მიმდინარე სამუშაოები დაათვალიერა და სტიქიის შედეგების ლიკვიდაციისთვის შექმნილი საგანგებო შტაბის სხდომა გამართა.


საგანგებო სიტუაციების მართვის სამსახურის მიერ სპეციალურად მოწყობილი ბოგირების მეშვეობით სურსათი უკვე მიეწოდა სოფლების - მუჟარეთისა და ხიდეშლების მოსახლეობას. შინაგან საქმეთა სამინისტროს ვერტმფრენები აგრძელებენ სხვა სოფლებში როგორც სურსათის მიწოდებას, ისე სოფლებიდან გამოსვლის მსურველი მოსახლეობის გამოყვანას.


სტიქიის ზონაში აგრძელებენ მუშაობას საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის, გაერთიანებული წყალმომარაგების კომპანიის, „ენერგო პრო ჯორჯიას", შინაგან საქმეთა სამინისტროს, საგანგებო სიტუაციების მართვის სამსახურის და ადგილობრივი ხელისუფლების წარმომადგენლები.


„გეოლოგებმა დილითვე დაათვალიერეს სტიქიის ზონა და დამამშვიდებელი ინფორმაცია მოგვაწოდეს იმასთან დაკავშირებით, რომ არ არის არსად დაგუბებები. ეს ნიშნავს იმას, რომ წყალმოვარდნებს ამ ეტაპზე არ უნდა ველოდოთ. საპროექტო ჯგუფები იმყოფებიან დიდ და პატარა ღებში, სადაც სპეციალისტები დარჩებიან რამდენიმე დღე იმისთვის, რომ მოხდეს დეტალური აღრიცხვა, შესწავლა და სარეაბილიტაციო სამუშაოების დაპროექტება. მოსალოდნელზე ადრე მოხერხდა კიდევ ორ სოფელთან შემოვლითი გზების საშუალებით კავშირის აღდგენა და ამ ეტაპზე გვრჩება 5 სოფელი, სადაც ჯერ საავტომობილო მოძრაობა არ გვაქვს. აქტიურად გრძელდება მუშაობა მდინარის კალაპოტის შესაცვლელად, რის შედეგადაც იქ, სადაც გუშინ სრულიად იყო ჩაწყვეტილი გზა, დღეს უკვე დროებითი გადასასვლელი არის მოწყობილი და დღის ბოლომდე ვფიქრობთ, რომ ტექნიკა შემდგომ მონაკვეთამდე გადასვლას შეძლებს,“ - აღნიშნა მაია ცქიტიშვილმა.



მისივე თქმით, ადგილობრივ მოსახლეობასთან შენარჩუნებულია მუდმივი კავშირი და საჭიროების შესაბამისად, ყველას ოპერატიულად მიეწოდება სურსათი და მედიკამენტები.


„ვიდრე აღდგება მოძრავი მაღაზიები, რომელსაც უზრუნველვყოფთ ვერტმფრენების საშუალებით, მანამდე ყველას მოვამარაგებთ პირველადი სასურსათო კალათით. იმ ხუთ  დასახლებაში, სადაც ჯერ საავტომობილო მოძრაობა არ გვაქვს, დღეში ორჯერ ვერტმფრენი რეისებს შეასრულებს. ასევე, ჯანდაცვის სამინისტროსთან ერთად შევთანხმდით, რომ ამ სოფლებში ხვალიდან მუდმივად იქნება სოფლის ექიმი. რა თქმა უნდა, ჩვენი მთავარი ამოცანა არის მოსახლეობის უსაფრთხოებისა და მათი ყოველდღიური საჭიროებების უზრუნველყოფა,“ - თქვა მაია ცქიტიშვილმა


რაც შეეხება ენერგომომარაგებას, ვიცე-პრემიერის ინფორმაციით, გუშინ 10 დასახლებაში აღდგა ელექტროენერგიის მიწოდება, დღეს დამატებით ჩაირთვება უწერა და გარე სამყაროს მოწყვეტილ სოფლებშიც, დაზიანებული ხაზების აღდგენაზე, უკვე მუშაობენ სპეციალისტები.

 

 





ქართული უნივერსიტეტების საერთაშორისო რეიტინგი - რომელ ადგილზე ვართ მსოფლიოში

ქართული უნივერსიტეტების საერთაშორისო რეიტინგი - რომელ ადგილზე ვართ მსოფლიოში
access_time2020-08-12 13:00:59
ერთ-ერთმა ყველაზე ცნობილმა საერთაშორისო ორგანიზაციამ, „ვებომეტრიქსმა“ (http://www.webometrics.info/), რომელიც მსოფლიო უნივერსიტეტების რეიტინგებს წელიწადში ორჯერ იკვლევს, მორიგი კვლევა გამოაქვეყნა. კვლევა მოიცავს 31 ათასამდე უმაღლეს სასწავლებელს 200-ზე მეტი ქვეყნიდან, მათ შორის საქართველოდან. „ვებომექტრიქსი“ იკვლევს, უნივერსიტეტების სამეცნიერო წარმატებას და მათი ონლაინ-რესურსების გავლენიანობას. სამეცნიერო კრიტერიუმები...

საინტერესო საქართველოსთვისაც - მიდის თუ არა BP აზერბაიჯანიდან?

საინტერესო საქართველოსთვისაც - მიდის თუ არა BP აზერბაიჯანიდან?
access_time2020-08-12 12:05:42
აზერბაიჯანსა და საქართველოში მღელვარე ინტერესით შეხვდნენ გავრცელებულ ინფორმაციას, რომ ენერგეტიკულმა გიგანტმა, კომპანია BP-მ შესაძლოა დატოვოს აზერბაიჯანი. ეს საკითხი მნიშვნელოვანწილად უკავშირდება საქართველოსაც, რადგან ის BP-ის სამი მასშტაბური პროექტის მონაწილეა. ტოვებს თუ არა BP აზერბაიჯანს? რა ელის საქართველოზე გამავალ მილსადენებს? რას აპირებს აზერბაიჯანი? ნავთობისა და გაზის საერთაშორისო კომპანია BP აპირებს გაყიდოს თავისი აქტივების დიდი ნაწილი იმის...

გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე

გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე
access_time2020-08-12 10:00:12
ბოლო პერიოდში ქვეყანაში უძრავ ქონებაზე ფასის კლება ფიქსირდება. ტურისტების გარეშე დარჩენილი უძრავი ქონების გამქირავებლები განსაკუთრებით რთულ სიტუაციაში აღმოჩნდნენ. Galt&Taggart-ის ბოლო კვლევის თანახმად, დეველოპერებმა და კერძო ინვესტორებმა დაიწყეს ფასების შემცირება, რათა მოერგონ ახალ რეალობას, განსაკუთრებით კი ბინის გამქირავებლებმა. უძრავ ქონებასთან დაკავშირებულ ფასების ახალ ტენდენციასთან დაკავშირებით დეტალების...

Kohi.ge ქობულეთში 4,5 მილიონი ევროს ღირებულების ქარხანას აშენებს

Kohi.ge ქობულეთში 4,5 მილიონი ევროს ღირებულების ქარხანას აშენებს
access_time2020-08-12 11:10:51
კომპანია Kohi.ge ქობულეთთან ახლოს  თანამედროვე კომპიუტერიზებულ ქარხანას ააშენებს, ამის შესახებ „კომერსანტს“ kohi.ge -ს დამფუძნებელმა ირაკლი ლომიძემ განუცხადა. მისი განცხადებით, ქობულეთში მდებარე  ქარხანა სახლების გამოშვებას მაისის დასაწყისიდან შეძლებს. „ქობულეთთან ახლოს ვაშენებთ ახალ, დიდ, თანამედროვე კომპიუტერიზებულ და ავტომატიზირებულ ქარხანას რობოტებით, რომელშიც 4,5 მილიონ ევროს ვდებთ. ქობულეთთან  ახლოს ...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-11 21:00:41
დღის Top 10 საინტერესო ამბავი: 1.Georgian Capital-ის წარუმატებელი პროექტი - „საქართველოს ჯანდაცვის ჯგუფი“ არა ლიკვიდურობის გამო ლონდონის საფონდო ბირჟიდან ჩაიხსნა „საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით,...


მსგავსი სიახლეები

up