მაია ცქიტიშვილი-  „ჩვენი გეგმაა 2023 წლამდე ეტაპობრივად დასრულდეს ყველა ის საერთაშორისო მაგისტრალი რომელსაც ვაშენებთ“

მაია ცქიტიშვილი- „ჩვენი გეგმაა 2023 წლამდე ეტაპობრივად დასრულდეს ყველა ის საერთაშორისო მაგისტრალი რომელსაც ვაშენებთ“

access_time2020-02-26 15:27:20

ინფრასტრუქტურის განვითარება არის აუცილებელი ფაქტორი და ამ თვალსაზრისით გამოვყოფდი საგზაო ინფრასტრუქტურას, იმ საერთაშორისო მაგისტრალების მშენებლობას, რომელიც მიმდინარეობს ძალიან აქტიურად, მათ შორის 140 კმ საერთაშორისო მაგისტრალის მშენებლობა, საიდანაც 70 კმ გზის მშენებლობა დასრულდება 2020 წელს, რაც ხელშესახები იქნება არა მარტო საერთაშორისო გადაზიდვების თვალსაზრისით, არამედ აისახება ჩვენი ქვეყნის მოქალაქეების ყოველდღიურ ცხოვრებაზე-ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ეკონომიკური კონფერენციაზე „საქართველო და მსოფლიო 2020“ საქართველოს როლზე გლობალურ ეკონომიკაში საუბრისას განაცხადა.


მან ასევე აღნიშნა, რომ აღნიშნული მიმართულებით ჯერ კიდევ ბევრი სამუშაოა დარჩენილი და უცხოელ პარტნიორებთან ერთად, დაახლოებით 5 მლრდ დოლარის ინვესტიცია იგეგმება საერთაშორისო მაგისტრალების მშენებლობისთვის. მისი განცხადებით, ინფრასტრუქტურის განვითარების თვალსაზრისით, მნიშვნელოვანია არა მხოლოდ სახმელეთო, არამედ საერთაშორისო მაგისტრალებით მიმავალი სატრანზიტო ნაკადების დაკავშირება ევროკავშირთან. აქედან გამომდინარე ძალიან მნიშვნელოვანია საზღვაო კავშირებიც.


ვიცე-პრემიერმა ხაზი გაუსვა რომ მთავრობა ერთობლივად მუშაობს იმისთვის, რომ დამატებითი კავშირებით მეზობელ ქვეყნებთან ინფრასტრუქტურის განვითარება იქცეს ვაჭრობის განვითარების შესაძლებლობად. ევროკავშირის ქვეყნებთან დამყარდეს სამგზავრო, სატვირთო გადაზიდვები, საბორნე მიმოსვლა, ასევე გვქონდეს შეღავათიანი ტარიფები და გამართული პროცედურები.


,, ჩვენი გეგმაა 2023 წლამდე ეტაპობრივად დასრულდეს ყველა ის საერთაშორისო მაგისტრალი რომელსაც ვაშენებთ. ამასთან, ის იყოს საერთაშორისო სტანდარტების შესაბამისი, უსაფრთხო და სწრაფი, რაც უზრუნველყოფს გამტარუნარიანობასაც სხვადასხვა მოცულობების ტვირთებისთვის. ინფრასტრუქტურის განვითარების თვალსაზრისით, ვახსენებ ანაკლიის პორტს, ასევე სხვა პორტებსაც, რომელთა გეგმებიც არსებობს, ბუნებრივია არა მხოლოდ საგზაო, არამედ ასეთი ტიპის კომერციული ინფრასტრუქტურის განვითარება არის აუცილებელი, რომ ჩვენი გზებით მომავალ ტვირთებს ჰქონდეთ გასასვლელი ევროპაში და სხვა პარტნიორებთან.“


ვიცე-პრემიერმა, ასევე ისაუბრა ბიზნესის ხელშეწყობის აუცილებლობაზე და სახელმწიფოსა და ბიზნესის თანამშრომლობის მნიშვნელობაზე.



,,ჩვენი ადგილმდებარეობა უნდა გამოვიყენოთ ქვეყნის განვითრებისთვის და ეკონომიკური ზრდისთვის, ეს არის შესაძლებლობა ჩვენი ბიზნესისთვის რათა დააფუძნონ ის სერვისები, განავითარონ ეკონომიკის ის დარგები, რომელიც უშუალოდ ეხება ამ ტიპის სავაჭრო სატრანზიტო ტვირთების ან ვაჭრობის მომსახურებას, როგორიც არის ლოგისტიკა, სხვადასხვა ტიპის სერვისები და ერთობლივი წარმოებები ჩვენს სავაჭრო პარტნიორებთან და ინვესტორებთან.


ჩვენი სამინისტრო უზრუნველყოფს ფიზიკურ ინფრასტრუქტურას, რასაც მოაქვს შემდგომში განვითარება და შესაძლებლობები, როგორც ჩვენი ბიზნესისთვის ასევე უცხოური ინვესტიციებისთის და ბუნებრივია ჩვენი ქვეყნის სტაბილური განვითარებისთვის“
-განაცხადა მაია ცქიტიშვილმა.






საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა

საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა
access_time2020-04-04 22:31:55
საქართველოში კორონავირუსის შემთხვევათა რაოდენობა 162-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე ცოტა ხნის წინ...

ლიბერთის 500 000 ლარიანი მხარდაჭერა ბავშვთა მცირე საოჯახო სახლებს

ლიბერთის 500 000 ლარიანი მხარდაჭერა ბავშვთა მცირე საოჯახო სახლებს
access_time2020-04-04 16:25:37
...

15 მართლმადიდებელი ეკლესიიდან 12-მა წირვების დახურვის გადაწყვეტილება მიიღო

15 მართლმადიდებელი ეკლესიიდან 12-მა წირვების დახურვის გადაწყვეტილება მიიღო
access_time2020-04-04 20:00:09
მსოფლიოში 15 ადგილობრივი მართლმადიდებელი ეკლესიაა. მათგან 12 კორონავირუსის პანდემიის პასუხად საჯარო ღვთისმსახურებებს ერისკაცთა გარეშე, დახურულ კარს მიღმა აღასრულებს. 1-ის, სერბეთის ეკლესიის პოზიცია ბუნდოვანია - მიუხედავად იმისა, რომ კორონავირუსული ინფექციით გარდაცვლილი ეპისკოპოსის, მილუტინის წესის აგებას მრევლი არ ესწრებოდა. 2-ის - საქართველოსა და პოლონეთის ეკლესიები ერისკაცებისთვის ღვთისმსახურებებს არ ხურავენ და არც ზიარების წესს ცვლიან. ხსენებული პრევენციული ზომით პანდემიის...

საქართველოში კორონავირუსით გარდაცვალების პირველი შემთხვევა დაფიქსირდა

საქართველოში კორონავირუსით გარდაცვალების პირველი შემთხვევა დაფიქსირდა
access_time2020-04-04 12:58:05
საქართველოში კორონავირუსით გარდაცვალების პირველი შემთხვევა დაფიქსირდა. ამის შესახებ ​თსსუ პირველ საუნივერსიტეტო კლინიკაში ჟურნალისტებს...

უცხოური მედია: ზოგიერთმა მთავრობამ სხვებთან შედარებით უკეთ გათვალა კრიზისის მოახლოება ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა

უცხოური მედია: ზოგიერთმა მთავრობამ სხვებთან შედარებით უკეთ გათვალა კრიზისის მოახლოება ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა
access_time2020-04-04 12:20:41
  ზოგიერთმა მთავრობამ სხვებთან შედარებით უკეთ გათვალა კრიზისის მოახლოება და შედეგად, მიიღო ზომები, რამაც დადებითი შედეგები მოუტანა შესაბამის ქვეყნებს. ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა. პრემიერ-მინისტრ გიორგი გახარიას მხრიდან ამ ადრე რეაგირებას და მტკიცე გადაწყვეტილებას, რომელსაც ჯანდაცვის მსოფლიო ორგანიზაციამ უდიდესი შეფასება მისცა, მოჰყვა ადრეულ ეტაპზე ყველა ხალხმრავალი სპორტული და კულტურული...


მსგავსი სიახლეები

up