მაია ცქიტიშვილი: ჩინეთის 23-ე ბიუროს დარღვევებზე მსოფლიო ბანკს ჩვენ ვაცნობეთ

მაია ცქიტიშვილი: ჩინეთის 23-ე ბიუროს დარღვევებზე მსოფლიო ბანკს ჩვენ ვაცნობეთ

access_time2019-06-12 18:45:41

მსოფლიო ბანკის გადაწყვეტილებით, საქართველოს მთავრობის ერთ-ერთ უმსხვილეს კონტრაქტორ კომპანიას - ჩინეთის რკინიგზის სამშენებლო კორპორაციას (CRCC) და მის შვილობილ კომპანიებს, მათ შორის ჩინეთის რკინიგზის 23-ე ბირუოს ყალბი მონაცემების წარდგენის გამო, ტენდერებში მონაწილეობა 9 თვით აეკრძალათ.


საქართველოს ვიცე-პრემიერისა და ინფრასტრუქტურის მინისტრის მაია ცქიტიშვილის განცხადებით, შესაბამისი დარღვევა საავტომობილო გზების დეპარტამენტმა 2017 წელს გამოავლინა და მის შესახებ მსოფლიო ბანკს აცნობა.


“საუბარია მსოფლიო ბანკის დაკვეთით გამოცხადებულ ერთ-ერთ ტენდერზე, რომელიც ეხებოდა ზემო ოსიაური ჩუმათელეთის გზის მონაკვეთს, რიკოთის გზის მონაკვეთს. ტენდერი ჩატარდა 2017 წელს, სწორედ გზების დეპარტამენტის მიერ იქნა დადგენილი აღნიშნული დარღვევა და ამ გადაცდომის თაობაზე ასევე ეცნობა მსოფლიო ბანკს. სატენდერო დოკუმენტაციის შეფასების დროს გამოვლინდა ეს გადაცდომა. თუ დარღვევის აღმოჩენა ხდება, ჩვენ ვალდებული ვართ შევატყობინოთ დამფინანსებელს, რასაც ვაკეთებთ კიდეც ასეთი შესაძლო დარღვევის თაობაზე. შემდგომ უკვე უშუალოდ დონორის ანუ ამ შემთხვევაში მსოფლიო ბანკის შიდა კომიტეტმა, მათმა ანტი-კორუფციულმა კომიტეტმა, განიხილა ჩვენ მიერ მიწოდებული ინფორმაცია, შეაფასა ის ამ სახით და კომპანიას 9 თვის განმავლობაში შეუზღუდა მას არა სამუშაოთა შესრულება, არამედ ახალ ტენდერებში მონაწილეობის მიღება. შესაბამისად, ეს ეხება 9-თვიან პერიოდს, ამ კომპანიასა და მსოფლიო ბანკის მიერ დაფინანსებულ ტენდერებს.


ეს კომპანია და მასთან აფილირებული კომპანიები ვალდებულები არიან გააგრძელონ ყველა ის საქმიანი ურთიერთობა, რაც მათ აქვთ აღებული ხელშეკრულებების საფუძველზე. ეს სამწუხაროდ, არ არის უნიკალური შემთხვევა და ასეთი შემთხვევები სამწუხაროდ, ხდება მთელ მსოფლიოში, სხვა და სხვა საერთაშორისო საფინანსო ინსტიტუტებს აქვთ თავიანთი შიდა დისციპლინარული სიები.



ჩავარდნა ამ შემთხვევაში სწორედ რომ არ ყოფილა, იმიტომ რომ საგზაო დეპარტამენტმა წინადადებების განხილვის ფაზაში გამოავლინა ეს დარღვევები. ამ კომპანიას არ გაუმარჯვია ამ ტენდერში, სხვა კომპანია იყო გამარჯვებული; გაიმარჯვა კერძო კომპანია “ასტალდიმ” ამ ტენდერში; ამ კომპანიას არ აქვს სამუშაოები იმ კონკრეტულ მონაკვეთზე, რაზეც საუბარია, მაგრამ ის არის კონტრაქტორი მაგისტრალის სხვა მონაკვეთზე.


კონკრეტულად ეს კომპანია ამჟამად მუშაობს მაგალითად, სამტრედია გრიგოლეთის გზის მონაკვეთზე,” - ამბობს მაია ცქიტიშვილი.


აღმოსავლეთ-დასავლეთის ჩქაროსნული მაგისტრალის პროექტი საქართველოს მთავრობის მიმდინარე უმსხვილესი ინფრასტრუქტურული პროექტია. მონაკვეთი, რომელზეც ჩინეთის რკინიგზის 23-ე ბიურო მუშაობდა, მსოფლიო ბანკის 140-მილიონიანი კრედიტით ფინანსდება. საკრედიტო ხელშეკრულებით გათვალისწინებული სამუშაოების დასრულების საბოლოო თარიღი კი, ამ მდგომარეობით 2023 წლის 31 დეკემბერია.


მსოფლიო ბანკის განცხადების მიხედვით, ჩინეთის რკინიგზის სამშენებლო კორპორაცია აცხადებს, რომ აკრძალვის ცხრათვიანი ვადის გასვლის შემდეგ, ის ბანკის ყველა სტანდარტსა და მოთხოვნას დაემორჩილება.


შეგახსენებთ, რომ ჩინეთის რკინიგზის სამშენებლო კორპორაცია საქართველოში სხვა მსხვილ პროექტებეც მუშაობდა, მათ შორისაა თბილისი-რუსთავის დამაკავშირებელი მაგაისტრალის პროექტი და თბილისი-ბათუმის რკინიგზის მოდერნიზების პროექტი, რომლის ღირებულებაც $278 მილიონ დოლარს შეადგენს.


bmg





პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up