მაია ბითაძე - ჩვენი მთავარი დაპირებაა ჩვენი მოქალაქეების სოციალური მდგომარეობის გაუმჯობესება სოფლად და ქალაქში

მაია ბითაძე - ჩვენი მთავარი დაპირებაა ჩვენი მოქალაქეების სოციალური მდგომარეობის გაუმჯობესება სოფლად და ქალაქში

access_time2020-12-21 14:34:16

გარემოს დაცვისა და ბუნებრივი რესურსების კომიტეტის თავმჯდომარის მაია ბითაძის განცხადებით, მმართველი გუნდის მთავარი დაპირება ქალაქსა და სოფელში სოციალური მდგომარეობის გაუმჯობესებაა. ამის შესახებ ბითაძემ მე-10 მოწვევის პარლამენტში განაცხადა.

მისივე თქმით, 2024 წელს საქართველოს ევროკავშირში გაერთიანებასთან დაკავშირებით დასაბუთებული განაცხადი გაკეთდება.

„მაქვს ოთხი კითხვა და ერთი ქოლგის ქვეშ მინდა გავაერთიანო - ეს არის ჩვენი გუნდის, „ქართული ოცნების“ განაცხადი, რომ 2024 წელს გავაკეთოთ დასაბუთებული განაცხადი ევროკავშირში გაერთიანებასთან დაკავშირებით, და ასევე, ჩვენი მთავარი დაპირება არის ჩვენი მოქალაქეების სოციალური მდგომარეობის გაუმჯობესება მათ შორის, სოფლად და ქალაქში. ჩემი კითხვები ეხება ჩვენი რესურსების რაციონალურ გამოყენებას და ეს განაცხადი არის ერთ-ერთი მთავარი, რომ მდგრადად უნდა მოხდეს რესურსების გამოყენება ისე, რომ ეკონომიკა განვითარდეს“,- განაცხადა პარლამენტის გარემოს დაცვისა და ბუნებრივი რესურსების თავმჯდომარემ მიმართა.

ბითაძის შეკითხვები ასევე წიაღისა და წყლის რესურსების გამოყენებას, ასევე, საწარმოების მიერ საუკეთესო ტექნოლოგიების დანერგვას და ქალაქებში გარემოსდაცვით პოლიტიკას ეხებოდა.

„საქართველოში დაიწყო ფართომასშტაბიანი წიაღის რესურსის რაციონალურ გამოყენებასთან დაკავშირებით, საბჭოთა კავშირის შემდეგ ამდაგვარი რამ არ მომხდარა, კითხვაა შემდეგი - რამდენად არის დაწყებული მუშაობა წიაღის მოპოვების სტრატეგიული განვითარების გეგმასთან დაკავშირებით, სადაც პარალელურად იქნება განხილული წიაღის შედეგად მოპოვებული რესურსის წვლილი ეკონომიკაში და ასევე, წიაღის მოპოვების შედეგად გარემოსთვის მიყენებული ზიანის აღმოფხვრისა და მიწის შემდგომი რეკულტივაციის საკითხები, გვაქვს თუ არა ასეთი გრძელვადიანი გეგმა, საკითხი ძალიან მნიშვნელოვანია ქვეყნის ეკონომიკური განვითარებისთვის. ასევე იმ კუთხით, ადგილზე უნდა შევინარჩუნოთ ჩვენ ბუნებრივი ლანდშაფტი, რადგან ტურიზმის განვითარებას და ადგილობრივი მოსახლეობის კეთილდღეობის საფუძველია. მეორე მსგავსი კითხვა მაქვს წყალთან დაკავშირებით - წყლის რესურსით ჩვენ მდიდრები ვართ, თუმცა, წყლის რესურსი საქართველოში და წყლის სააუზო მართვას კომპლექსურად თუ შევხედავთ, გამოიყენება მელიორაციისთვის, აუცილებელია ჩვენი ტყეების მდგრადი მართვისთვის, კლიმატის ცვლილებასთან ბრძოლისთვის, აუცილებელია ენერგიის მისაღებად და თევზის რესურსის სწორი მართვისთვის. ერთის მხრივ, ეს საკითხები ურთიერთდაკავშირებული არ არის, თუმცა, გრძელვადიანი ხედვისთვის აუცილებელია ქვეყანას ჰქონდეს სტრატეგიული განვითარების გეგმა წყლის რესურსების გრძელვადიან გამოყენებასთან დაკავშირებით, მათ შორის, კლიმატის ცვლილების გათვალისწინებით, იმიტომ, რომ გვაქვს მყინვარები, მოწყვლადია ბოლო დაკვირვებების შედეგად და პოტენციურად შესაძლებელია, რამდენიმე წლის შემდეგ არ გვქონდეს ის ხარჯი, რის მოლოდინიც გვაქვს, არის თუ არა ამაზე მუშაობა დაწყებული და რა ეტაპზე ვართ და რა ხედვა გვაქვს ამ მიმართულებით.


ასევე, კითხვა მექნება ლევან დავითაშვილთან, საწარმოებთან დაკავშირებით. ასოცირების ხელშეკრულებიდან გამომდინარე, ჩვენ გვაქვს ვალდებულებები, რომ საწარმოებმა საუკეთესო ტექნოლოგიები ეტაპობრივად დანერგონ - რა მდგომარეობაში ვართ ამ კუთხით და რა იგეგმება, იმიტომ, რომ ეს საკმაოდ დიდი გამოწვევაა, განსაკუთრებით, პანდემიიდან გამომდინარე, თვითონ ეკონომიკაზე და ბიზნესზე, იმიტომ, რომ საკმაოდ ძვირი ღირს ის ტექნოლოგიები, რომელიც მათ ეტაპობრივად უნდა დანერგონ.

მეოთხე კითხვა ეხება იმ დერეგულაციას, რომელიც ჩვენ წლების განმავლობაში გვქონდა, განსაკუთრებით, ქალაქებში გარემოს დაცვით პოლიტიკასთან დაკავშირებით, რამაც ძალიან თვალნათელი გახადა, რომ ურბანულმა განვითარებამ, განსაკუთრებით, დიდ ქალაქებში, ადგილზე ცხოვრების ხარისხი რიგ შემთხვევაში, გააუარესა. მათ შორის, არასწორი სამშენებლო პოლიტიკის კუთხით, ადამიანებს, ელემენტარულად, მზის სხივი არ აქვთ, ხოლო ზედმეტი განაშენიანება მიწისქვეშა კომუნიკაციების, მათ შორის, მდინარეების გადატვირთულობას და დაბინძურებას იწვევს.

გარკვეული ნაბიჯები „ქართულმა ოცნებამ“ ამ კუთხით გადადგა, განსაკუთრებით დიდი ნაბიჯები გადაიდგა თბილისში ამ კუთხით და როგორია თქვენი ხედვა, რომ ის სამართლებრივი ცვლილებები, რომელიც ამ კუთხით თბილისში განხორციელდა, გავრცელდეს მთელ ქვეყანაზე და მათ შორის, დიდ ქალაქებში მშენებლობის ნებართვის გაცემის პროცესში ინტეგრირდეს გარემოს დაცვითი და სატრანსპორტო საკითხები“, - განაცხადა ბითაძემ.

BPN.GE




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up