,,მაგთიკომი

,,მაგთიკომი" და ,,სილქნეტი" ბაზრის 76%–ს აკონტროლებენ - შექმნილი ოლიგოპოლიური მდგომარეობა ისევ და ისევ მოქალაქეებს დააზარალებს

access_time2018-11-02 18:00:00

მობილური, ინტერნეტ და სატელევიზიო ბაზრის დაახლოებით, 76%–ს ,,მაგთიკომი" და ,,სილქნეტი" აკონტროლებენ.


,,საქართველოს ისტორიაში ყველაზე მსხვილი გარიგების შედეგად…", – ალბათ, ეს ფრაზა ,,სილქნეტის" რეკლამაში ყველას მოუსმენია, მაგრამ ცოტა თუ მიმხვდარა, რომ რეალურად კომპანია თავისივე სარეკლამო ბმულში იტყუება. აღნიშნული გარიგება სატელეკომუნიკაციო ბაზარზეა ყველაზე მსხვილი, თორემ საქართველოს ისტორიაში გაცილებით მსხვილი ბიზნესგარიგეგებიც არაერთი ყოფილა. შორს, რომ არ წავიდეთ მაგალითად ,,თიბისი ბანკის" მიერ ,,რესპუბლიკა ბანკის" შეძენაც კი კმარა, მაშინ ,,თიბისი ბანკმა" ,,ბანკ რესპუბლიკას" აქციები 315 მილიონ ლარად შეიძინა. აი სატელეკომუნიკაციო ბაზარს რაც შეეხება, იქ ნამდვილად ყველაზე მსხვილი გარიგების მომსწრენი გავხდით, თუმცა ესეც რა გასაკვირია, ბაზარზე ხომ სულ 5 მსხვილი კომპანია იყო და მათგან უკვე მხოლოდ 3 დარჩა. ეს ფაქტი კი სასიხარულოზე მეტად სამწუხაროა და იმ წარსულში დაბრუნებას ჰგავს, როდესაც ოლიგოპოლიურ მდგომარეობაში მყოფი ორი კომპანია ბაზარზე სრულად აკონტროლებდა სიტუაციას, ტარიფებსაც შეთანხმებულად აწესებდა და არასდროს ამცირებდა მას. თუმცა მივყვეთ მოვლენებს თანამიმდევრულად…



არსებული რეალობა ციფრებში


მას შემდეგ რაც ,,მაგთიკომმა" ,,კავკასუს ონლაინი', ხოლო ,,სილქნეტმა" ,,ჯეოსელი" შეიძინა, სატელეკომუნიკაციო ბაზარზე კონკურენცია ფაქტობრივად მოკვდა და ყველა ძირითად სექტორში მხოლოდ ორი კომპანია ,,მაგთიკომი" და ,,სილქნეტი" დარჩა. ერთადერთი მობილური ოპერატორების ბაზარზე, დღემდე ახერხებს ,,ბილაინი" არსებობას, თუმცა რეალური კონკურენციის გაწევაზე ამ შემთხვევაში რთულია საუბარი.


მობილური ოპერატორები – 2018 წლის აგვისტოს მონაცემებით მობილური ოპერატორების ბაზარზე 4,952,493 აბონენტია რეგისტრირებული, საიდანაც ,,მაგთიკომს" 1,995,949 (40.3%) აბონენტი ჰყავს, ,,ჯეოსელს" და ,,სილქნეტს" ერთად 1,825,621 (36.8%) აბონენტი, ხოლო ,,ბილაინს" 1,129,317 (22.8%) აბონენტი, მხოლოდ 0.1%–ია კომპანია ,,ჯიმობაილის"  წილი. როგორც არსებული მონაცემებიდან ჩანს, ,,ბილაინი" საკმაოდ ჩამორჩება ბაზრის ორ მთავარ მოთამაშეს და თუ ბოლო თვეების რაოდენობას გადავხედავთ, მისი აბონენტების რაოდენობაც მუდმივად მცირდება.



ინტერნეტბაზარი – ინტერნეტბაზარზე ჯამში 795 000 აბონენტია და აქაც სრულად ლიდერობენ ,,მაგთიკომი" 346,218 (43.5%) აბონენტით და ,,სილქნეტი" 276,721 (34.8%) აბონენტით, ანუ ჯამში ამ ორი კომპანიის აბონენტების რაოდენობა 78.3%–ს შეადგენს და მხოლოდ 21.7%–ია დანარჩენი 400 მცირე ოპერატორის წილი ბაზარზე.




სატელევიზიო მომსახურება – რაც შეეხება სატელევიზიო მომსახურებას, აქ რეგისტრირებულია 608,190 აბონენტი, თუმცა ამ შემთხვევაშიც რეალურად ორი კომპანიაა ლიდერი, რა თქმა უნდა, ,,მაგთიკომი" 291,984 (48%) აბონენტით და ,,სილქნეტი" 213,661 (35%) აბონენტით, ანუ ჯამში ბაზრის 83% აქვთ დაპყრობილი, ხოლო დარჩენილ 135 კომპანიას ბაზრის მხოლოდ 27% აქვთ ათვისებული.



დაბრუნება წარსულში



სატელეკომუნიკაციო ბაზარზე შექმნილი რეალობა წარსულში დაბრუნებას უფრო ჰგავს, ვიდრე ბაზრის განვითარებას. მაშინ, როდესაც წლების განმავლობაში ბაზარზე მხოლოდ ორი კომპანია ,,მაგთიკომი" და ,,ჯეოსელი" მუდმივად მაღალი ფასებით ოპერირებდა. შემდეგ ბაზარზე რამდენიმე ახალი კომპანია ,,ბილაინი", ,,სილქნეტი", ,,კავკასუს ონლაინი" გამოჩნდნენ და სატელეკომუნიკაციო ბაზარზე კონკურენციის ნიშნებიც გაჩნდა. გარკვეული პერიოდის განმავლობაში ფასების შემცირების ტენდენციაც დაიწყო, განსაკუთრებით მობილური ოპერატორების ბაზარზე, თუმცა ბოლო წლებში, ჯერ ,,მაგთიკომისა" და ,,კავკასუს ონლაინის" გაერთიანების, შემდეგ კი ,,სილქნეტისა" და ,,ჯეოსელის" შედეგად ბაზარზე ფაქტობრივად ორი კომპანია დარჩა, რამაც ოლიგოპოლიური მდგომარეობა შექმნა.



მხოლოდ გაერთიანება და ოლიგოპოლიური მდგომარეობა, ბუნებრივია, საგანგაშო არ არის, თუმცა თუ გავითვალისწინებთ ქართულ ბაზარს და ,,მაგთიკომისა" და ,,სილქნეტის" საქმიანობის პრაქტიკას წლების განმავლობაში, რეალობა ნამდვილად არასახარბიელოა. ციფრული ტექნოლოგიების განვითარების კვალდაკვალ და მსოფლიოში ფასების მუდმივი კლების მიუხედავად საქართველოში სატელეკომუნიკაციო ბაზრის არცერთ სეგმენტში ფასების კლებას ფაქტობრივად ადგილი არ ჰქონია. პირიქით, მობილური ოპერატორების ბაზარზე (თუ არ გავითვალისწინებთ სხვადახვა თემატურ პაკეტებს, რაზეც ხშირად ამახვილებენ კომპანიები ყურადღებას) ფასები გაიზარდა კიდეც და ერთი წუთის ღირებულება კომპანიებისთვის დაწესებულ ზედა ზღვარს – 24 თეთრს გაუთანაბრდა. რაც შეეხება ინტერნეტბაზარს, უამრავ პრობლემასთან ერთად ამ სექტორშიც ფასები ბოლო წლების განმავლობაში უცვლელია და მიუხედავად იმისა, რომ დაახლოებით 1 წლის წინ, კომუნიკაციების მარეგულირებელი კომისიის თავმჯდომარემ განაცხადა ბაზარზე ინტერნეტის ხარისხი და ფასები ერთმანეთს არ შეესაბამებაო, არანაირი შედეგი ამ განცხადებას არ მოჰყოლია.



მართალია ,,სილქნეტმა" ,,ჯეოსელის" შეძენის შემდეგ დააანონსა, რომ გაერთიანებულ მომსახურებებს გაცილებით იაფად და უკეთესი პირობებით შესთავაზებდა მომხმარებელს, მაგრამ დაახლოებით იგივე ტიპის განცხადება იყო წლების წინ გაკეთებული ,,მაგთიკომის" მიერ, როდესაც ,,კავკასუსი" შეიძინა, თუმცა მას შემდეგ ფასებიც იგივე დარჩა და ხარისხი კი საკმაოდ გაუარესდა. შესაბამისად, არ არის გამორიცხული იგივე სტილში გააგრძელოს საქმიანობა ,,სილქნეტმაც" და საბოლოო ჯამში ბაზარზე შექმნილი ოლიგოპოლიური მდგომარეობა ისევ და ისევ მოქალაქეებს დააზარალებს, ხოლო კომპანიების მადას კიდევ უფრო მეტად გაზრდის.


არსებულ სიტუაციაში გამოსავალი კომუნიკაციების მარეგულირებელი კომისიის სწორი და ეფექტური მუშაობაა, მნიშვნელოვანია, რომ არ დაუშვას ორი კომპანიის გარიგება და მუდმივად აკონტროლოს ბაზარზე არსებული სიტუაცია. თუმცა, ამ მიმართულებითაც საკმაოდ არასახარბიელო მდგომარეობაა, ვინაიდან მარეგულირებელი, ფაქტობრივად, არ ერევა კომპანიების საქმიანობაში და საკმაოდ იშვიათად თუ აძლევს შენიშვნებს თუ მითითებებს კომპანიებს. შესაბამისად, დაველოდოთ რას გვიჩვენებს ახალი რეალობა და სატელეკომუნიკაციო ბაზარზე შექმნილი ოლიგოპოლიური მდგომარეობა.



BFM.GE






ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს

ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს
access_time2018-11-19 19:52:54
საქართველოს მესამე პრეზიდენტი მთავრობის ვალების განულების ინიციტივას ეხმაურება. მიხეილ სააკაშვილი პრემიერის დღევანდელ განცხადებას, რომლის მიხედვითაც მოქალაქეებს რომლებსაც 2000 ლარზე ნაკლები ვალი აქვთ და ამის გამო შავ სიაში არიან ვალები გაუნულდებათ, ივანიშვილის მორიგ აფიორას უწოდებს.   მე მგონი სიტყვა ინიციატივა ძალიან უხერხულია ამ საოცრებასთან დაკავშირებით, რაც დღეს გააჟღერა ე.წ. პრემიერმა. ეს არის ჩვეულებრივი მორიგი აფიორა, ძალიან ბოროტი აფიორა, არ შეიძლება ჩვენს ხალხს,...

„სწრაფი და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“

„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“
access_time2018-11-19 19:00:08
„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“-  ასე აფასებს  მიკროსაფინანსო ორგანიზაცია „რიკო კრედიტის“ სამეთვალყურეო საბჭოს თავმჯდომარე ლაშა ნიკოლაიშვილი „კომერსანტთან“  მთავრობის მიერ გაჟღერებულ ინიციატივას, რომლის მიხედვითაც 600 ათასზე მეტ ადამიანს ვალი ჩამოეწერება.   ნიკოლაიშვილი განმარტავს, რომ ეს  გადაწყვეტილება ძირითადად, სწრაფი და...

დეტალები სესხების განულების პროგრამის შესახებ

დეტალები სესხების განულების პროგრამის შესახებ
access_time2018-11-19 20:00:00
“ბანკები და ფინანსები” ექსკლუზიურად გთავაზობთ ვალდებულებების განულების პროგრამის შესახებ დეტალებს.   რა არის ვალდებულების განულების პროგრამა?   ერთჯერადი პროგრამა, რომლის ფარგლებში საქველმოქმედო ფონდი „ქართუ“ბანკისაგან გამოისყიდის ფიზიკური პირების ვადაგადაცილებულ ვალდებულებებს წინასწარ განსაზღვრული კრიტერიუმებით;   სრულიად გაუნულდება თუ არა მომხმარებელს ვალების განულების პროგრამაში...

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს
access_time2018-11-19 16:55:00
ფონდ „ქართუში“ 600 000 მოქალაქისთვის სასესხო დავალიანების ჩამოწერის საკითხზე კომენტარი გაკეთდა.   როგორც ფონდის გამგეობის თავმჯდომარე ნიკოლოზ ჩხეტიანი აცხადებს, „ქართუს“ დამფუძნებლის, ბიძინა ივანიშვილის გადაწყვეტილებით, ამ წლის ბიუჯეტში ფონდს უკვე დარეზერვებული აქვს 100 მილიონი ლარი.   მისი თქმით, აღნიშნულ საკითხთან დაკავშირებით, ფონდი „ქართუ“ აქტიურად მუშაობს ხელისუფლებასთამ.   „დღეს საქართველოს პრემიერ-მინისტრმა გამოაცხადა ძალზედ...

საბანკო ასოციაცია განმარტავს, ვის შეეხება საბანკო დავალიანების განულება

საბანკო ასოციაცია განმარტავს, ვის შეეხება საბანკო დავალიანების განულება
access_time2018-11-19 15:26:55
საქართველოში მოქმედ ბანკებსა და ფონდ „ქართუს“ შორის დასრულდა წინასწარი მოლაპარაკება ვადაგადაცილებული სასესხო პორტფელის ნაწილის გაყიდვასთან დაკავშირებით. ამის შესახებ საქართველოს საბანკო ასოციაცია განცხადებას ავრცელებს.   მათივე ინფორმაციით, პორტფელი ძირითადად იმ მცირემოცულობითი საკრედიტო ვალდებულებებისაგან შედგება, რომლებზეც ვადაგადაცილება წარმოიშვა 2018 წლის 1-ელ იანვრამდე და რომლებიც აკმაყოფილებენ ქვემოთ ჩამოთვლილ ყველა კრიტერიუმს:   2018 წლის 19...


მსგავსი სიახლეები

up