ალბათ ბელორუსიაში მიმდინარე დრამატულ მოვლენებს თვალს თითქმის ყველა ადევნებს. თუმცა, საქართველოში ამ ქვეყნის შესახებ ძალიან ცოტა იციან.

აი რამდენიმე ფაქტი ბელორუსიის შესახებ

მთელი ბელორუსიის ეკონომიკა  ერთ ამერიკულ შტატს უდრის

ინტერნეტში ქვეყნების ეკონომიკებს აშშ-ს შტატებთან ხშირად ადარებენ, რადგანაც ისინი ერთანეთისგან ძალიან განსხვავდებიან როგორს მოსახლეობის რაოდენობით, ასევე განვითარების დონით.

ბელორუსია არაა ძალიან განვითარებული ქვეყანა, და მისი მშპ შტატ ჩრდილოეთ დაკოტას მშპ-ს უდრის.

თავად ჩრდილოეთ დაკოტა კი 50 შტატიდან მშპ-ს მხრივ 47-ე ადგილზეა.

ბელორუსია საქართველოზე მდიდარია
ბელორუსია, ისევე როგორც საქართველო მდიდარი ქვეყანა არაა, თუმცა, მისი მშპ 2000 დოლარით მეტია - 6700 დოლარი ერთ სულ მოსახლეზე.

მაგრამ სხვა მეზობელ ქვეყნებთან, ძირითადად ევროკავშირის წევრებთან, ბელორუსია ძალიან ღარიბია, და მაღალი ეკონომიკური ზრდით არ გამორჩევა.

ეკონომიკას სახელმწიფო აკონტროლებს
ბელორუსიაში სსრკ-ს დაშლის შემდეგ მასშტაბური პრივატიზაცია არ მომხდარა, ამიტომაც მშპ-ს 70% ნახევრად სახელმწიფო საწარმოებში იქმნება.

ბელორუსულ ენაზე მხოლოდ მოსახლეობის 2% ლაპარაკობს ბელორუსია ძალიან რუსიფიცირებული ქვეყანა. სადღეისოდ იქ 2 სახელმწიფო ენაა - ბელორუსული და რუსული, თუმცა, მეორე აშკარად პრივილეგირებულ მდგომარეობაშია.

ეროვნულ ენაზე არა მხოლოდ არ ლაპარაკობენ, არამედ მას არ ფლობენ. სკოლებში ბელორუსულ ენაზე ბავშვების მხოლოდ 11% სწავლობს.

ეს მაშინ, როდესაც ერთ დროს ყველა ლაპარაკობდა ბელორუსულ ენაზე - 1897 წლის რუსეთის იმპერიის აღწერის თანახმად მოსახლეობის 90% იმ დროს ბელორუსულენოვანი იყო.

ხელისუფლებას კონცერტის აკრძალოს იდეოლოგიური შეხედულებებიდან გამომდინარე შეუძლია
ამ ქვეყანაში კონცერტის ჩატარება მარტივი საქმე არაა. ხელისუფლების ადგილობრივ ორგანოებში იდეოლოგიური მუშაობის, კულტურის, და ახალგაზრდობის სამმართველოები არსებობს, და ღონისძიების ჩატარების ნებართვა შემსრულებელს სწორედ მათ უნდა გასცენ.

2011-2019 წლებში ასეთი ნებართვა როგორც მინიმუმ 11-მე შემსრულებელმა ვერ მიიღო.

ბელორუსები ბევრ ალკოჰოლს მოიხმარენ
ბელორუსიაში წლიურად 1 ადამიანზე 11,2 ლიტრი სუფთა ალკოჰოლი მოდის - ეს საშუალოევროპულ მაჩვენებელზე მეტია. ეს ასევე მეტია ვიდრე უკრაინაში, მაგრამ ნაკლები ვიდრე რუსეთში.

ბელორუსიაში განვითარებულია მაღალი ტექნოლოგიები IT-სექტორს ქვეყნის ეკონომიკაში დიდი ადგილი უჭირავს.

ბელორუსი პროგრამისტების 60% შეკვეთებს საერთაშორისო კომპანიებისთვის ასრულებს.
სამუშაო ადგილების რაოდენობის კუთხით ის არის ქვეყნის ეკონომიკის მე-3 სექტორი.

ბელორუსიაში სპეციალური ტექნოპარკი მოქმედებს, სადაც მაღალტექნოლოგიური კომპანიებისთვის განსაკუთრებული საგადასახადო რეჟიმის მოქმედებს.

2014-20197 წლებში კომპიუტერული მომსახურეობის ექსპორტი ბელორუსიიდან 4-ჯერ გაიზარდა. ეს ქვეყნის სერვისის ექსპორტის მოცულობით მე-5 დარგია.

მაღალი ტექნოლოგიების წილი ბელორუსიის ეკონომიკაში 6,5%-ს შეადგენს.

ბელორუსიის ტექნოპარკში Maps.me და საყოველთაოდ ცნობილი Viber გაჩნდა, აქაურ სტარტაპებში ინვესტიციებს Facebook დებს.

ინტერნეტი იქ ერთ-ერთი ყველაზე იაფია მსოფლიოში საშუალოდ ინტერნეტი ბელორუსიაში თვეში 10 დოლარი ღირს. ეს მე-5 ადგილია მსოფლიოში.

ბელორუსია არის ერთად-ერთი ქვეყანა, სადაც „ოქტომბრის დიდ სოციალისტური რევოლუციის“ დღეს ზეიმობენ.
ამ დღესასწაულზე რუსეთმაც კი უარი თქვა.

ბედნიერების რეიტინგში ქვეყანა 81-ე ადგილზეა ეს რეიტინგის შუაშია

ბელორუსიაში სიკვდილით დასჯა მოქმედებს
1996 წლის რეფერენდუმზე სიკვდილით დასჯის წინაამღდეგ ხმა მოსახლეობის მხოლოდ 18%-მა მისცა.

ეკონომიკა ძალიან დამოკიდებულია რუსეთზე

ბელორუსებს რუსეთი უყვართ, და ისინი რუსეთის საფრთხედ არ მიიჩნევენ. მინსკი პოლიტიკაში როგორც წესი რუსეთს მიჰყვება.

მომავალში იგეგმება მათი მეტი დაახლოვება, თუმცა, ღრმა ინტეგრაციას თავად ქვეყნის პრეზიდენტი ალექსანდრ ლუკაშენკო ეწინაამღდეგება.

რუსეთი უმსხვილესი ინვესტორია
ბელორუსიის ექსპორტის 38% რუსეთზე მოდის. სხვა მიმართულებებიც რუსეთთანაა დაკავშირებული - დანარჩენი ექსპორტის მესამედი არის ნავთთობპროდუქტები, რომლებიც ევროკავშირში გადის.

თუმცა, ნავთობს ქვეყანა შეღავათიან ფასებში რუსეთისგან ყიდულობს.

ბელორუსიაში რუსული სამხედრო ბაზები მდებარეობს

ეს რადიოსალოკაციო სადგურია, რომელიც სარაკეტო შეტევების შეტყობინებაზე მუშაობს, და კავშირგაბმულობის კვანძი, რომელიც რუსული ფლოტის სარდლობას ატომურ წყალქვეშა ნავებთან აკავშირებს.

ალექსანდრ ლუკაშენკო ქვეყნის პრეზიდენტად უკვე 26 წელია რჩება.
ის აირჩიეს 1994 წელს. როდის წავა ლუკაშენკო ამ პოსტიდან - ძალიან ძნელი სათქმელია.