ზაალ იაკობიძე-„მაღალი კურსი, ბუნებრივია, იწვევს ფასების მატებას“ - რამდენი თეთრით შეიძლება გაძვირდეს საწვავი?

ზაალ იაკობიძე-„მაღალი კურსი, ბუნებრივია, იწვევს ფასების მატებას“ - რამდენი თეთრით შეიძლება გაძვირდეს საწვავი?

access_time2019-07-31 19:25:24

ნავთობპროდუქტების ფასზე ძირითადად ორი მთავარი ფაქტორი ახდენს გავლენას, ეს არის ლარის გაცვლითი კურსი დოლართან მიმართებაში და საერთაშორისო ბაზარზე პლატცის ფასი.როგორც ნავთობიმპორტიორი კომპანიები აცხადებენ, საწვავის ფასზე ნეგატიური გავლენა ამ ორი ფაქტორიდან მხოლოდ ლარის კურსმა შეიძლება იქონიოს, რადგან ბოლო ორი კვირის განმავლობაში საერთაშორისო ბაზარზე ნავთობის ფასი გაზრდის შემდეგ დასტაბილურდა, ლარი კი, დევალვაციას განაგრძობს.


კომპანიების თქმით, შემდგომი იმპორტის განხორციელების დროს ლარის კურსი ბუნებრივია, ნეგატიურად აისახება საწვავის ფასზე და შესაძლებელია ზრდა პირველ ეტაპზე 5-6 თეთრის ფარგლებში იყოს.


„მარაგების შევსების თემა მითივით არის, რომ თითქოს დიდი მარაგების შევსება ხდება. ჩვეულებრივ რეჟიმშია ხოლმე, რადგან არავინ იცის, რა იქნება 2 კვირის ან ერთი თვის შემდეგ. ასე რომ, მარაგების შევსებას დიდად აზრი არ აქვს. ეგ ნიშნავს, რომ შეგიძლია რაღაც პროგნოზი გააკეთო, პროგნოზები კი, ამ სფეროში პრაქტიკულად შეუძლებელია. მარაგების შევსება, როგორც წესი, ორი კვირიდან ერთი თვის ფარგლებში ხდება. თუ ლარის კურსი განაგრძობს გაუფასურებას, შესაბამისად, ეს ძალიან სწრაფად აისახება საწვავის ფასებზე. ეს არის ძალიან სწრაფად რეაგირებადი თემა, თუ ახლა არ აისახა, აუცილებლად აისახება რამდენიმე დღეში. როგორც წესი 5-6 თეთრის ფარგლებში ხდება დაკორექტირება და შემდგომ იმის მიხედვით, როგორ განვითარდება მოვლენები“, - აცხადებს „სენტა პეტროლიუმ ჯორჯიას“ ხელმძღვანელი ზაალ იაკობიძე.


კითხვაზე - რამდენი თეთრით გაძვირდება საწვავი, „ვისოლის“ გენერალური დირექტორი კონკრეტულ ციფრს არ ასახელებს, თუმცა ამბობს, რომ გაუფასურებული ლარი, ბუნებრივია, აისახება შემდგომი იმპორტის განხორციელების დროს საწვავის ფასზე.



„შესყიდვებს და მარაგებს ისე ვაკეთებთ, როგორც გვქონდა და ბუნებრივია, დევლავირებული ლარი იმოქმედებს ახალ იმპორტზე თავისი ნეგატიური კუთხით.ჯერჯერობით, დამატებით შესყიდვებს არ ვაკეთებთ. 


იმპორტირებულ პროდუქტზე ნებისმიერი ახალი კურსი, რომელიც ნეგატიურად აისახება, ეს მეტყველებს იმაზე, რომ გაძვირდება პროდუქცია. ჯერ ვინარჩუნებთ სტაბილურობას, თუმცა თუ მაღალი კურსი იქნება, ბუნებრივია, მოხდება ფასების მომატებაც. ყოველდღიურად ხდება ნავთობპროდუქტების შემოტანა, ძირითადად 2-3 კვირიანი ციკლია, როცა ვაკეთებთ მარაგების შევსებას.


ჩვენ ცვლადი ორი კომპონენტი გვაქვს. თუ ერთ-ერთი კომპონენტი იცვლება, ვმოქმედებთ იმის მიხედვით. დღეს დგას გაცვლითი კურსის პრობლემა, რაც ნეგატიურ როლს შეიტანს ფასის გაზრდაში.ვცდილობთ, მინიმალური ცვლილება გავაკეთოთ, რათა ბრუნვა იქნას შენარჩუნებული. ჩვენი ინტერესია მეტი ლიტრი გავყიდოთ, ამის საშუალებას იძლევა დაბალი ფასი“, - აცხადებს ვასილ ხორავა.


შეგახსენებთ, ბოლოს საცალო ქსელში საწვავი 3 კვირის წინ 5-10 თეთრის ფარგლებში გაძვირდა.


BMG






სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში
access_time2019-08-16 20:30:06
მოგესლამებით. მინდა გაუწყოთ რომ 17 ივლისს JDinvesment ის პორტფელს დაემატა კიდევ ერთი, ჩვენი აზრით, პერსპექტიული კომპანია. ეს კომპანია არის ტექნოლოგიური კომპანია და ქმნის პროდუქტს რომელიც, დღევანდელ ინტერნეტ სივრცეში დიდ საჭიროებას წარმოადგენს. ამაში ადვილად დავრწმუნდებით ცოტა ხანში, როდესაც ამ კომპანიის ფუნდამენტალური ანალიზით დავკავდებით. შევეცდები მაქსიმალურად იოლად ავხსნა კომპანიის ბიზნესმოდელი და მისი ფინანსური მაჩვენებლები. ასე დაგანახოთ საინვესტიციო უპირატესობები. გვეწვიეთ საიტზე...

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა
access_time2019-08-16 19:30:37
სახელმწიფო აუდიტის სამსახური აფხაზეთის ავტონომიური რესპუბლიკის მთავრობისა და მასთან არსებული ორგანიზაციების მიერ სამსახურებრივი სარგებლობის ავტომანქანების ექსპლუატაციის პროცესში საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებზე მიუთითებს. კერძოდ, აფხაზეთის ავტონომიური რესპუბლიკის მთავრობისა და მასთან არსებული ორგანიზაციების ფინანსური აუდიტის ანგარიშში აღნიშნულია, რომ გასულ წელს სამსახურებრივი სარგებლობის სამორიგეო...


მსგავსი სიახლეები

up