მაღალ ეკონომიკურ ზრდასთან ერთად ჩვენ ვინარჩუნებთ დაბალ ინფლაციასა და სტაბილურ მაკროეკონომიკურ გარემოს- ივანე მაჭავარიანი

მაღალ ეკონომიკურ ზრდასთან ერთად ჩვენ ვინარჩუნებთ დაბალ ინფლაციასა და სტაბილურ მაკროეკონომიკურ გარემოს- ივანე მაჭავარიანი

access_time2019-02-25 20:15:44

საქართველოს სავაჭრო-სამრეწველო პალატის ორგანიზებითა და ზემო ბავარიის სავაჭრო-სამრეწველო პალატის (IHK) აკადემიის პროექტის მხარდაჭერით, რეგიონული ბიზნესფორუმი - „ღია დიალოგი" გაიმართა.

 

ფორუმს 200-მდე მეწარმე დაესწრო. მათ მიეცათ საშუალება, საჯარო/კერძო დიალოგის ფორმატში, ქვეყნის ეკონომიკური ბლოკის ხელმძღვანელებისათვის, მიეწოდებინათ ინფორმაცია იმ პრობლემებისა და გამოწვევების შესახებ, რომლებიც საქმიანობის პროცესში ექმნებათ.

 

ღონისძიება საქართველოს სავაჭრო-სამრეწველო პალატის პრეზიდენტმა, ნინო ჩიქოვანმა გახსნა. ფორუმის მონაწილეებს მისასალმებელი სიტყვით მიმართეს რეგიონული განვითარებისა და ინფრასტრუქტურის მინისტრმა მაია ცქიტიშვილმა, ფინანსთა მინისტრმა ივანე მაჭავარიანმა, ეკონომიკისა და მდგრადი განვითარების მინისტრმა გიორგი ქობულიამ და გარემოს დაცვისა და სოფლის მეურნეობის მინისტრმა ლევან დავითაშვილმა.

 

აღნიშნულ ღონისძიებაზე, პრეზენტაციებით შემდეგი სამთავრობო უწყებები წარდგნენ: საჯარო რეესტრის ეროვნული სააგენტო, ქონების ეროვნული სააგენტო, ფინანსთა სამინისტროს შემოსავლების სამსახური, სააგენტო „აწარმოე საქართველოში", სურსათის ეროვნული სააგენტო, სოფლის მეურნეობის სამინისტროს პროექტების მართვის სააგენტო და ინოვაციებისა და ტექნოლოგიების განვითარების სააგენტო.

 


ფინანსთა მინისტრმა, ივანე მაჭავარიანმა ფორუმზე უმნიშვნელოვანეს მოვლენად დაასახელა სარეიტინგო სააგენტო Fitch-ის მიერ საქართველოს სუვერენული საკრედიტო რეიტინგის „BB" ნიშნულამდე გაუმჯობესება. „საკრედიტო რეიტინგი, ფაქტობრივად, ყველა განზომილებაში უყურებს ეკონომიკის სიძლიერეს, მდგრადობას, მმართველობის ხარისხს და აჩვენებს, თუ რამდენად სტაბილური და გადახდისუნარიანია ეკონომიკა. რეიტინგების მუდმივად გაუმჯობესების ტრენდი, რაც ბოლო წლებში ვაჩვენეთ მიუთითებს იმაზე, რომ  სწორი გზით ვვითარდებით", - აღნიშნა ფინანსთა მინისტრმა.

 

მიუხედავად გლობალური თუ რეგიონული ეკონომიკური ზრდის შენელებისა, რომელიც 2018 წლის მეორე ნახევრიდან შეინიშნება, საქართველოში მაინც, 4.8%-იანი ეკონომიკური ზრდა დაფიქსირდა. ივანე მაჭავარიანმა აღნიშნა, რომ ეკონომიკური ზრდის ძირითადი წარმმართველი ინვესტიციები იყო, რაც მიუთითებს იმაზე, რომ ტენდენცია შემდგომ წლებშიც შენარჩუნდება. „მაღალ ეკონომიკურ ზრდასთან ერთად ჩვენ ვინარჩუნებთ დაბალ ინფლაციასა და სტაბილურ მაკროეკონომიკურ გარემოს", - განაცხადა ფინანსთა მინისტრმა.

 

ასევე, ივანე მაჭავარიანმა, ყურადღება გაამახვილა ახლახან ამოქმედებულ ზედმეტად გადახდილი დამატებული ღირებულების გადასახადის (დღგ) დაბრუნების ავტომატურ მექანიზმზე. ამ მხრივ, წინა წლის შედეგები შთამბეჭდავია, როდესაც 500 მილიონ ლარზე მეტი თანხა დაბრუნდა. ეს მონაცემი თითქმის 2,5-ჯერ მეტია, ვიდრე 2017 წლის შედეგები, თუმცა ფინანსთა მინისტრის თქმით, წლევანდელი მოვლენა წარმოადგენს რევოლუციურ გარღვევას. „ავტომატურმა დაბრუნების სისტემამ ძირეულად შეცვალა დღგ-ს ზედმეტობის შინაარსი. ის უკვე წარმოადგენს არა უბრალოდ ზედმეტად გადახდილ გადასახადს, არამედ საკუთარ ანგარიშს შემოსავლების სამსახურში. ნებისმიერ დროს შესაძლებელია გადაწყვიტო, გქონდეს თანხა საკუთარ „დეპოზიტზე" შემოსავლებში, თუ დაიბრუნო დამატებით ინვესტიციის განსახორციელებლად", - განმარტა ივანე მაჭავარიანმა. 

 

ღონისძიებაზე, ფინანსთა მინისტრი შეეხო პირველი იანვრიდან ამოქმედებულ დაგროვებით საპენსიო სისტემას, რომელიც წარმოადგენს პირველ და უდიდეს ნაბიჯს საპენსიო სისტემის რეფორმირების მიმართულებით. ივანე მაჭავარიანის თქმით, საერთაშორისო გამოცდილების ყველა კვლევა არის უპირობო დასტური იმისა, რომ რეფორმა წარმოადგენს ეკონომიკური ზრდის დაჩქარების უმნიშვნელოვანეს წყაროს.

 

ფორუმზე ფინანსთა მინისტრმა, ასევე, ხაზი გაუსვა სპეციალურ საგადასახადო რეჟიმს მულტინაციონალური კომპანიებისათვის, გადაწყვეტილებას საგადასახადო ჯარიმების ლიბერალიზაციის შესახებ და მცირე ბიზნესისათვის შექმნილ ახალ საგადასახადო რეჟიმს, რომლის მიხედვითაც ისინი ბრუნვის მხოლოდ 1%-იან გადასახადს იხდიან.





დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up