Vanrik Agro-ს  გაკოტრების მთავარი მიზეზი

Vanrik Agro-ს გაკოტრების მთავარი მიზეზი

access_time2019-12-27 20:00:30

„საპარტნიორო ფონდის“ სს „Vanrik Agro“-თან დაკავშირებული მოთხოვნის აუქციონი გაიმართა და  ლურჯი მოცვის პლანტაციების აქტივების მმართველი  შპს „ეფკო“ გახდა. რომელიც კომპანიის მენეჯმენტის შეცვლასა და  პლანტაციის სრული ტერიტორიის ათვისებას  2020 წლიდანვე გეგმავს.  „კომერსანტი“ დაინტერესდა, რა შეიცვლება სამომავლოდ „ლურჯი მოცვის“ წარმოებისას ?


 „ლურჯი მოცვის მწარმოებელი კომპანია „Vanrik Agro“ არასწორი მენეჯმენტის გამო გაკოტრდა და ჩვენ ამ მენეჯმენტის დახვეწას ვაპირებთ,“-ამის შესახებ  „კომერსანტს“ შპს. „ეფკოს“ დირექტორმა შოთა მარგალიტაძემ განუცხადა.

 

„რადგან ჩვენ გაკოტრებული კომპანია ჩავიბარეთ ეს იმას არ ნიშნავს, რომ  დარგი უპერსპექტივოა. სწორი გათვლები, აგროკულტურული ოპერაციების დაგეგმვა, ასევე სწორი პიარი თანამშრომლების მოტივაცია და ბაზრის  არჩევა. ეს არის ერთ-ერთი მთავარი საკითხი რაც უზრუნველყოფს კომპანიის წარმატებას. ამას ვაპირებთ ჩვენ, რომ გამართული  მენეჯმენტით  ჩვენ  წარმატებულ კომპანიას შევქმნით. რაც შეეხება ტერიტორიას,  320 ჰექტარია  და ვაპირებთ მთლიანად  კენკროვანი კულტურებით დავტვირთოთ, სადაც  უმეტესი წილი მოცვი იქნება.“-ამბობს მარგალიტაძე.

 

რაც შეეხება მოსავლის ექსპორტს, „ეფკოს“ დირექტორის თქმით, ამ დროისთვის კომპანია  სამიზნე ბაზარს ეძებს, თუმცა, ძირითადი სავაჭრო მიმართულება დასავლეთ ევროპის ქვეყნები იქნებიან. მიუხედავად იმისა, რომ საქართველოში მოცვის  წარმოება ევროპის მასშტაბებს ვერ უტოლდება, თუმცა დაგეგმილი სამუშაოების შემდეგ  გარკვეულ ნიშნულამდე ავალთ. სამუშაოების დაწყებას კი ხვალიდანვე ვგეგმავთ.

 

შპს. „ეფკოს“ დირექტორი „კომერსანტს“ სამომავლო გეგმებზე საუბრობს და აცხადებს, რომ  თავიანთი გამოცდილებით კომპანიას დიდ მოგებას მოუტანენ.



„ჩვენ გვაქვს დიდი გამოცდილება და ამ კომპანიას ვაქცევთ პერსპექტიულად, რადგან საქართველოში რეალურად  მოცვის ყველაზე  მსხვილი პლანტაციის გაშენების რესურსი გვაქვს.  ამ მასშტაბის  პლანტაცია ქვეყანში  არავის არ აქვს და აუცილებლად ვიქნებით ლიდერები. გვაქვს გეგმა, რომ ფართობის რეაბილიტაციის შემდეგ მოსავალი მაქსიმალურად მსხმოიარე იყოს.“-განმარტავს მარგალიტაძე.

 

რაც შეეხევა ინვესტიციას, როგორც „კომერსანტთან“ საუბრისას „ეფკოს“ ფინანსური მენეჯერი ლევან შოშიაშვილი ამბობს,  კომპანიაში  ორი წლის განმავლობაში 6-დან 10 მლნ. დოლარის ინვესტიცია ჩაიდება.


“ბიუჯეტის დეტალები ამ ეტაპზე თანხმდება, ერთადერთი რაც შემიძლია გითხრათ არის ინვესტიციის მიახლოვებული რაოდენობა, 6დან 10 მლნ.-მდე. დღეს    დაახლოებით 42 ჰექტარზე  ძალიან ცუდი ხარისხის ნერგებია, რომელთა მოსავლიანობა  საკმაოდ დაბალია. (5-7 წლიანი ნერგებია,  მაგრამ ცუდი მოვლის გამო ისხამენ 3 წლიანი ნერგის ნაყოფს). მიმდინარე წელს  პლანტაცია იჯარით გვქონდა აღებული,  რესურსიც დავხარჯეთ. წელს ინვესტირების ახალ ეტაპს დავიწყებთ, რომელიც პირველ ჯერზე 5 მლნ. დოლარის ფარგლებში იქნება. ტერიტორიას მივამატებთ ახალ ნერგებს,  თავიდან ავითვისებთ 100 ჰექტარს, მომდევნო ჯერზე კი მთლიან  ფართობს.“-აღნიშნავს  შოშიაშვილი.

 

შეგახსენებთ, რომ სს Vanrik Agro 2015 წელს დაარსდა და მის მთავარ საქმიანობას ლურჯი მოცვის მოყვანა, გადამუშავება და რეალიზაცია წარმოადგენს. კომპანიის მფლობელობაშია ოზურგეთის რაიონის დაბა ლაითურში 326 ჰა-ი მიწის ნაკვეთი, ნაწილობრივ განაშენიანებული ლურჯი მოცვის პლანტაციით და გადამამუშავებელი საწარმოო ხაზით.

 

საპარტნიორო ფონდი“ -ს მიერ სს „ვანრიკ აგროს“ მიმართ არსებული მოთხოვნის გასხვისების აუქციონი 6 დეკემბერს გამოცხადა და ნებისმიერ დაინტერესებულ პირისთვის მისი პირობების გაცნობა შესაძლებელი იყო. გუშინ გამართული აუქციონის გამარჯვებული კომპანია შპს. „ეფკო“ გახდა.


ნათია ლომიძე 





ამერიკელი ექსპერტები კორონავირუსის გამო გლობალურ სასურსათო კრიზისს პროგნოზირებენ

ამერიკელი ექსპერტები კორონავირუსის გამო გლობალურ სასურსათო კრიზისს პროგნოზირებენ
access_time2020-04-05 17:00:50
კორონავირუსის პანდემიის გამო გლობალური სასურსათო სისტემა უპრეცედენტო რყევებს განიცდის, რამაც შესაძლოა სასურსათო ნედლეულსა და კვების პროდუქტებზე ფასების ზრდა გამოიწვიოს. ამის შესახებ ნათქვამია ნიუ-იორკის...

ჩემი კარანტინი გრანადაში - ნინოს წერილი ესპანეთიდან

ჩემი კარანტინი გრანადაში - ნინოს წერილი ესპანეთიდან
access_time2020-04-05 18:00:16
„ყოველთვის ასეთი სევდიანი იყო მზის ჩასვლა?“ – კითხულობს ჩემი გერმანელი ფლეთმეითი ანტონი, რომელიც გრანადაში თებერვალში ჩამოვიდა. იქამდე რამდენიმე თვე ერასმუსის პასუხს ელოდა. ამბობს, რომ დადებითი პასუხის შემდეგ ხშირად ესიზმრებოდა, უფრო ხშირად კი წარმოიდგენდა, როგორი იქნებოდა მისი ესპანური თავგადასავალი – ამას არ ველოდი! ამას არავინ ველოდით! ქუჩა – მირადორ დე როლანდო, ნომერი 16. სამსართულიანი სახლი. პირველ ორ სართულზე საძინებელი ოთახები. მესამე სართულზე საერთო სივრცე, დიდი ნათელი...

კორონავირუსით კიდევ ერთი პაციენტი გარდაიცვალა

კორონავირუსით კიდევ ერთი პაციენტი გარდაიცვალა
access_time2020-04-05 11:25:08
კორონავირუსით კიდევ ერთი პაციენტი გარდაიცვალა. ამის შესახებ ლევან რატიანმა განაცხადა. მისი თქმით, საუბარია 81 წლის ქალზე, რომელიც 3 აპრილს თბილისის ზღვის ჰოსპიტალიდან გადაიყვანეს. მისი მდგომარეობა თავიდანვე კრიტიკული...

როგორ შეცვლის კორონავირუსი მსოფლიოს?

როგორ შეცვლის კორონავირუსი მსოფლიოს?
access_time2020-04-05 16:00:17
  ბოლო 30 წლის მანძილზე მსოფლიო ეკონომიკამ გადაიტანა რამდენიმე გლობალური კრიზისი, თუმცა, არც ერთს არ შეუცვლია მსოფლიო ასე სწრაფად და კარდინალურად  - კორონავირუსის პანდემია წარმოუდგენელი სისწრაფით ანგრევს სატრანსპორტო და სამრეწველო კავშირებს და საზოგადოებრივი ინსტიტუტების გადაწყობას.   პარალელურად, სწავლების პროცესი და ბიზნეს-საქმიანობის დიდი ნაწილი გადადის დისტანციურ რეჟიმზე.   მაგრამ ეს არის გზა არა უფსკრულისკენ, არამედ ახალი...

საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა

საქართველოში კორონავირუსის შემთხვევათა რაოდენობა 162-მდე გაიზარდა, მათგან 36 გამოჯანმრთელდა
access_time2020-04-04 22:31:55
საქართველოში კორონავირუსის შემთხვევათა რაოდენობა 162-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე ცოტა ხნის წინ...


მსგავსი სიახლეები

up