ლუდომანიის რეაბილიტაცია ონლაინაცაა შესაძლებელი

ლუდომანიის რეაბილიტაცია ონლაინაცაა შესაძლებელი

access_time2021-10-16 11:00:08

ინოვაციებისა და ტექნოლოგიების სააგენტოს 100 000 ლარიანი გრანტების კონკურსის ერთ-ერთი გამარჯვებულია Dayone - სტარტაპი, რომელიც ლუდომანებს (თამაშდამოკიდებულება) რეაბილიტაციაში დაეხმარება. როგორც „ბიზნეს ფორმულას“ Dayone-ს დამფუძნებელმა გუგა ბესელიამ განუცხადა, ონლაინ პლატფორმის საპილოტე პორტალი მაქსიმუმ ერთ თვეში გაეშვება.

„ეს იქნება ერთგვარი სარეაბილიტაციო ცენტრი, ოღონდ არა ფიზიკური, არამედ პორტალი, რომელზეც გარკვეული საფასურად ლუდომანიისგან განკურნების ყველა მსურველს ექნება წვდომა. მომსახურებაში შედის როგორც სხვადასხვა ტიპის სავარჯიშოები, ასევე ფსიქოთერაპიის ინდივიდუალური და ჯგუფური კურსები. თავდაპირველად პორტალი მხოლოდ ქართულ ენაზე იქნება ხელმისაწვდომი. ჩვენი უპირატესობა ფიზიკურ ცენტრებთან შედარებით ისაა, რომ ვაიაფებთ სერვისს და უკეთაა დაცული ანონიმურობა. ვგეგმავთ, რომ ახლო  მომავალში დსთ-ს ქვეყნებიც მოვიცვათ, რადგან კვლევებმა აჩვენა, რომ ამ სივრცეში ლუდომანებს დაახლოებით ისეთივე მენტალიტეტი აქვთ როგორც საქართველოში. ჩვენ გეგმებშია ევროპული და ამერიკული ბაზარიც“,- აცხადებს გუგა ბესელია.

მისი თქმით, საქართველოში ლუდომანების, ანუ თამაშდამოკიდებულების რაოდენობა 300 ათასს აჭარბებს და ერთი წლის თავზე პორტალს 10 ათასამდე მომხმარებელი ეყოლება.


ცნობისთვის, ექსპერტები ონლაინთამაშზე კონტროლის გამკაცრებას ითხოვენ. ანალიტიკოს ზურა კუკულაძის მტკიცებით,ონლაინ ძირითადად საქართველოს მოქალაქეები თამაშობენ და მათი უდიდესი უმრავლესობა დაბალშემოსავლიანი სეგმენტიდანაა, რომლებიც ან ლუდომანიის ან ეკონომიკური სიდუხჭირის გამო თამაშობენ.  მისი თქმით, შეზღუდვა სწორედ ონლაინ კაზინოებს უნდა შეეხოს, რადგან მიწის კაზინოში უმეტესად ის ადამიანები თამაშობენ, რომლებსაც ამის ფინანსური შესაძლებლობა აქვთ.



ინფორმაციისთვის, 2020 წელს სათამაშო ბიზნესის ბრუნვამ 32.091 მლრდ ლარი შეადგინა. ეს კი 2019 წლის მონაცემებთან შედარებით 6.231 მლრდ ლარით, 2018 წელთან შედარებით კი 18.285 მლრდ ლარით მეტია. მთლიანად კი გასულ წელს სათამაში ბიზნესის წილი ბიზნეს სექტორის მთლიან ბრუნვაში 28%-მდე გაიზარდა. ცნობისათვის, 2019 წელს ეს მაჩვენებელი 23,7% იყო, 2018 წელს კი 16%.


წყარო: "ბიზნესფორმულა"





ლარის კურსი დოლართან და ევროსთან გამყარდა, რუბლთან გაუფასურდა

ლარის კურსი დოლართან და ევროსთან გამყარდა, რუბლთან გაუფასურდა
access_time2021-12-03 18:00:48
3 დეკემბრის ვაჭრობის შედეგად ლარი აშშ დოლართან მიმართებაში 0.73 თეთრით 3.1210-მდე გამყარდა. Bloomberg-ის პლატფორმაზე დღის ბოლოს კურსმა 3.1093 შეადგინა. საერთაშორისო ვალუტებიდან ლარი ევროსთან 1.39 თეთრით 3.5302-მდე, ბრიტანულ ფუნტთან 2.16 თეთრით 4.1447-მდე, ხოლო აზერბაიჯანულ მანათთან 0.46 თეთრით 1.8375-მდე, ლარი თურქულ ლირასთან 0.40 თეთრით 0.2291-მდე, 1000 სომხურ დრამთან 5.39 თეთრით 6.3327-მდე გამყარდა. 100 რუსულ...

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება
access_time2021-12-03 15:32:51
სადაზღვევო კომპანიები მოსახლეობისთვის მედიკამენტების ხელმისაწვდომობის გაზრდის მიზნით ინიციატივით გამოდიან. ისინი მთავრობას სთავაზობენ, მედიკამენტების ფასების რეგულირების ნაცვლად, სხვა სახის გადაწყვეტილებები იქნას მიღებული. მათი ნაწილის ინიციატივა შემდეგია: როგორც ცნობილია, 2017 წლიდან „საყოველთაო ჯანდაცვის“ პროგრამაში ცვლილებები შევიდა და დიფერენცირებული პაკეტები მოქმედებს. კერძოდ, ყოველთვიურად 1000 ლარზე ნაკლები შემოსავლის მქონე მოქალაქეები,...

დღის TOP10 საინტერესო ამბავი

დღის TOP10 საინტერესო ამბავი
access_time2021-12-03 21:00:10
დღის TOP10 საინტერესო ამბავი:     1. თემურ ჭიჭინაძე ენერგოკომპანიებთან დადებული ხელშეკრულებების გადახედვას ითხოვს ენერგომომარაგების ხელშეკრულებების უმეტესობა გაუმჭვირვალობის გამო უამრავ კითხვას აჩენს. ეს მხოლოდ ტარიფებს არ ეხება,  ენერგეტიკოსი თემურ ჭიჭინაძე აცხადებს, რომ თავიდან ბოლომდე  ეჭვს იწვევს როგორც ჰესების...

საქართველოში, მხოლოდ გრატოს სათბურებში მოყვანილი, შობის ვარსკვლავი

საქართველოში, მხოლოდ გრატოს სათბურებში მოყვანილი, შობის ვარსკვლავი
access_time2021-12-03 14:55:22
გრატო, ერთადერთი სათბურია საქართველოში, რომელსაც 10 წელია შობის ვარსკვლავი ადგილზე მოჰყავს. პოინსეტია ტროპიკული მცენარეა, ამიტომ მას ესაჭიროება კონკრეტული პირობების შექმნა, რაც გრატოს სათბურებში მაქსიმალურად არის მიღწეული. გრატოს სათბურებში, მცენარეებს, ჩითილის ფაზიდანვე უტარდება მუდმივი, ყოველკვირეული კონტროლი მავნებელ-დაავადებებზე. ვინაიდან, მათი ერთ-ერთი უმნიშვნელოვანესი ამოცანაა, მომხმარებელს მიაწოდონ ჯანმრთელი და ხარისხიანი მცენარე. ასევე, პოინსეტიას...

სამომხმარებლო კალათაში შემავალი 305 დასახელების პროდუქტიდან 270 გაძვირდა

სამომხმარებლო კალათაში შემავალი 305 დასახელების პროდუქტიდან 270 გაძვირდა
access_time2021-12-03 14:30:17
ნოემბერში საქართველოში ინფლაციის წლიურმა განაკვეთმა 12.5% შეადგინა, თუმცა ცალკეულ პროდუქციაზე ფასები ბევრად უფრო მეტად გაიზარდა. სამომხმარებლო კალათაში შესული 305 დასახელების პროდუქტიდან და მომსახურებიდან 270 შემთხვევაში ფასები გაიზარდა, 10 დასახელების პროდუქტზე უცვლელად შენარჩუნდა 25 შემთხვევაში კი შემცირდა.   ბოლო ერთ წელიწადში თევზის კონსერვი და მოხარშული ძეხვი 13-13 პროცენტით გაძვირდა, შოკოლადი, ნიგოზი, ბანანი და კარაქი 14-14 პროცენტით, შებოლილი ხორცი 16%-ით, სულგუნი...


მსგავსი სიახლეები

up