ლუდის ბაზრის ყველაზე დიდი გამოწვევა მოსახლეობის დაბალი  მსყიდველუნარიანობაა

ლუდის ბაზრის ყველაზე დიდი გამოწვევა მოსახლეობის დაბალი მსყიდველუნარიანობაა

access_time2020-03-06 12:30:48

ქართული ლუდის წარმოება ბოლო ათი წლის განმავლობაში ყოველდღიურად წინ მიიწევს და ვითარდება.ინდუსტრიამ მოახერხა ის, რომ იმპორტირებული პროდუქცია ადგილობრივი წარმოებით ჩაანაცვლა.თუმცა, 2014 წელი ბიზნესისთვის გარდამტეხი აღმოჩნდა- აქციზის მატებამ და ლარის დევალვაციამ მწარმოებლებს პრობლემები შეუქმნა. დღესდღეობით, ქართულ ბაზარზე 20-მდე მცირე და დიდი ქარხანა არსებობს.  შემოსავლების სამსახურის მონაცემებით საქართველოში კომპანიებმა 2014 წელს 88 663 269 ლიტრი ადგილობრივი ლუდი აწარმოეს, 2015 წელი ეს რიცხვი მნიშვნელოვნად შემცირდა და 76 566 599 ლიტრი შეადგინა. ბაზარმა შემცირების ტრენდი  2016 წელსაც შეინარჩუნა და 70 025 076 ლიტრი იყო, 2017 წელს 71 861 387 ლიტრი ლუდი აწარმოეს 2018- ში 69 763 378 ხოლო 2019 წელს ლუდის ინდუსტრიას ზრდა ჰქონდა და ადგილობრივი ლუდის წარმოებამ 73 453 937 ლიტრს მიაღწია.

 

„კომერსანტი“ დაინტერსდა როგორ აფასებენ გასულ წელს და რას მიიჩნევს ქართული ლუდის მწარმოებლები ბაზრის ყველაზე დიდი გამოწვევად.

 

სააქციო საზოგადოება „ლომისის“ კორპორაციულ საქმეთა დირექტორმა ნიკოლოზ ხუნძაკიშვილი ამბობს, რომ 2015 წლის შემდეგ ეს იყო პირველი წელი, როდესაც „ნატახტარმა“ წელი ზრდით დაასრულა.აღსანიშნავია ისიც, რომ 2019 წელს კომპანიამ ბაზარზე ცნობილი გლობალური ბრენდის „lowenbrau“-ს წარმოების ლიცენზია მიიღო. ნიკოლოზ ხუნძაკიშვილი „კომერსანტთან“ საუბარში ქვეყანაში შექმნილ სოციალურ-ეკონომიკურ პრობლემებზე ამახვილებს ყურადღებას და აცხადებს, რომ სექტორის ყველაზე დიდი გამოწვევა მოსახლეობის დაბალი მსყიდველუნარიანობაა.

 

„ლუდის ბაზარი ისევე, როგორც დიდი ინდუსტრიები განხილულია იმ კონტექსტში თუ რა ეკონომიკური მდგომარეობაა ქვეყანაში, შესაბამისად, როგორც წესი ეკონომიკის ზრდას მიუყვება, თუმცა, ეკონომიკური ზრდის მაჩვენებელიც უნდა ჩაიშალოს. რა იწვევს ამ ეკონომიკურ ზრდას? ჩვენ შემთხვევაში ინფრასტრუქტურული პროექტები. ეკონომიკური ზრდა არის ერთ-ერთი განმაპირობებელი ზოგადად ინდუსტრიების განვითარების, აქედან გამომდინარე მსყიდველობითუნარიანობა მნიშვნელოვანი კომპონენტია. დანარჩენი ყველაფერი დინამიურად ვითარდება“, განაცხადა ნიკოლოზ ხუნძაკიშვილმა.


 

2019 წელს მომხმარებელს მნიშვნელოვანი სიახლეები შესთავაზა“Global Beer Georgia”-მ. წლის დასაწყისი კომპანიამ ქართული ლუდის ისტორიაში ერთ-ერთი ყველაზე ცნობადი ბრენდი „ყაზბეგი“, შეიძინა. აღსანიშნავია ისიც, რომ  ბაზარზე ჩაუშვეს ბრენდი „კაიაკი“ და  ლუდი „ამსტელის“ ლიცენზირებული წარმოება დაიწყეს. როგორც კომპანიაში „კომერსანტს“ განუცხადეს აღნიშნული სიახლეების შედეგად, კომპანიის გაყიდული ლიტრების მოცულობა მნიშვნელოვნად გაიზარდა. მათი თქმით, წინა წელთან მიმართებაში  ჯამური ბაზრის წილი თითქმის გაორმაგდა. „Global Beer Georgia“ მედიაჰოლდინგთან  ქართული ლუდის ბაზრის გამოწვევებზე და სამომავლო გეგმებზე საუბრობს:

 

„ქართული ლუდის ბაზრის ერთ-ერთი ძირითადი სახასიათო ნიშანია მკვეთრად გამოხატული სეზონურობა. თუმცა, უნდა აღინიშნოს რომ, ბოლო პერიოდში შეინიშნება პოზიტიური ტენდენცია, რაც გამოწვეულია ლუდის მოხმარების კულტურის განვითარებით. გეტყვით, რომ 2020 წელს მნიშვნელოვანი სიახლეები იგეგმება საექსპორტო მიმართულებით. ვგეგმავთ როგორც არსებულ ბაზრებზე პოზიციების გამყარებას, ასევე ახალი, ბიზნესისთვის საინტერესო ბაზრების ათვისებას. რაც შეეხება ადგილობრივ ბაზარს, “Global Beer Georgia” აქაც ბევრ საინტერესო სიახლეს ჰპირდება მომხმარებელს, რომელთა შესახებ ინფორმაცია სულ მალე გახდება ცნობილი“, აცხადებენ კომპანიაში. 

 

 

ბაჩო ადამია





შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up