ლოურენს მერედიტი - საქართველოს პასუხი კრიზისზე იყო ერთ-ერთი ყველაზე ეფექტური, რაც კი გვინახავს მსოფლიოში

ლოურენს მერედიტი - საქართველოს პასუხი კრიზისზე იყო ერთ-ერთი ყველაზე ეფექტური, რაც კი გვინახავს მსოფლიოში

access_time2020-05-19 21:45:57

„კოვიდ-19“-ის კრიზისის დროს, შესაძლოა, ჩვენ პირველები არ ვიყავით ადგილზე, როდესაც დახმარება იყო საჭირო, მაგრამ ჩვენ პარტნიორობაში უმთავრესი არის მდგრადობა და არა პირველობა, – ამის შესახებ ევროკომისიაში, ევროკავშირის აღმოსავლეთ პარტნიორობის დეპარტამენტის დირექტორმა, ლოურენს მერედიტმა ევროპარლამენტში, საგარეო საქმეთა კომიტეტის სხდომაზე საქართველოზე საუბრისას განაცხადა.

 

როგორც ლოურენს მერედიტმა აღნიშნა, საქართველომ წარმატებით გაართვა თავი „კოვიდ-19“-ის კრიზისს. ამასთან, როგორც ევროკავშირის აღმოსავლეთ პარტნიორობის დეპარტამენტის დირექტორმა აღნიშნა, ევროკავშირმა კიდევ ერთხელ დაამტკიცა, რომ არის საქართველოს ყველაზე სანდო და მტკიცე პარტნიორია.

 

„პირველ რიგში, ჩვენ უნდა მივულოცოთ საქართველოს, რომ „კოვიდ-19“-ის კრიზისს კარგად გაართვა თავი. საქართველოს პასუხი კრიზისზე იყო ერთ-ერთი ყველაზე ეფექტური პასუხი, რაც კი გვინახავს მსოფლიოში. მათ ძალიან მალე დახურეს საზღვრები, ძალიან ეფექტური კარანტინი ჰქონდათ და იყო გარდაცვალების ძალიან ცოტა შემთხვევა. რაც შეეხება ევროკავშირის დახმარებას „კოვიდ-19“-ის კრიზისის დროს, შესაძლოა, ჩვენ პირველები არ ვიყავით ადგილზე, როდესაც დახმარება იყო საჭირო, მაგრამ ჩვენ პარტნიორობაში უმთავრესი არის მდგრადობა და არა პირველობა. მნიშვნელოვანია, რომ ჩვენ მოვახდინეთ ყველა ჩვენი მხარდაჭერის პროგრამის გადამისამართება და აღმოსავლეთ პარტნიორობის წევრ ქვეყნებს 80 მილიონი ევრო გამოეყოფა დაუყოვნებლივი საჭიროებებისთვის და 883 მილიონ ევროს სოციალურ ეკონომიკური აღდგენისთვის. საქართველოსთვის გამოყოფილი იქნება 180 მილიონი ევრო და ამ დახმარების მობილიზება უპრეცედენტოდ სწრაფად მოვახერხეთ. ასე რომ, მჯერა, ევროკავშირმა კიდევ ერთხელ დაამტკიცა, რომ არის საქართველოს ყველაზე სანდო და მტკიცე პარტნიორია. ჩვენ უკვე ვხედავთ თვალსაჩინო შედეგებსაც. დამცავი საშუალებები უკვე ადგილზეა. ჩვენ მოვამზადეთ ძალიან მნიშვნელოვანი კონტრაქტი და 75 მილიონი ევრო გამოიყოფა წლის განმავლობაში, რათა ამ კრიზისის სოციალურ ეკონომიკური შედეგები აღმოიფხვრას. სამწუხაროდ, ამ კრიზისმა მნიშვნელოვანად დაგვაზარალა. განსაკუთრებით საქართველო, რომელიც დიდად არის დამოკიდებული ტურიზმზე. ასე რომ, ჩვენ სწრაფად ვმოქმედებთ და დახმარება გრძელდება“, – განაცხადა ლოურენს მერედიტმა.

 

წყარო: პირველი არხი





ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი
access_time2020-05-30 15:00:14
„ზედაზენი“ ახალ პროდუქტს უშვებს. საუბარია ლუდის პირველ ქართულ ბრენდზე „ აიაზე“, რომელიც ბაზარზე...

"თვეში 200-ლარიან დახმარებას ვერ აიღებს პირი,ვისაც დამსაქმებელმა ანაზღაურება აპრილში ან მაისში ჩაურიცხა"-როგორ გაიცემა ფულადი დახმარებები

access_time2020-05-30 14:00:19
ოპოზიცია ხელისუფლებას უკვე დიდი ხანია მწვავედ აკრიტიკებს - უმუშევრად დარჩენილებისთვის და თვითდასაქმებულებისთვის მიზერულმა (200-300 ლარიანი) თანხებმაც უსაშველოდ დაიგვიანაო. დავა გაგრძელდა 29 მაისსაც, როცა ოპოზიციის მიერ დაბარებული პრემიერი პარლამენტში მივიდა. სწორედ 29 მაისს დაანონსდა - თვითდასაქმებულებისთვის 300-ლარიანი დახმარების ჩარიცხვა დაიწყოო. ვინ მიიღო, ვინ არ მიიღო და ვინ საერთოდ ვერ მიიღებს? რა ეტაპზეა ფულადი დახმარებების...

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა
access_time2020-05-30 13:00:33
ფრანგ მეცნიერთა ერთი მცირე ჯგუფის ჰიპოთეზა, თითქოს თამბაქოს მოწევა შეიძლება ადამიანს ახალი კორონავირუსისგან იცავდეს, მალევე გაბათილდა. მას თავისთავად ბევრი ლიმიტი გააჩნდა და კრიტიკას ვერ უძლებდა. თუმცა, ამ საკითხზე არცერთ სხვა კვლევას, ან პუბლიკაციას, რომელიც...

ისინი არ არიან მარტო – ახალგაზრდები ხულოსთვის გაერთიანდნენ

ისინი არ არიან მარტო – ახალგაზრდები ხულოსთვის გაერთიანდნენ
access_time2020-05-30 11:30:23
– „ტელევიზორი ან სხვა რამე ტექნიკა გაქვთ? – კი, პატარა ტელევიზორი გვაქვს, ძველებური… სახლი გვაქვს გადასახურავი. წყალი ჩამოდის. შედგმული გვაქვს ვედრო და რაღაცები“ – ამბობს ქალი ხულოს მუნიციპალიტეტის სოფელ წაბლანიდან. „მე არ მეგონა, ამას თუ მომიტანდით. მადლობა“. – ამბობს სოფელ რიყეთში მცხოვრები კაცი და აცრემლებულ თვალებზე  ხელებს იფარებს. ამ და სხვა ვიდეობს Facebook-გვერდზე –...


მსგავსი სიახლეები

up