აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.
საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.
ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც ამერიკული მისიისთვის მძიმე დარტყმა გახდა - საელჩოში ძალიან ბევრი ადგილობრივი მოქალაქე მუშაობდა და მათი შემცვლელები ამერიკიდან უნდა ჩამოვიდნენ. ეს კი მარტივი ამოცანა არაა.
სინამდვილეში ამერიკული ვიზის მიღება რუსეთში 2017-დან გართულდა, როდესაც პუტინის ბრძანებით, საელჩოში მომუშავე რუსეთის მოქალაქეთა რაოდენობა 750-ით შემცირდა - საბოლოოდ თავისებური პარიტეტი ჩამოყალიბდა - ამერიკაში რუსეთის საელჩოში აშშ-ს 455 მოქალაქე მუშაობს, პუტინის გადაწყვეტილებით კი მოსკოვში შტატების საელჩოში ამდენივე რუსი დარჩა.
პუტინმა თავის მიზანს მიაღწია და პარიტეტი ამ საკითხში მაინც აღადგინა, თუმცა, რუსეთის რიგითი მოქალაქეებისთვის ყველაფერი გართულდა - პროცედურები იმდენად გაიწელა, რომ რუსებს ამერიკული ვიზის ასაღებად ბელარუსში ან საქართველოში გამგზავრება ურჩევნიათ.
რუსეთის საგარეო საქმეთა სამინისტოს თქმით, აშშ-ს დანაკლისის შევსება თავისი მოქალაქეებით ადვილად შეუძლია, თუმცა, ამერიკა ამას არ აკეთებეს. სახელმწიფო დეპარტამენტმა არ ახსნა, ამერიკის მოქალაქეებს საელჩოში სამუშაოდ რატომ არ ქირაობს.
თუმცა, ეს ყველაფერი მთავარი არაა. მთავარი კითხვაა თუ რამდენად მიზნობრივია აკრძალვა და პირველ რიგში მოსახლეობის რომელი კატეორია დაზარალდება?
ტურისტულ ნაკადი ქვეყნებს შორის არც თუ ისე დიდია - 2019 წელს, პანდენიამდე რუსეთში 240 000 ამერიკელი ჩავიდა და 180 000 რუსი - შტატებში.
იმის შემდეგ, რაც აშშ-ს პრეზიდენტმა ჯო ბაიდენმა ვლადიმერ პუტინს „მკვლელი“ უწოდა, ქვეყნებს შორის ურთიერთობებში გაუმჯობესება შეუძლებელია და ამ საკითხს ვერც პუტინის და ბაიდენის შეხვედრა გადაწყვეტს.
თუმცა ვაშინგტონი და მოსკოვი პაექრობით იმდენად მასიურად არიან დაკავებულები, რომ ვიზები არავის ახსოვს.
ისე, ბაიდენმა პუტინს ამ გადაწყვეტილებით დიდი პატივი დასდო - კრემლი თავისი მოქალაქეების გაკონტროლებას და ჩაკეტვას ცდილობს. მას სურს, მოსახლეობა პასიური დარჩეს და დასავლური ფასეულობები ნაკლებად გაიზიაროს.
ამ შემთხვევაში ამერიკულ სანქციებზე უკეთესს ვერაფერ მოიფიქრებ - ვაშინგტონმა რუსეთში თავის პოტენციური მომხრეები თავად მოისროლა და ხვალ აპოლიტიკური რუსებიც კი ამერიკას მტრულ სახელმწიფოდ ჩათვლიან.
პუტინის პოლიტიკასთან და მის გარემოცვასთან ბრძოლის ნაცვლად, ბაიდენის ადმინისტრაცია უბრალო რუსებს, ფაქტიურად, თავის პოტენციურ მოკავშირეებს ებრძვის.
შეიძლება კი ამის სწორ ნაბიჯად ჩათვლა?
წყარო: latimes.com