ლომბარდები მომსახურე ბანკებისგან, საშეღავათო პერიოდის სახით დახმარებას ითხოვენ.  კერძო სექტორი, თავიანთი კლიენტებისთვის პროცენტის შეჩერებას ვერ ახერხებს, მოსახლეობა კი დღითიდღე გადახდისუუნარო ხდება.

ლომბარდის მესაკუთრე ნატალია გძელიშვილი ამბობს, რომ მისი ლომბარდი არ არის ორიენტირებული, საკუთარ კლიენტებს ოქროს ნივთები, რომლის პროცენტსაც ვეღარ იხდიან, გაუყიდოს, თუმცა, შექმნილი გარემოების გამო  ამ ნაბიჯის გადადგმა მოუწევს.

„ჩვენ იმიტომ ვმუშაობთ, რომ მართლა გაჭირვებულმა ადამიანმა, რომელიც ყოველგვარი ფულადი სახსრების გარეშე დარჩა, დროებით თავისi ოქრო ჩააბაროს და ფულად აქციოს, შემდეგ კი ისევ დაიბრუნოს. ამ ეტაპზე ვერც გაყიდის იმიტომ, რომ ბირჟები არ მუშაობს, ჩვენ კი ვერხმარებით, თუმცა,არ ვართ ორიენტირებულები, რომ მათ ეს ნივთები დაკარგონ.

თუ ჩემი მომსახურე ბანკები გამიკეთებენ რაიმე შეღავათს, ძალიან კარგი იქნება, რადგან მხოლოდ ამის შემდეგ მოვახერხებ ჩემს კლინეტებს შეღავათი გავუწიო  ამ გამოუვალი მდგომარეობის დროს.  ბევრმა სამსახური უკვე დაკარგა, ბევრის ბედი გაურკვეველია ამიტომ ბანკებისგან საშეღავათო პერიოდი ძალიან გვჭირდება.მე და სხვა ლომბარდები ცუდ დღეში ვართ,  ბანკის პროცენტის გარდა გვაქვს სხვა ხარჯი,  გვყავს თანამშრომელი, რომელიც უნდა შევინახოთ, იჯარაზე არავინ შეღავათს არ გვიკეთებს. ამიტომ ვითხოვთ ბანკებისგან დახმარებას.“-ამბობს ნატალია გრძელიშვილი.

ბანკისგან საშეღავათო პერიოდი სჭირდება, თუმცა, სკეპტიკურად უყურებს საკითხს, შპს. ვერელ-ის მესაკუთრე. ის დარწმუნებულია, რომ ამ დათმობაზე ბანკები არ წამოვლენ, იმის მიუხედავად, რომ კერძო სექტორი კრიზისულ მდგომარეობაშია და მოსახლეობაც პროცენტს უკვე ვეღარ იხდის.

“ხალხი მოდის და საშეღავათო პერიოდს მთხოვს, რადგან დალომბარდებული  ნივთის პროცენტს ვერ იხდის. სამსახური აღარ აქვთ და უშემოსავლოდ დარჩნენ,  მესმის მათი, თუმცა, ჩემი ვალდებულებების გამო, რომელიც ბანკთან მაქვს და რომლის საშუალებითაც ლომბარდს ვამუშავებ, ვერ ვახერხებ მათთვის, საშეღავათო პერიოდის გაწევას. ამ დათმობაზე არც ბანკები არ წამოვლენ, როგორც ეს ფიზიკური პირების სესხების შემთხვევაში გააკეთეს.“-ამბობს შპს. „ვერელ“-ის მეპატრონე.

შეგახსენებთ, რომ ლომბარდებმა ბანკებისგან საშეღავათო პერიოდი მას შემდეგ მოითხოვეს, რაც მოსახლეობას  თავიანთ დალომბარდებულ ნივთებზე   პროცენტის გადახდა გაუჭირდათ. 

ნათია ლომიძე