ლოკაციები, სადაც  „თბილისობისთვის“ გარევაჭრობა შესაძლებელია

ლოკაციები, სადაც „თბილისობისთვის“ გარევაჭრობა შესაძლებელია

access_time2018-09-26 11:44:22

2018 წლის ბოლომდე საქართველოს მთავრობას სახელმწიფო ბიუჯეტიდან 4.5 მლრდ ლარი აქვს დასახარჯი.


ფინანსთა სამინისტროს ინფორმაციით, წლის დასაწყისიდან 24 სექტემბრის ჩათვლით, მთავრობამ დახარჯა თითქმის 7 მლრდ 950 მლნ ლარი; 2018 წლის ჯამური გადასახდელები/ხარჯები კი შეადგენს 12,459,500 000 ლარს, რაც იმას ნიშნავს, რომ დარჩენილ სამ თვესა და 5 დღეში მთავრობამ დაახლოებით, 4.5 მლრდ ლარი უნდა დახარჯოს.


აღსანიშნავია ისიც, რომ ხარჯების 2018 წლის ცხრა თვის გეგმა 8,990,958,397 ლარია, 24 სექტემბრის ჩათვლით, დახარჯულია 7,949,600,000 ლარი; შესაბამისად, სექტემბრის ბოლომდე დასახარჯია 1,041,358,397 ლარი.


რა გავლენა შეიძლება იქონიოს ლარის კურსზე ბიუჯეტიდან დასახარჯმა 4.5 მლრდ ლარმა? - ამ კითხვით მიმართა bm.ge-მ აღმასრულებელი და საკანონმდებლო ორგანოს წარმომადგენლებს.



ფინანსთა მინისტრის მოადგილე ირწმუნება, რომ ბიუჯეტის ხარჯვით ნაწილს ლარის კურსთან პირდაპირი კავშირი არ აქვს, თუმცა გიორგი კაკაურიძე არც ბიუჯეტში ცვლილებების შეტანას გამორიცხავს.


„თავიდანვე დაგეგმილი იყო, რომ დაახლოებით, 400 მლნ ლარი დეკემბერში დაიხარჯებოდა, ვგულისხმობ, აღმოსავლეთ-დასავლეთის მაგისტრალის პროექტის განხორციელებისთვის თანხების ათვისებას. შესაბამისად, რაიმე მნიშვნელოვან გადახრებს არ ველოდებით. შესაძლებელია, გვქონდეს გარკვეული ცვლილებებიც ბიუჯეტში - ზოგიერთი პროგრამის ზრდის, ზოგიერთის - შემცირების მიმართულებით, მაგრამ ამას უკვე ვნახავთ, ნოემბრის ბოლოს, ათვისების ტენდენცია როგორი იქნება... ლარზე რომ ხარჯებს არ აქვს გავლენა, ამას ჩვენ კარგად ვხედავთ. გვაქვს პროფიციტული ბიუჯეტი, მაგრამ ლარის რყევები მაინც იყო უცხოური ვალუტების გაუფასურებიდან გამომდინარე. ლარს პირდაპირი კავშირი ბიუჯეტის შესრულებასთან ვერ ექნება“, - განმარტავს კაკაურიძე.


რაც შეეხება პარლამენტარების მოლოდინებს, „ნაციონალური მოძრაობის“ წევრ რომან გოცირიძის შეფასებით, „მთავრობა ჭკუას ვერ სწავლობს“, ამიტომ წლის ბოლოსკენ ბიუჯეტის გაზრდილ ხარჯებს, კურსზე გავლენა ექნება.


„მთავრობა და ეროვნული ბანკი უგულებელყოფს ბიუჯეტის გავლენას ფასებსა და ლარის სტაბილურობაზე და შემდეგ რაღაცეებს იგონებენ - ხან თურქეთს დააბრალებენ, ხან - ჟურნალისტებს, ხან კიდევ - სხვას. იმედია, რომ ახლა შემოდგომაზე ზიმბამბვეში ან კონკგოში არ გაუფასურდება ვალუტა, რომ არ თქვან, იმის გამოძახილია ლარის გაუფასურებაო. არ უნდა იყოს რყევები, თუკი მთავრობა შეზღუდავს ხარჯებს და გადაიტანს მომავალი წლისთვის“, - აცხადებს რომან გოცირიძე.


პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე რომან კაკულიაც არ გამორიცხავს, რომ 4.5 მლრდ ლარის ხარჯვას მცირე რყევები მოჰყვეს.


„ასეთი თანხის მყისიერი შემოსვლა ბაზარზე, მცირე ზეგავლენას ახდენს ხოლმე; დაბალანსებული ტურისტული პერიოდით ან რაიმე ჭარბი ვალუტის შემოდინებით, შესაძლებელია, ეს რყევები ნაკლებად საგრძნობი იყოს, მაგრამ მცირე რყვები შეიძლება მოჰყვეს“, - აღნიშნა კაკულიამ.






საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up