სასმელების „ბორდოს ინდექსის“ (Bordeaux Index) მართვის პლატფორმა LiveTrade-ის მონაცემებით, 2021 წელს ონლაინ პლატფორმებზე ფასების მაქსიმალურად მატების 20 ინდექსიდან 15 შამპანურზე მოდის.
Reuters-ის შეფასებით, წელს შამპანურის ბოთლებმა დიდი ტექნოლოგიებით (Big Tech-ით) დაწყებული, ბიტკოინებით დამთავრებული, ფინანსური ბაზრის ყველა ძირითად აქტივს აჯობა. ონლაინ პლატფორმებმა, რომლებიც ღვინით, შამპანურითა და სპირტიანი სასმელებით ვაჭრობენ, წელს რეკორდული აქტივობა და ფასების მკვეთრი ზრდა დააფიქსირეს ისევე, როგორც აქციებისა ან სავალუტო ვაჭრობის პლატფორმებმა.
სიას სათავეში 2002 წლის მოსავლის Salon le Mesnil უდგას, რომელსაც „სამურაის მახვილივით მომხიბვლელი ეწოდა. 2021 წელს მისი ღირებულება, როგორც LiveTrade-ზე, ისე ღვინის მეორე პლატფორმა Liv-ex-ზე, 80%-ზე მეტად გაიზარდა და ამჟამად ერთი ბოთლი, დაახლოებით, 11 700 ფუნტ სტერლინგად (15 700 დოლარად) იყიდება. გაძვირების ეს მაჩვენებელი ბიტკოინის ფასის 75%-იან ზრდას აღემატება. ასევე, თითქმის, ხუთჯერ აღემატება Facebook-ის, Amazon-ის, Netflix-ის, Google-ის, Tesla-ს და Microsoft-ის აქციების 18%-იან ზრდის ინდექსს, რომლებმაც ბოლო პერიოდში აქციების მსოფლიო ბაზრის ზრდა განაპირობეს.
70%-ზე მეტად გაძვირდა კომპანია Taittinger-ის Comtes de Champagne 2006, ასევე, 2002 და 1996 წლების Krug, ხოლო Krug 2000-ის, Bollinger La Grande Année 2007-ის, Cristal Rosé 2008-ისა და Dom P2 2002-ის ფასებმა 54-55%-ით მოიმატა.
LiveTrade-ის აღმასრულებელი დირექტორის, მეთიუ ო'კონელის თქმით, ღვინით ვაჭრობის წლევანდელი ბუმი რამდენიმე ფაქტორმა გამოიწვია, მათ შორის არის დაბალი საპროცენტო განაკვეთები, მდიდრების გაზრდილი დანაზოგები, რაც მათ გლობალური ლოქდაუნების დროს დააგროვეს, ასევე, მყარ აქტივებზე მზარდი ფოკუსირება და ინფლაციური წნეხის მატება.
მეთიუ ო'კონელის შეფასებით, შამპანურმა წლის დასაწყისში იმით ისარგებლა, რომ ტრამპის ადმინისტრაციის მიერ ევროპულ ღვინოებზე დაწესებული 25%-იანი ტარიფისგან გათავსიუფლდა, რადგან ჯო ბაიდენმა ეს გადასახადი გაპრეზიდენტებიდან მალევე შეაჩერა.
LiveTrade-ის მონაცემებით, 2012 და 2013 წლების Cristal წელს მეტნაკლებად გაყიდვადი შამპანური იყო, რასაც 6450 ბოთლით Lafite Rothschild 2014 მოჰყვება, ხოლო Claret-ის ბრენდის 2011, 2012, 2014 და 2017 წლების ბოთლების გაყიდვები 25%-ზე მეტად გაიზარდა.
წელს LiveTrade-ზე რეკორდული, 220 000 ბოთლი გაიყიდა. თითო ბოთლის საშუალო ფასი, დაახლოებით, 230 ფუნტი (308,50 დოლარი) იყო. გაყიდული ბოთლების მეათედზე ფასი 30%-ით გაიზარდა.
The Champagne 50-ის ინდექსი ღვინის მეორე პლატფორმა Liv-ex Fine Wine 1000-ში ყველაზე წარმატებული ქვე-ინდექსი იყო, რაც წლის დასაწყისიდან დღემდე 33.8%-ით გაიზარდა.
bpn.ge