ლიმონათი "ხილიანის" მწარმოებელი კომპანია ენერგეტიკული სასმელების ბაზარზე შევიდა

ლიმონათი "ხილიანის" მწარმოებელი კომპანია ენერგეტიკული სასმელების ბაზარზე შევიდა

person access_time2016-10-14 10:10:56

 

ლიმონათი "ხილიანის" მწარმოებელმა კომპანიამ ენერგეტიკული სასმელის გამოშვება დაიწყო. კომპანიის ხელმძღვანელი ვარაზ ასპანიძე „კომერსანტთან" განმარტავს, რომ სასმელი NR.Ge-ის ბრენდით ბაზარზე უკვე 1 თვეა იყიდება.


კომპანიის ხელმძღვანელი განმარტავს, რომ NR.Ge-ს ფასი ფასი 1 ლარია, შედეგად, კომპანია ენერგეტიკული სასმელების ბაზარზე დაბალფასიან სეგმენტში ერთ-ერთი ლიდერის პოზიციის დაკავებას გეგმავს.


„კომერსანტის" კითხვაზე, თუ როგორ გაუწევს კონკურენციას ბაზარზე არსებულ ენერგეტიკულ სასმელებს და ძირითადად, ვინ იქნება მისი კონკურენტი, ასპანიძე აცხადებს, რომ კომპანიის მიიერ გამოშვებული ახალი ენერგეტიკული სასმელი ძირითადად იმპორტირებულ პროდუქციას გაუწევს კონკურენციას.


„ახალი სასმელი ამ დროისთვის ადგილობრივ ბაზარზე იყიდება, თან საკმაოდ წარმატებით. აქედან გამომდინარე, უახლოს მომავალში შესაძლოა, სასმელი NR.Ge-ის ექსპორტი აზერბაიჯანში განხორციელდეს"-აცხადებს ასპანიძე.



კითხვაზე, თუ რატომ დაინტერესდა ლიმონათის მწარმოებელი კომპანია ენერგეტიკული სასმელების ბაზრით, ასპანიძე აცხადებს, რომ სანამ კომპანია აღნიშნულ პროექტს დაიწყებდა, კვლევა ჩაატარა და აღმოჩნდა, რომ ენერგეტიკული სასმელების ბაზარი მზარდია და ყოველწლიურად მოხმარება იზრდება."ბაზარზე შესვლის გადაწყვეტილებაც აქედან გამომდინარე მივიღეთ"-ამბობს ასპანიძე.



შეგახსენებთ, საქართველოს ენერგეტიკული სასმელების ბაზარზე პროდუქციას, რამდენიმე კომპანია აწარმოებს. მათ შორის, 2016 წლის მაისიდან ს.ს ,,ქართული ლუდის კომპანია'' საქართველოში Rad Rain-ის ოფიციალური მწარმოებელი გახდა. ახალი ენერგეტიკული სასმელი Rad Rain- ი ხელმისაწვდომია 250 მლ.-იანი ქილის შეფუთვით და მისი ღირებულება 1 ლარია.



იაფიან სეგმენტშია კომპანია „პეპსიში" ჩამოსხმული ენეერგეტიკული სასმელი BOOM-იც, ასევე შპს „კანტის" მიერ იმპორტირებული 16TH" (მეთექვსმეტე).



ათი დღეა ენერგეტიკული სასმელის წარმოება დაიწყო ბიზნესმენმა თემურ ჭყონიამაც. კომპანია „კასტელი-საქართველომ" სასმელი „არგო" გამოუშვა და მისი ფასი 1 ლარია.



რაც შეეხება თავად ლიმონათის საწარმო „ხილიანს" ,ის 2015 წლის ივლისში, პროგრამის "აწარმოე საქართველოში" ფარგლებში გაიხსნა და მასში დაახლოებით 10 მილიონი ლარის ინვესტიცია ჩაიდო. "ხილიანი" ამჟამად ენერგეტიკული სასმელის პარარელურად, მსხლის, ტარხუნის, ნაღების, ლიმონის, მოჰიტოს, ყურძნისა და სიტროს ლიმონათის სახეობებს აწარმოებს.

 

კომპანია ევროპის ბაზარზე გასასვლელად მოლაპარაკებებს ისევ აგრძელებს. მოლაპარაკებები, რამდენიმე თვეა მიმდინარეობს და პროცესი ტექნიკური საკითხების გამო გაჭიანურდა.ასპანიძე ამბობს, რომ მოლაპარაკებები მიდის ავტრიასთან და გერმანიასთან.



ამ ეტაპზე კომპანიის მიერ წარმოებული ლიმონათი ექსპორტზე რუსეთში, უკრაინაში, აზერბაიჯანში, ერაყში და თურქეთში გადის.


 




„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო

„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო
access_time2021-05-07 19:26:49
ჯანდაცვის მსოფლიო ორგანიზაციამ ჩინური წარმოების „სინოფარმის“ ვაქცინას ავტორიზაცია მიანიჭა. როგორც მიმდინარე ბრიფინგზე ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეიესუსმა განაცხადა, შესაბამისი გადაწყვეტილება ჯანდაცვის მსოფლიო ორგანიზაციის ექსპერტთა ჯგუფმა დღეს გამართულ სხდომაზე მიიღო. „ვაქცინები რჩება სასიცოცხლო მნიშვნელობის იარაღად, თუმცა ახლა პანდემიის დასასრულებლად ვაქცინის მოცულობა, დისტრიბუცია საზოგადოებრივი ჯანდაცვის ზომების თანმიმდევრული და...

ბაქოში ევროპის ჩემპიონატის თასი ჩაიტანეს

ბაქოში ევროპის ჩემპიონატის თასი ჩაიტანეს
access_time2021-05-07 17:50:48
თასი, რომელიც ევროპის საფეხბურთო ჩემპიონატის EURO 2020-ის გამარჯვებულს გადაეცემა, უკვე ბაქოშია. აზერბაიჯანის დედაქალაქში მატჩები EURO 2020 თასის რაუნდის ფარგლებში მიმდინარე წლის 11 ივნისიდან 11 ივლისის ჩათვლით ჩატარდება. ევროპის ჩემპიონატის თასი, რომელიც ბაქოში 7-დან 9 მაისამდე იქნება გამოფენილი, დღეს აზერბაიჯანის პრეზიდენტს, ილჰამ ალიევს გადასცეს. მოგვიანებით კი EURO 2020-ის ჯილდო ქალაქის სხვადასხვა ლოკაციაზე მიიტანეს. სპეციალური ფოტოსესია მოეწყო გობუსტანის სახელმწიფო...

ტექნიკის ბაზრის შემცირების პროცესი დაიწყო - BEKO

ტექნიკის ბაზრის შემცირების პროცესი დაიწყო - BEKO
access_time2021-05-08 14:00:42
საყოფაცხოვრებო ტექნიკის მაღაზიათა ქსელი Beko-ს გენერალური დირექტორი მეჰმედ მელექი „ბიზნესპარტნიორთან“ აცხადებს, რომ საქართველოში ტექნიკის ბაზრის შემცირების პროცესი დაწყებულია. მისი განცხადებით, შედარებით მცირე და საშუალო კომპანიები ბაზრიდან გადიან, საბოლოოდ, კი ბაზარზე ფინანსურად ძლიერი 5-6 კომპანია დარჩება. „ოპერირებას გააგრძელებს ის მსხვილი კომპანიები, რომლებიც საერთაშორისო ბრენდების ექსკლუზიური იმპორტიორები არიან. 2020 წელს ტექნიკის ბაზარი...

7 მაისი - რეგიონში ქართული ლარი და თურქული ლირა გამყარდა

7 მაისი - რეგიონში ქართული ლარი და თურქული ლირა გამყარდა
access_time2021-05-07 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 7 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 7 მაისის ვაჭრობის შედეგად (რომლის ოფიციალური კურსი 8 მაისისაა) ეროვნული ვალუტა აშშ დოლართან...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-07 21:00:24
დღის TOP 10 საინტერესო ამბავი: 1.„რეფინანსირების განაკვეთის გაზრდით შესაძლოა საფრთხე საბანკო პორტფელებსაც შეექმნას“ ეროვნულმა ბანკმა რამდენიმე დღის წინ რეფინანსირების განაკვეთის 1 პროცენტული პუნქტით, 9.5%-მდე გაზრდის გადაწყვეტილება მიიღო, რაც უკანასკნელი წლების განმავლობაში რეფინანსირების...


მსგავსი სიახლეები

up