ლიეტუველი დეპუტატი - ევროპა სამართლიანად უნდა მოექცეს საქართველოს, თუ ახლა მას ნატო-ს წევრობის მოლოდინში დატოვებთ, მაშინ ამ სივრცეს რუსეთის ბნელი ფერები შეავსებს

ლიეტუველი დეპუტატი - ევროპა სამართლიანად უნდა მოექცეს საქართველოს, თუ ახლა მას ნატო-ს წევრობის მოლოდინში დატოვებთ, მაშინ ამ სივრცეს რუსეთის ბნელი ფერები შეავსებს

access_time2019-09-10 19:53:06

ჩემი რჩევაა, ყოველთვის მოიქეცით ისე, როგორც რუსეთს არ სურს, გქონდეთ თქვენი დღის წესრიგი, – ასე მიმართა თბილისის საერთაშორისო კონფერენციაზე ლიეტუველმა დეპუტატმა, ჟიგიმანტას პავილიონისმა ევროპელ დეპუტატებს.



მისი თქმით, ევროპა საქართველოს სამართლიანად უნდა მოექცეს, რადგან თუ ახლა საქართველო ნატო-ს წევრობის მოლოდინში დარჩება, მაშინ ამ სივრცეს რუსეთის ბნელი ფერები შეავსებს.



„რუსი მაღალჩინოსნების მიერ ნათქვამ სიმართლეს არასდროს აღვიქვამთ სიმართლედ. თუ რუსები რაიმე პოზიტიურს ამბობენ, ჩვენ მაშინვე ეჭვი გვეპარება, რომ რაღაც არასწორად ხდება ჩვენს პოლიტიკაში. თუ რუსები ამბობენ, რომ რაღაც არასწორია, ჩვენ მათ ტაშს ვუკრავთ და ვამბობთ, რომ ეს გამარჯვებაა. თქვენ ყველას გახსოვთ ბუქარესტის სამიტი. ისინი ამბობენ, რომ ნატო-ს გაფართოება რუსეთის თავდასხმის პროვოცირებას გამოიწვევს. ჩვენ ვიცოდით, რომ ეს ტყუილია. იმედი მაქვს, დასავლეთში ამ გაკვეთილს აითვისებენ.




როდესაც მე მივდივარ კანცლერ მერკელთან, ყოველთვის ვახსენებ მათ, რომ პუტინმა გაგაცურათ. ვეუბნები, რომ სწორედ თქვენმა უმოქმედობამ უბიძგა რუსეთს ოკუპაციისკენ. ასე რომ, ჩემი რჩევაა, ყოველთვის მოიქეცით ისე, როგორც ეს რუსეთს არ სურს. გქონდეთ თქვენი დღის წესრიგი, რადგან წინააღმდეგ შემთხვევაში, თქვენი პოლიტიკა საბჭოთა ან რუსულ ტყუილზე იქნება აგებული. მაკკეინი ყოველთვის ამბობდა, რომ რუსეთი არის ბენზინგასამართი სახელმწიფო, რომელსაც მაფია მართავს. რა თქმა უნდა, მაფია მუდამ იტყუება და ეს გასაკვირი არაა. საბჭოთა კავშირი აგებული იყო ტყუილზე და რუსეთიც ასე აგრძელებს. ასე რომ, აუცილებელია გქონდეთ თქვენი სიმართლე, სტრატეგია და ხედვა.



ევროპა სამართლიანად უნდა მოექცეს საქართველოს, ისევე როგორც მოგვექცა ჩვენ, რადგან თუ ახლა საქართველოს ნატო-ს წევრობის მოლოდინში დატოვებთ, მაშინ ამ სივრცეს რუსეთის ბნელი ფერები შეავსებს. შემდეგ რუსეთი მათ ნათელ ფერებად მონათლავს. ეს ხომ ტყუილია, ჩვენ კი სიმართლისთვის ვიბრძვით. ასე რომ მკაფიოდ უთხარით ქართველებს, რა უნდა გააკეთონ, რომ ნატო-ში გაწევრიანდნენ. დაასახელეთ ხუთი ან ათი ნაბიჯი, რომელიც საქართველომ ნატო-ს წევრობისთვის უნდა გადადგას. ახლა ჩვენ ამას არ ვეუბნებით ქართველებს, ჩვენ უბრალოდ ვთხოვთ მათ, რომ საუკეთესოები იყვნენ, მაგრამ მათ ე.წ. ნაცრისფერ ზონაში ვტოვებთ, რითაც მოსკოვს ახალი მიწების წაღების საშუალებას ვაძლევთ“, – განაცხადა ჟიგიმანტას პავილიონისმა.




1tv.ge







თეგები:
NATO



დღის TOP10 საინტერესო ამბავი

დღის TOP10 საინტერესო ამბავი
access_time2021-12-01 21:00:43
დღის TOP10 საინტერესო ამბავი:     1. 2000 გარდაცვლილი ერთ თვეში - კოვდიკოშმარი გრძელდება, პასუხისმგებლობას არავინ იღებს საქართველოში კოვიდით გარდაცვლითა რიცხვმა ნოემბერში 2000-ს გადააჭარბა, პანდემიის დაწყებიდან დღემდე 1 თვეში ამდენი ადამიანი სხვა დროს არასდროს...

ლარი დოლართან გაუფასურდა, ხოლო ევროსთან და ლირასთან გამყარდა

ლარი დოლართან გაუფასურდა, ხოლო ევროსთან და ლირასთან გამყარდა
access_time2021-12-01 18:00:10
1-ელი დეკემბრის ვაჭრობის შედეგად ლარი აშშ დოლართან მიმართებაში 1 თეთრით 3.1279-მდე გაუფასურდა. Bloomberg-ის პლატფორმაზე დღის ბოლოს კურსმა 3.1250 შეადგინა. საერთაშორისო ვალუტებიდან ლარი ევროსთან 0.37 თეთრით 3.5414-მდე, ბრიტანულ ფუნტთან 0.13 თეთრით 4.1623-მდე, ხოლო ლარი თურქულ ლირასთან 0.20 თეთრით 0.2367-მდე გამყარდა. 1000 სომხურ დრამთან 1.15 თეთრით 6.4031-მდე, აზერბაიჯანულ მანათთან 0.32 თეთრით 1.8380-მდე, 100 რუსულ რუბლთან 6.30 თეთრით 4.2290-მდე...

9 თვეში სადაზღვევო კომპანიების წმინდა მოგება 14%-ით შემცირდა

9 თვეში სადაზღვევო კომპანიების წმინდა მოგება 14%-ით შემცირდა
access_time2021-12-01 17:00:26
2021 წლის 30 სექტემბრის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 606,7 მილიონი ლარი შეადგინა. ამის შესახებ ინფორმაცია, დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული. ამავე პერიოდის შედეგებით, მზღვეველების სადაზღვევო მოგებამ 131,2 მილიონი ლარი, წმინდა მოგებამ კი 31,9 მილიონი ლარი შეადგინა, რაც წინა წლის ანალოგიურ პერიოდთან შედარებით...

საქართველომ „ინტერ რაოსთან“ წაგებული $80.5 მილიონიანი დავა გაასაჩივრა

საქართველომ „ინტერ რაოსთან“ წაგებული $80.5 მილიონიანი დავა გაასაჩივრა
access_time2021-12-01 14:55:00
სტოკჰოლმის არბიტრაჟის გადაწყვეტილება, რომლის მიხედვითაც „ინტერ რაოსა“ და საქართველოს მთავრობას შორის დავა რუსული კომპანიის სასარგებლოდ გადაწყდა, ქართულმა მხარემ გაასაჩივრა. „სტოკჰოლმის არბიტრაჟმა გადაწყვეტილება 2021 წლის 19 აპრილს მიიღო, რომლის მიხედვითაც „ინტერ რაოს“ ეკუთვნოდა გარკვეული კომპენსაცია. ინტერ-რაო ითხოვდა კომპენსაციას 200 მილიონი აშშ...

საერთაშორისო სავალუტო ფონდი უკრაინის ეკონომიკას ანგრევს

საერთაშორისო სავალუტო ფონდი უკრაინის ეკონომიკას ანგრევს
access_time2021-12-01 20:00:29
საერთაშორისო სავალუტო ფონდებისგან სესხების აღებას უკრაინისთვის აზრი არ  აქვს, რადგან სსფ-ის მიერ წარდგენილი პირობები ქვეყნის ეკონომიკისთვის დამანგრეველია.   მაგალითად, ერთ-ერთი ვალდებულების მიხედვით, კიევმა გატანილ კაპიტალზე გადასახადი არ უნდა დააწესოს.   ფონდს მხოლოდ ერთი რამ, საგადასახადო ბაზის გაფართოება აინტერესებს, რაც უკრაინას დავალიანების სწრაფად დაფარვის საშუალებას მისცემს. არანაირ ეკონომიკურ განვითარებაზე საუბარი არ მიდის, რადგანაც...


მსგავსი სიახლეები

up