„ლიდერფუდის“ კომერციული დირექტორი ადვოკატ ავთანდილ თეთრაშვილს სიცრუეში და უზენაესი სასამართლოს კოლეგიის შეცდომაში შეყვანაში დებს ბრალს

„ლიდერფუდის“ კომერციული დირექტორი ადვოკატ ავთანდილ თეთრაშვილს სიცრუეში და უზენაესი სასამართლოს კოლეგიის შეცდომაში შეყვანაში დებს ბრალს

access_time2020-09-09 19:25:24

„ლიდერფუდის“ კომერციული დირექტორი რომან ანთიძე ვრცელ განცხადებას ავრცელებს, სადაც ირაკლი დუმბაძის ადვოკატ ავთანდილ თეთრაშვილს ეხმაურება და მას სიცრუის გავრცელებასა და უზენაესი სასამართლოს კოლეგიის შეცდომაში შეყვანაში დებს ბრალს.

 

8 სექტემბერს უზენაესი სასამართლოს სამოქალაქო საქმეთა კოლეგიამ მოსამართლე მირანდა ერემაძის თავმჯდომარეობით დავით ზეიკიძის საკასაციო სარჩელი განიხილა, რომლითაც ის მის საწინააღმდეგოდ წინა ორი ინსტანციის მიერ გამოტანილი დაუსწრებელი გადაწყვეტილების გაუქმებას ითხოვს. უზენაესი სასამართლო თავისი გადაწყვეტილება ჯერ არ გამოუცხადებია. რომან ანთიძის განცხადებას უცვლელად გთავაზობთ:

 

„მე, რომან ანთიძე, ვარ ლიდერფუდის“ კომერციული დირექტორი. ბავშვობიდან და ძალიან კარგად ვიცნობ ირაკლი დუმბაძეს (ჩვენ დეიდაშვილები ვართ). კარგად ვიცნობ ასევე, დუმბაძის ადვოკატ და მეგობარ ავთო თეთრაშვილს, რომელიც გარკვეული ხანი ასევე მუშაობდა „ლიდერფუდში“. სწორედ ამიტომ, თავს ვალდებულად ვთვლი, უპასუხად არ დავტოვო ის ტყუილები, რაც ავთო თეთრაშვილმა გუშინდელ სასამართლო სხდომაზე იკადრა. მე არ შევალ არც საქმის, არც განხილვის დეტალებში, თუმცა იმ უტიფარ სიცრუეს, რაც თეთრაშვილმა დავით ზეიკიძისა და „ლიდერფუდის“ წინააღმდეგ გაავრცელა და ამით საქმის განმხილველ კოლეგიაზე ზემოქმედებას შეეცადა, უპასუხოდ არ დავტოვებ.

 

კერძოდ, მან ურცხვად განაცხადა, რომ მას შემდეგ რაც ირაკლი დუმბაძე თავის სიმამრ დავით ზეიკიძესთან დავაში შევიდა, ზეიკიძე ინტენსიურად ცდილობდა კომპანიის კუთვნილი ქონების გადამალვას და მის გაფორმებას თავის ვაჟებსა თუ სხვა პირებზე. თეთრაშვილმა ეს რამდენჯერმე გაიმეორა და ცდილობდა, რომ ამით მოსამართლეებისთვის შეექმნა განწყობა, თუ რა ცუდი და უსამართლო კაცია დავით ზეიკიძე...

 

სანამ კონკრეტულ ფაქტებზე გადავალ, რომლითაც თეთრაშვილის ტყუილები გამოაშკარავდება, მანამდე მას მინდა ვკითხო - პატივცემულო ავთანდილ, თქვენ რა, პირადად არ იცნობთ დავით ზეიკიძეს? თქვენ რა, არ იყავით დასაქმებული ლიდერფუდში და არ გქონდათ კონტაქტი ბატონ დავითთან ? თქვენ რა, არ იცით „ლიდერფუდის“ ისტორია, მისი შექმნის და განვითარების რეალური ისტორია, რა როლი და რა დამსახურება აქვს ამ ისტორიაში დავით ზეიკიძეს და როდის რა როლს ასრულებდა ირაკლი დუმბაძე? და თქვენ თავს უფლებას აძლევთ და ამბობთ, რომ დავით ზეიკიძე ის კაცია, რომ ვიღაცის ან რაღაცის შიშით ქონების გადამალვა დაიწყოს? ვინ ვინ და პირადად თქვენ ძალიან კარგად იცით სიმართლე და ურცხვად ცრუობთ. ალბათ ისიც კარგად იცით, რომ ეს უბრალო სიცრუე არ არის, ეს დანაშაული და ბოროტმოქმედებაა.

 

ახლა კი, როგორც ლიდერფუდის კომერციულმა დირექტორმა მინდა რამდენიმე კითხვა დაგისვათ. თქვენ სასამართლოს ჯიუტად უმტკიცებდით და ცდილობდით დავით ზეიკიძის რეპუტაციის შელახვას იმით, რომ თითქოსდა ის, დუმბაძესთან სასამართლოთი შეშინებული კომპანიის კუთვნილი ქონების გადამალვას შეუდგა. მაშინ, პატივცემულო ავთანდილ, კეთილი ინებეთ და ახსენით შემდეგი ფაქტობრივი გარემოებები:

 

1. ირაკლი დუმბაძის სამსახურიდან წასვლის შემდეგ, უშუალოდ ჩემი მონაწილეობით, რატომ შეიძინა „ლიდერფუდმა“ სახელმწიფო აუქციონზე 300,000 ლარის ღირებულების მიწის ნაკვეთი და რატომ დაარეგისტრირა „ლიდერფუდის“ ბალანსზე?

2. რატომ გადავარქვით სახელი კომპანია „ეკონომიქსს“ და რატომ გავხადეთ ისიც „ლიდერი ფუდი“ და რატომ მოვახდინეთ მისი შერწყმა შპს „ლიდერი-ფუდთან“?

3. წელიწადნახევრის განმავლობაში რატომ ჩადო ბატონმა დავითმა მაღაზიათა ქსელის განვითარებაში (რომელიც უკვე „ლიდერფუდთან“ არის შერწყმული ) საკუთარი სახსრები, რაც ნახევარ მილიონ დოლარს აჭარბებს?


4. ამ პერიოდში რატომ შევიძინეთ დავით ზეიკიძის ინვესტიციით ხუთი მნიშვნელოვანი მანქანა-დანადგარი და დავარეგისტრირეთ „ლიდერფუდის“ ბალანსზე? ეს 560,000 ლარზე მეტი დაგვიჯდა.

5. ამ წლების განმავლობაში რატომ ვაფორმებთ ახალ ნაყიდ სატრანსპორტო საშუალებებს კომპანია „ლიდერფუდზე“ და არა სხვა კომპანიაზე ან პირად საკუთრებაში?

6. მიმდინარე ეტაპზე რატომ აწარმოებს „ლიდერფუდი“ მოლაპარაკებას იმერეთის ( კერძოდ წყალტუბოს მუნიციპალიტეტთან ) მიწის ნაკვეთის შეძენაზე, სადაც „ლიდერფუდის“ ახალი ბაზის გაკეთებას ვაპირებთ ?

7. რატომ ხდება, რომ დუმბაძის სამსახურიდან წასვლის შემდეგ ერთნახევარჯერ აქვს კომპანიას ბრუნვა გაზრდილი? - ამით ვმალავთ რამეს, ამით ბატონი დავითი პასუხისმგებლობებს გაურბის?

8. პროცესზე რომ ბრძანეთ, სხვა კომპანია დაარეგისტრირეს და იმასაც „ლიდერფუდი“ დაარქვესო და ირონიულად, ჩაიცინეთ, თქვენი აზრით, მოსამართლის კეთილგანწყობის მოსაპოვებლად, - არ აღელდეთ, გეტყვით რასაც ემსახურებოდა ამ კომპანიის დარეგისტრირება - იმას, რომ ვაპირებდით ნახევარფაბრიკატების წარმოების გაკეთებას, რომელიც შემდგომში დამოუკიდებელ კომპანიად უნდა გვექცია. ეს პროექტი შეჩერდა, რამდენადაც ძალიან ინვესტიციატევადი აღმოჩნდა. იმასაც გეტყვით, რომ თქვენი მარწმუნებლის დირექტორობისას კომპანიიდან დიდი ოდენობით თანხები რომ არ გამქრალიყო (ამ ფაქტებზე უკვე სასჯელს იხდის კონკრეტული პირი), არც ამ პროექტის ამ ეტაპზევე განხორციელება იქნებოდა ძნელი.

პატივცემულო ავთანდილ, თქვენ ეს არ გაინტერესებთ, მაგრამ მე გეტყვით, რატომ ავითარებს დავით ზეიკიძე „ლიდერფუდს“. – „ლიდერფუდი“ ოჯახური ბიზნესის ერთ-ერთი ყველაზე წარმატებული ქეისია საქართველოში. დავით ზეიკიძე კი ის ადამიანია, რომელიც ბიზნესს ათწლეულებია წარმატებით აწარმოებს, აფართოებს მას და ქმნის ახალ სამუშაო ადგილებს. ამრავლებს დოვლათს და ფიქრობს მის მიერ შექმნილი მატერიალური სიკეთის თავის მეკვიდრეებზე, შვილებზე და შვილიშვილებზე სამართლიანად გადანაწილებაზე.

 

ახლა კი იმაზე, თუ რატომ გესაუბრებით ამ ყველაფერს თქვენ და არა ბატონ სალიას. - იმიტომ, რომ ისევე როგორც მე, თქვენც კარგად იცით, რა და როგორ იყო რეალობაში, - ვინ არის ირაკლი დუმბაძე და ვინ არის დავით ზეიკიძე.

 

მანამდე კი იმასაც გეტყვით, რომ მიუხედავად იმისა, რომ ამ წლების განმავლობაში თქვენი მხარე ჩემზე და ჩემს ოჯახზე წარმოუდგენელ ზეწოლას ახორციელებდა და ყველანაირად ცდილობდა ჩემი პიროვნული რეპუტაციის შელახვას, რომ მე „ლიდერფუდს“ ჩამოვშორებოდი (ამის დამადასტურებელი კონკრეტული მტკიცებულებები გამაჩნია) მე, როცა საჭირო იქნება, არ მოვერიდები იმაზე სასამართლოს წინაშე ძალიან კონკრეტულ საუბარსაც, თუ რეალურად ვის რა როლი აქვს „ლიდერფუდის“ შექმნასა და განვითარებაში.

 

პატივცემულო ავთანდილ, აქვე იმასაც გეტყვით, რომ „ლიდერფუდის“ ინტერესების და იმიჯის დასაცავად, მათ შორის, ამ საქმეზე სასაუბროდ, ნებისმიერ დროს მზად ვარ, ნებისმიერი აუდიტორიის წინაშე, თვით პაატა სალიას „რუსთავი 2“ -ის პირდაპირ ეთერშიც კი დავჯდე ნებისმიერი ადამიანის პირისპირ, გინდა იყავით ეს თქვენ, გინდა პაატა სალია, გინდაც ირაკლი დუმბაძე და გინდაც სამივე ერთად.

 

რაც შეეხება პაატა სალიას, როგორც ადვოკატს, - ის არც ოჯახის მეობარია, არც ნათესავი და არც გულშემატკივარი. შესაბამისად, ის მხოლოდ სუფთა პროფესიული კუთხით არის ჩართული ამ საქმეში და მისთვის სულერთია (გარდა პროფესიული თვალსაზრისისა) ეს საქმე როგორ დასრულდება.

 

თქვენ? მართლა მაინტერესებს, თქვენ რას აპირებთ პროცესის დასრულების შემდეგ? თქვენ ხომ ირაკლის და მისი ოჯახის მხოლოდ ადვოკატი არ ხართ. თქვენ ხომ მეგობარიც ხართ ქალბატონი ინგასი? მერე რას აპირებთ?

 

თქვენ იმდენ ტყუილს კადრულობთ დავით ზეიკიძის მისამართით, რომ მიკვირს, თქვენს მეგობარ ინგა ზეიკიძეს, მას შემდეგ, რაც ის დღეს თუ ხვალ, გაერკვევა საქმის რეალურ არსში, როგორ შეხედავთ თვალებში ? - არ შეგრცხვებათ?

 

განა რა მატერიალურ სიკეთეს ელით ამ პროცესიდან, რომ ამაზე არ ფიქრობთ?

 

პატივცემულო ავთანდილ, თქვენ შესაძლოა მიპასუხოთ, რომ მე დაინტერესებული მხარე ვარ და დავით ზეიკიძის დავალებით გესაუბრებით ამ ყველაფერს. არა, ჩემო „მეგობარო“. ტყუილად არ დახარჯო სიტყვები, - ეს ჩემი და კომპანია „ლიდერფუდის“ გულწრფელი პასუხია იმ უსამართლობაზე, რასაც პირადად თქვენ ჩადიხართ, როცა ცილს წამებთ კომპანიის დამფუძნებელს და იმდენსაც ვერ თუ არ იაზრებთ, რომ თქვენი ტყუილებით რეპუტაციას ულახავთ კომპანიას, რომელზეც ამბობთ, რომ ინტერესი გაგაჩნიათ და რომელსაც მომავალ პოტენციურ სამსახურად მიიჩნევთ.

 

და ბოლოს. პატივცემულო ავთანდილ, ერთი რიტორიკული კითხვაც თქვეთვის -სასამართლოზე მოწმედ გამოცხადებისას ფიცს რომ დებს მოწმე, რომელიც წარმოთქვავს შემდეგ სიტყებს: „ვფიცავ, ვილაპარაკებ სიმართლეს და არაფერს სიმართლის გარდა“ - ეს ფიცი მხოლოდ მოწმეებს ეხება? ადვოკატებს (ამ შემთხვევაში თქვენზე მაქვს საუბარი), აქვთ უფლება მოსამართლეებს მოგონილი ფაქტები მოუტანოს და ტყუილი და სიცრუე ელაპარაკოს? ეს არ ისჯება კანონით?“, - აღნიშნულია „ლიდერფუდის“ კომერციული დირექტორის რომან ანთიძის მიერ გავრცელებულ განცხადებაში.

 



თეგები:
ლიდერფუდი



20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-20 21:30:45
დღის Top 10 საინტერესო ამბავი: 1. როგორ უნდა მოიქცეთ, თუ Covid-19 დაგიდასტურდათ - ამერიკაში მოღვაწე ქართველი ექიმების რჩევები როგორ უნდა მოიქცეს ადამიანი, თუ მას კორონავირუსის სიმპტომები გამოუვლინდა? როდის უნდა მიმართოს სიმპტომიანმა ოჯახის ექიმს და როდის გადაუდებელი დახმარების ცენტრს? საჭიროა თუ არა მედიკამენტოზური მკურნალობა? ...

მსხვილი სასტუმრო ქსელები დისტანციურად მომუშავეთა მოზიდვას ცდილობენ

მსხვილი სასტუმრო ქსელები დისტანციურად მომუშავეთა მოზიდვას ცდილობენ
access_time2020-10-20 20:45:26
მსხვილი სასტუმრო ქსელები, ისეთები, როგორც InterContinental Hotels Group, Marriott დ Accor-ი ახალი სისტემის - გამოწერის -  ამუშავებას გეგმავენ იმისთვის, რომ დისტანციურად მომუშავეებმა მოგზაურობა და სხვადასხვა ქალაქებში ერთი და იგივე ქსელის სასტუმროებში ცხოვრება შეძლონ.   მაგალითად, სექტემბერში ტურისტულმა ჯგუფმა Inspirato-მ განაცხადა, რომ მთლიანად გამოწერაზე  გადავიდა და აქცენტს სწორედ ამ სერვისზე გააკეთებს. ქსელის კლიენტები შტატებში,...

Bloomberg: ჩინეთის ეკონომიკა ზრდის კრიზისამდელ მაჩვენებელს უახლოვდება

Bloomberg:  ჩინეთის ეკონომიკა ზრდის კრიზისამდელ მაჩვენებელს უახლოვდება
access_time2020-10-20 19:00:20
2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.   ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.   2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...


მსგავსი სიახლეები

up