2021 პირველ კვარტალში წინა წლის ანალოგიურ პერიოდთან შედარებით კომერციული ბანკებისმთლიანი სესხების რაოდენობა გაიზარდა. ეროვნული ბანკის ინფორმაციით, კომერციული ბანკების საშუალო დაკრედიტების ტემპიც 7,5%-მდე შენელდა, თუმცა ზოგიერთი ბანკის შემთხვევაში მნიშვნელოვანი ზრდა მაინც დაფიქსირდა. მაგალითად, ლიდერი ბანკების მონაცემებში სესხების წლიური ზრდის მაჩვენებლით (35,2%-ით) ლიბერთი ბანკი ლიდერობს, მეორე ადგილზე კი პროკრედიტ ბანკია 22,4%-იანი ზრდით.

ლიდერი ბანკების რეიტინგი მთლიანი სესხების ზრდის მიხედვით შემდეგია:

ლიბერთი ბანკი -2021 წლის I კვარტლში მთლიანი სესხები 1,775,423,599 ლარი, წინა წლის ანალოგიურ პერიოდში 1,313,483,917 ლარი, ზრდა 35,2%;

პროკრედიტ ბანკი–2021 წლის I კვარტლში მთლიანი სესხები 1,425,574,085 ლარი, წინა წლის ანალოგიურ პერიოდში 1,164,470,648 ლარი, ზრდა 22.4%;

ვითიბი ბანკი ჯორჯია - 2021 წლის I კვარტლში მთლიანი სესხები 1,457,070,632 ლარი, წინა წლის ანალოგიურ პერიოდში კი 1,246,575,669 ლარი, ზრდა 16,9%;

საქართველოს ბანკი - 2021 წლის I კვარტლში მთლიანი სესხები 13,719,449,632 ლარი, წინა წლის ანალოგიურ პერიოდში კი 12,468,719,523 ლარი, ზრდა 10%;

თიბისი ბანკი - 2021 წლის I კვარტლში მთლიანი სესხები 15,024,294,133 ლარი, წინა წლის ანალოგიურ პერიოდში კი 13,811,272,219 ლარი, ზრდა 8,8%;

ბაზისბანკი - 2021 წლის I კვარტლში მთლიანი სესხები 1,095,158,455 ლარი, წინა წლის ანალოგიურ პერიოდში კი 1,106,661,773 ლარი, შემცირება 1%.