LG სმარტფონების წარმოებას წყვეტს

LG სმარტფონების წარმოებას წყვეტს

access_time2021-04-05 19:30:00

სამხრეთკორეული კომპანია LG Electronics სმარტფონების წარმოებას წყვეტს. ინფორმაციას Reuters-ის სეულის ბიურო ავრცელებს. LG Electronics პირველი მსხვილი კომპანიაა, რომელიც სმარტფონების ბაზრიდან გადის. კომპანიაში აცხადებენ, რომ მობილური ტელეფონების განყოფილება წამგებიანი და მხოლოდ ზარალის მომტანი იყო. LG-ის სმარტფონების განყოფილებამ თითქმის 6-წლიანი ზარალი განიცადა, რამაც მთლიანობაში 4,5 მლრდ დოლარი შეადგინა.


კომპანიის მიერ გავრცელებულ განცხადებაში ნათქვამია, რომ სმარტფონების მკაცრი კონკურენციის სექტორიდან გასვლა LG Electronics-ს საშუალებას მისცემს, ყურადღება გაამახვილოს ისეთ მზარდ სფეროებზე, როგორიცაა ელექტრომობილები, ინტეგრირებული მოწყობილობები და „ჭკვიანი სახლები“.


აშშ-ს ბაზარზე LG-ის სმარტფონებს 10%-იანი წილი უკავია და Samsung Electronics-ისა და Apple-ის შემდეგ ნომერ მესამე ბრენდია. მოელიან, რომ სწორედ ეს ორი კომპანია ჩაყლაპავს LG-ს 10-პროცენტიან წილს. Hi Investment & Securities-ის ანალიტიკოსი კო ეი-იანგი აცხადებს, რომ ამერიკის ბაზარზე LG საშუალო და დაბალი ფასის მოდელებზე იყო ორიენტირებული, ხოლო რაკი საშუალო ფასის მოდელების ხაზით უფრო Samsung Electronics გამოირჩევა, ვიდრე Apple, სწორედ Samsung შეძლებს LG-ის მომხმარებლების მიზიდვას.


ჩრდილოამერიკის გარდა, LG სამხრეთ ამერიკაშიც არის წარმოდგენილი და ბაზარზე მე-5 ადგილი უკავია. მოელიან, რომ ლათინური ამერიკის ბაზარზე LG-ის წილს ჩინური კონკურენტები - Oppo, Vivo და Xiaomi ჩაყლაპავენ, რომლებთაც ჩრდილოამერიკის ბაზარზე დიდი კვოტა არ გააჩნიათ ორმხრივი ცივი ურთიერთობების გამო.



ამჟამად LG Electronics-ის გლობალური წილი მხოლოდ 2 %-ია. კვლევითი პროვაიდერ Counterpoint-ის მონაცემებით, გასულ წელს კომპანიამ 23 მილიონი ტელეფონი გაყიდა მაშინ, როცა Samsung-მა - 256 მილიონი.


LG Electronics-ის ინოვაციური სმარტფონების წარმოების პიკი 2013 წელს იყო, როცა კომპანიამ მსოფლიო ბაზარზე Samsung-ისა და Apple-ის შემდეგ მესამე ადგილი დაიკავა. თუმცა შემდგომში მის წამყვან მოდელებს როგორც პროგრამული, ისე ტექნიკური ხარვეზები აღმოაჩნდა, რასაც თან დაერთო პროგრამული უზრუნველყოფის ნელი განახლების სისტემა. ამასთან, ანალიტიკოსები ბრენდს, ჩინელ კონკურენტებთან შედარებით, მარკეტინგის არასაკმარისი გამოცდილების გამოც აკრიტიკებდნენ. ყველაფერმა ამან ბრენდს პოპულარობა დააკარგვინა.


LG Electronics-ის სმარტფონების განყოფილება, კომპანიის 5 განყოფილებიდან, ყველაზე პატარაა და მასზე შემოსავლების 7% მოდის. მის დახურვას 31 ივლისისთვის მოელიან. თუმცა კომპანია 4G და 5G ძირითად ტექნოლოგიებზე პატენტის შენარჩუნებას გეგმავს და მუშაობას 6G საკომუნიკაციო ტექნოლოგიის შემუშავებისთვისაც გააგრძელებს.



BPN.GE




თეგები:
LG



ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up