ლევან ხაბეიშვილი - მე ეს თვალი დამილურჯდება, მაგრამ ესენი არჩევნებში გალურჯდებიან

ლევან ხაბეიშვილი - მე ეს თვალი დამილურჯდება, მაგრამ ესენი არჩევნებში გალურჯდებიან

access_time2020-01-24 16:04:07

ეჭვი მაქვს, მე ეს თვალი დამილურჯდება, მაგრამ ესენი არჩევნებში გალურჯდებიან და გაალურჯებს მათ ქართველი ხალხი და არა ხაბეიშვილი,- ამის შესახებ საკრებულში „ნაციონალური მოძრაობის“ დეპუტატმა ლევან ხაბეიშვილმა „ქართული ოცნების“ დეპუტატებთან მომხდარი დაპირისპირების შემდეგ „ინტერპრესნიუსთან“ საუბრისას განაცხადა.


მისი თქმით, კრიმინალის წარმომადგენლებიც კი არ იკადრებენ იმას, რასაც „ქართული ოცნების“ წევრები აკეთებენ.


„როგორც ჩვევია „ქართულ ოცნებას“, ერთ ადამიანს დამესია რამდენიმე ადამიანი. ხომ ძალიან პრიმიტიული ხალხია და ასე ფიქრობენ, რომ ამ ფორმით შეიძლება შემაშინონ. თვალი, ხედავთ რა მძიმე მდგომარეობაში მაქვს, მაგრამ ჩემს თვალზე უფრო მნიშვნელოვანია, რომ ჩვენი ქვეყანა, სამშობლო არის ასეთი კრიმინალების ხელში, სადაც შეუძლიათ, რომ პოლიტიკოსს, დეპუტატს, პოლიტიკური განცხადებების გამო საკრებულოს სხდომათა დარბაზში ასე ქურდულად გაუსწორდნენ. კრიმინალიც კი არ იკადრებს იმას, რასაც ესენი კადრულობენ, პირდაპირ კი არა, ასე მოპარვით, თან ერთი და ორი კი არ გეჩხუბება, 10-15 ადამიანი.


თვალი კი არა, მთელი ცხოვრება მაქვს გადადებული, ოჯახი მაქვს გადადებული, მუდმივად მილიონერებზე ვსაუბრობ, ამ კრიმინალებზე ვსაუბრობ, მუდმივად ამათ მხილებაში ვარ, მთელი ცხოვრება მაქვს გადადებული და ამ თვალს როგორღაც მოვირჩენ, თუმცა ამ დროს ისინი მორალურად რამდენად კარგ პოზიციაში არიან, თავად განსაჯონ. ამ თვალს როგორღაც მოვირჩენ. ამ დროს ისინი მორალურად როგორ მდგომარეობაში არიან თავად განსაჯონ. დღევანდელი დაპირისპირება იმას მოჰყვა, როგორ გავბედე ლევან ხაბეიშვილმა და როგორ ვამხილე ეს ხალხი კორუფციაში, როგორ ვთქვი, დამლაგებელს 8 ლარი რომ აქვს ხელფასი, მონად რატომ ამუშვებთ ქალბატონებს-თქო, აი ამის გამო“, - განაცხადა ხაბეიშვილმა.



მისი თქმით, გაათმაგებული ენერგიით იბრძოლებს, რადგან უკეთ იცის, რა ხალხთან აქვს საქმე“.


„ბრძოლასაც გავაგრძელებ, თვალიც მომირჩება, შუბლიც და ბრძოლა გაგრძელდება. ახლა კიდევ უფრო კარგად ვიცი, რა ხალხთან მაქვს საქმე და გაათმაგებული ენერგიით ვიბრძოლებ. ორი ბიჭი მყავს და მათი თანატოლების მომავლისთვის ვარ კრიმინალთან გავეშებულ ბრძოლაში. შეიძლება ნახონ ეს ჩემმა ბიჭებმა, რომ აი, მამას თვალი აქვს დალურჯებული და ვერ გაიგებენ, რა მოხდა. გიორგი და ირაკლი, მამა, უკნიდან მიპარვა ლაჩრულად, საკრებულოს წევრზე თავდასხმა, ან ნებისმიერ ადამიანზე ძალადობა არის ძალიან ცუდი. მამას ეს თვალი მოურჩება და გააგრძელებს ბრძოლას. შენი და შენი თანატოლებისთვის ბრძოლას! ეჭვი მაქვს, მე ეს თვალი დამილურჯდება, მაგრამ ესენი არჩევნებში გალურჯდებიან და გაალურჯებს მათ ქართველი ხალხი და არა ხაბეიშვილი.


კოლექტიური ივანიშვილი-კალაძეები არიან ესენი ჩემთვის, ინდივიდუალურად არაფერს ნიშნავს. აბა გამოიცანით, ვისი დავალებით არის ეს, ეს არის კალაძის პირადი ინიციატივა. კახი, ამ თვალს მალე მოვირჩენ და შენ რამდენად მყარად იქნები მათ შორის მორალურად, არ ვიცი, ეჭვი მეპარება, რომ ნერვებიც ნორმალურ მდგომარეობაში ჰქონდეთ, ეს ხელი არაა მხოლოდ ჩემთვის დარტყმული ხელი. ეს მოუქნიეს ყველას, ვისაც განსხვავებული პოზიცია აქვს“, - განაცხადა ხაბეიშვილმა.


ipn.ge




„გიორგი ქიშმარია ქართული სამართლის სახლი“ საქართველოში და ევროპის რამდენიმე ქვეყანაში ახალი ხარისხის სამართლებრივი მომსახურების კულტურას ამკვიდრებს

 „გიორგი ქიშმარია ქართული სამართლის სახლი“ საქართველოში და ევროპის რამდენიმე ქვეყანაში ახალი ხარისხის სამართლებრივი მომსახურების კულტურას ამკვიდრებს
access_time2020-02-26 16:25:48
იურიდიული ჰოლდინგი   „გიორგი ქიშმარია ქართული სამართლის სახლი“ 2009  წელს დაფუძნდა. ჩვენს კორპორაციაში   წარმოდგენილია სხვადასხვა უნივერსიტეტის პროფესორები და პრაქტიკოსი იურისტები  თეორიული და პრაქტიკული ცოდნის მიმართულებით. ქართული სამართლის სახლი  სრულიად ახალი ხარისხის სამართლებრივი მომსახურების კულტურას ამკვიდრებს საქართველოში და ევროპის რამოდენიმე ქვეყანაში, რომელიც მთლიანად...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-26 21:30:57
დღის Top-10 საინტერესო ამბავი 1.ისრაელიდან ტურისტული ჯავშნების გაუქმების ტალღაა მოსალოდნელი კორონავირუსის საფრთხის გამო ირანიდან საქართველოში მგზავრების საჰაერო გზით შემოყვანის შეჩერებას ისრაელისა და ევროპის ბაზარზე მომუშავე ტურისტული კომპანიის დამფუძნებლები და ტურიზმის სფეროს ექსპერტები...

87 906 811 ლარის ღირებულების ხელშეკრულებები ბათუმის მერიასა და „სანდასუფთავებას“ შორის

87 906 811 ლარის ღირებულების ხელშეკრულებები ბათუმის მერიასა და „სანდასუფთავებას“ შორის
access_time2020-02-26 19:50:03
ქალაქ ბათუმის მუნიციპალიტეტის მერიამ 2019 წლის 13 დეკემბერს შპს „სანდასუფთავებასთან“, გამარტივებული წესით, ორი ხელშეკრულება გააფორმა: ერთი 480 059-ლარიანი, რომელიც ქალაქის ქუჩების, პარკების, მოედნების დასუფთავებას, მორწყვა-მორეცხვას, ქუჩების თოვლის საფარისგან გაწმენდას, მოყინვის საწინააღმდეგო სამუშაოებს, ქუჩაში მსხვილფეხა რქოსანი პირუტყვის მოძრაობის აღკვეთის მომსახურებას გულისხმობს, ხოლო მეორე - 269 400 ლარის ღირებულების, რომლითაც, იმავე კომპანიისგან, საყოფაცხოვრებო ნარჩენების, ანახვეტის,...

ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“

ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“
access_time2020-02-26 15:55:01
„წელს, დაახლოებით, 800 მილიონიდან 1 მილიარდამდე ლარის დღგ-ის ზედმეტობის დაბრუნებას ვგეგმავთ“, - აღნიშნა ფინანსთა მინისტრმა, ივანე მაჭავარიანმა ეკონომიკურ კონფერენციაზე - საქართველო და მსოფლიო 2020 წელს ფისკალურ რეფორმებზე დასმული შეკითხვის საპასუხოდ. „ჩვენ დამაჯერებელ ნაბიჯებს გადავდგამთ დღგ-ის რეფორმის კუთხით. თქვენ იცით, რომ ბოლო ორი წლის განმავლობაში უპრეცედენტოდ მაღალი დაბრუნება გვაქვს, დაახლოებით, 500-600 მილიონი ლარი. წელს, ჩვენ 800 მლნ ლარიდან 1...

აშშ-მა კორონავირუსის შესახებ რუსული დეზინფორმაციული კამპანიის ქსელი გამოავლინა

აშშ-მა კორონავირუსის შესახებ რუსული დეზინფორმაციული კამპანიის ქსელი გამოავლინა
access_time2020-02-26 18:45:40
აშშ-ის სახელწმიფო დეპარტამენტმა სოციალურ მედიაში რუსეთთან დაკავშირებული ათასობით ანგარიში გამოავლინა, რომლებიც კოორდინირებულად მოქმედებდნენ, რათა კორონავირუსთან დაკავშირებით პანიკა დაეთესათ, დეზინფორმაცია გაევრცელებინათ და დაეკნინებინათ ეპიდემიასთან ბრძოლის გლობალური მცდელობები.ინფორმაციას ამის შესახებ AFP და Guardian ავრცელებენ. გამოცემის ინფორმაციით, დეზინფორმაციის კამპანია ავრცელებს უსაფუძვლო კონსპირაციის თეორიებს იმის შესახებ, რომ ახალი კორონავირუსის...


მსგავსი სიახლეები

up