ლევან ხაბეიშვილი: „გენგეგმა იმიტომ ვერ დავამტკიცეთ, რომ კალაძე „არქი ჯგუფს“ ლობირებს“

ლევან ხაბეიშვილი: „გენგეგმა იმიტომ ვერ დავამტკიცეთ, რომ კალაძე „არქი ჯგუფს“ ლობირებს“

access_time2019-01-10 10:00:03

„გენგეგმა აქამდე იმიტომ ვერ დავამტკიცეთ, რომ თბილისის მერი მსხვილი სამშენებლო ბიზნესების პირად ინტერესებს ითვალისწინებს. კალაძე პირდაპირ ლობირებს „არქი ჯგუფს“ და ამიტომაც აჭიანურებს პროცესებს“,- ასე აფასებს თბილისის საკრებულოს წევრი ლევან ხაბეიშვილი იმ ფაქტს, რომ ახალ წელს თბილისი გენერალური გეგმის გარეშე შეხვდა.


 2018 წლის 4 ივლისს დადებული პირობა თბლისის მერმა დაარღვია. კალაძე მაშინ ირწმუნებოდა, რომ გენერალურ გეგმას 1 ოქტომბრამდე საკრებულო დაამტკიცებდა, დოკუმენტი კი ძალაში 1 იანვრიდან შევიდოდა. თუმცა, საკრებულოში განხილვები ამ დრომდე არ დასრულებულა.


ლევან ხაბეიშვილის თქმით, „არქი ჯგუფის“ დამფუძნებელი და „ქართული ოცნების“ დეპუტატი ილია წულაია კალაძესთან დაახლოებული პირია და ამის გამო კომპანიას ყველა პროექტთან მიმართებაში ანგარიშს უწევს.


„თბილისის მერს ჯერ კიდევ გასული წლის აპრილში,  საკრებულოს სხდომაზე „არქი ჯგუფზე“ დავუსვით შეკითხვაა, რატომ ლობირებს ამ კომპანიას? კერძოდ,  იმავე პერიოდში დიღომში მიმდინარე მშენებლობის შესახებ „არქი ჯგუფის“ ოპერატორმა უფრო ადრე იცოდა, რა ნებართვას გასცემდა თბილისის მერია და საკრებულო, ვიდრე თავად საკრებულომ.  ჯერ ნებართვა არ ჰქონდა კომპანიას აღებული და მშენებლობა უკვე დაწყებული იყო; ყველამ იცის ეს ისტორია. თავის დროზე ჩვენ მაინც გადავამოწმეთ მიმდინარეობდა თუ არა მშენებლობა - „არქიმ“ გვითხრა გვაქვს ნებართვაო. ცხელ ხაზზე დავრეკეთ და  ოპერატორმაც  დაგვიდასტურა ყველაფერი - რამდენსართულიანი შენობა აშენდებოდა, როგორი ტიპის კორპუსი იქნებოდა და ა.შ. ამ საუბრიდან ზუსტად ორ კვირაში პროექტი საკრებულომ დაამტკიცა. იგივე ხდება დღესაც, ამ მსხვილი კომპანიის პირადი ინტერესების გამო ჭიანურდება გენგეგმის დამტკიცება“,- განმარტავს ხაბეიშვილი.


მისივე თქმით, კიდევ ერთი არგუმენტი, სადაც ილია წულაიას და კალაძის ახლო მეგობრობა იკვეთება „სითი პარკთან“ დაკავშირებული მოვლენებია. ამ საქმეზე სასამართლო დავა დღესაც მიმდინარეობს, თუმცა თავის დროზე კომპანია „სითი პარკის“ წარმომადგენელ ებრაულ კომპანიასთან მოსალაპარაკებლად ისრაელში გამგზავრებულ კალაძეს, სწორედ ილია წულაია ახლდა თან.



„წულაია არის კახა კალაძის პირდაპირი კასირი ანუ მოლარე, ვინც სულ თან დაჰყვება მერს. თუმცა გარდა „არქი ჯგუფისა“  კიდევ რამდენიმე მაგალითი გვაქვს, რის გამოც დღემდე ვერ ვამტკიცებთ დოკუმენტს. მეორე პრობლემაა ის, რომ 1000- გვერდიანი გენგეგმა ისე შეჭამეს, რომ 80 გვერდამდე დაიყვანეს. ფარატინა ფურცლებად აქციეს ასეთი მნიშვნელოვანი დოკუმენტი, მაგრამ იმასაც არ იღებენ რადგან გარკვეული რეგულაციების ქვეშ მაინც მოექცევიან მსხვილი ბიზნესები და მერე ასე უნებართვოდ გაუჭირდებათ მშენებლობები“, - აღნიშნავს ლევან ხაბეიშვილი.


რაც შეეხება თავად არქი ჯგუფისა“ და „ქართული ოცნების“ დეპუტატ ილია წულაიას, „კომერსანტი“ შეეცადა მასთან დაკავშირებას, თუმცა ამ დრომდე ჩვენს ზარებს და ესემეს შეტყობინებას არ პასუხობს.


ილია წულაია „ქართული ოცნების“ ერთ-ერთი მილიონერი დეპუტატი გახლავთ. მისი უძრავი ქონების პორტფელს 2018 წელს 3 ბინა შეემატა. ბიზნესიდან პოლიტიკაში წასულმა კანონმდებელმა თბილისში, ჭავჭავაძის 37-ში მდებარე ამ ბინების შესაძენად ჯამში 210 545 დოლარი დახარჯა.


„არქი ჯგუფის“ დამფუძნებლის და არაერთი კომპანიის მეწილის უძრავი ქონების პორტფელში 2 მიწის ნაკვეთი, 1 არასაცხოვრებელი ფართი და 0.5 მილიონად ნაყიდი სახლი შედის (თბილისში, ფერაძის ქუჩა).


დეკლარაციაშია 2 საათი - ROLEX -ის და HUBLOT -ის ბრენდით, ორივე ნაჩუქარი.


ილია წულაიამ დეკლარაციაში 2017 წლის ხელფასთან ერთად, სხვადასხვა ხელშეკრულების საფუძველზე მიღებული შემოსავლებიც ასახა, რაც ჯამში 1.79 მილიონ აშშ. დოლარს აღემატება. 2017 წელს წულაიამ ხელმოკლე ოჯახების დასახმარებლად 220 000 ლარი გასცა, 60 000 კი პარტია “ქართულ ოცნებაში ში შეიტანა.



სალომე ლემონჯავა





რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up