ლევან ვეფხვაძე - ქვეყანაში გადაწყვეტილებებს ერთი კაცი აღარ იღებს და ბიზნესს ხელისუფლების ყველა შტოსთან უწევს კომუნიკაცია

ლევან ვეფხვაძე - ქვეყანაში გადაწყვეტილებებს ერთი კაცი აღარ იღებს და ბიზნესს ხელისუფლების ყველა შტოსთან უწევს კომუნიკაცია

access_time2019-05-31 20:20:51

საქართველოში ბოლო რამდენიმე წელიწადში გადაწყვეტილებას ერთი და ორი კაცი აღარ იღებს, შესაბამისად, ბიზნესს კომუნიკაცია ხელისუფლების ყველა შტოსთან სჭირდება, რაც მოლაპარაკების პროცესს ართულებს, თუმცა აჯანსაღებს, – ამის შესახებ საქართველოს ბიზნესასოციაციის ახალმა აღმასრულებელმა დირექტორმა, ლევან ვეფხვაძემ დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა.


გადაცემაში ბიზნესასოციაციის მენეჯმენტში ცვლილებების საკითხი და ახალი გამოწვევები განიხილეს. ბიზნესომბუდსმენის მოადგილე და გადაცემის თანაწამყვანი ლევან კალანდაძე დაინტერესდა ლევან ვეფხვაძის შეფასებით, რამდენად ღიაა მთავრობა ბიზნესთან კომუნიკაციისთვის.


„ხელისუფლებასთან კომუნიკაცია ყოველთვის ერთ-ერთ მნიშვნელოვან პრობლემურ საკითხად გამოიკვეთება ხოლმე. თითქოს გვაქვს კომუნიკაცია, თითქოს აქტიური შეხვედრები იმართება, მაგრამ საბოლოო ჯამში, ბიზნესის ნაწილი კომუნიკაციის მიღმა რჩება. ეს არ ეხება მსხვილ ბიზნესს, თუმცა საშუალო და წვრილი ბიზნესისთვის კომუნიკაცია ჯერ კიდევ პრობლემაა“, – განაცხადა კალანდაძემ.


ლევან ვეფხვაძის განმარტებით, ბიზნესსა და ხელისუფლებას შორის კომუნიკაციის ნაკლებობა არ არის, უბრალოდ, პროცედურა გართულდა, რადგან ქვეყანაში გადაწყვეტილების მიღების სისტემა შეიცვალა. გადაწყვეტილების მიღების პროცესი უფრო გაიშალა.



„ქვეყანაში ბოლო რამდენიმე წელიწადში შეიცვალა გადაწყვეტილების შემუშავებისა და მიღების პროცედურა და სისტემა. ადრე გვქონდა ასე, რომ ერთი-ორი ადამიანი იღებდა გადაწყვეტილებას, დღეს ეს პროცესი უფრო გაშლილია. კომუნიკაციის ნაკლებობა ჩვენი მხრიდან უფრო არის, ვიდრე ხელისუფლების მხრიდან, რადგან ერთ კონკრეტულ ადამიანთან საუბარი აღარ არის საკმარისი, რომ კონკრეტული გადაწყვეტილება ბოლომდე მივიდეს. იყო ასეთი პერიოდი, როცა კონკრეტული ადამიანი თითებს გაატკაცუნებდა და გადაწყვეტილება ბოლომდე მიდიოდა. ადრე თუ ერთს ელაპარაკებოდი და ყველა შტო უკვე ჩამოყალიბებული იყო, ახლა გვაქვს მოდელი, როცა თითოეულ დეპუტატთან, მთავრობის თითოეულ წევრთან გვიხდება ურთიერთობა, რადგან შეიძლება, ყველას განსხვავებული მოსაზრება ჰქონდეს. ვერტიკალში ვიღაცამ ზემოდან დაუძახოს და გაკეთდეს – ასე არ ხდება. ეს ერთის მხრივ, ბუნებრივია, კარგია და ლოგიკურად სწორი სისტემისკენ მივდივართ, როცა გადაწყვეტილება მორჩილებაზე კი არ არის დაფუძნებული, არამედ საღ აზრსა და დებატებზე. ეს ნიშნავს, რომ ხელისუფლების შიგნით ე.წ. ბალანსი არსებობს. ეს ჩვენი მხრიდან კონკრეტული გადაწყვეტილებების ბოლომდე მიყვანის შესაძლებლობას ართულებს. ამ ეტაპზე, ჩვენთვის ახალი გამოწვევა ნიშნავს, რომ ყველა დონეზე, თითოეულ შტოში, თითოეულ პარლამენტართან, მინისტრთან თუ მინისტრის მოადგილესთან ცალ-ცალკე მოგვიწევს კომუნიკაცია“, – განმარტა ვეფხვაძემ.


ბიზნესასოციაციის ახალი აღმასრულებელი დირექტორი მიიჩნევს, რომ აღნიშნული პროცესი ხელს შეუწყობს ბიზნესსა და მთავრობას შორის პოზიციების რაციონალურ შეჯერებას, როდესაც იმ ახალი რეგულაციების შემოღება მოხდება, რასაც ქვეყანას საერთაშორისო ვალდებულებები აკისრებს.


„ეს რთული პროცესია, მაგრამ მეორეს მხრივ, საინტერესო, როდესაც დებატებში შევძლებთ საერთო პოზიციის დაფიქსირებას. ერთი მხრივ, ეს შეასრულებს იმ საერთაშორისო ვალდებულებებს, რაც ახალი რეგულაციების შემოღებას უკავშირდება და მეორე მხრივ, დავიცავთ იმ ოქროს შუალედს, როცა რეგულაციები ბიზნესს ისე მძიმედ არ დააწვება, რომ ვეღარ შეძლოს მთავარი – შექმნას სამუშაო ადგილები, შეავსოს ბიუჯეტი და შექმნას დოვლათი, რომელიც ქვეყანაში ეკონომიკური წინსვლისთვის არის საჭირო“, – განაცხადა ლევან ვეფხვაძემ „ბიზნესპარტნიორში“ სტუმრობისას.


1tv






“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...

სვანეთში ბიტკოინის მაინერების წარმოებას სემეკი მკაცრად გააკონტროლებს

 სვანეთში ბიტკოინის მაინერების წარმოებას სემეკი მკაცრად გააკონტროლებს
access_time2020-01-20 12:30:24
მას შემდეგ, რაც სვანეთის მოსახლეობა ელექტროენერგიის გადასახადისგან განთავისუფლდა, „ენერგო პრო ჯორჯიას“ ზარალი ამ მიმართულებით გაიზარდა. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) ინფორმაციით, კომპანიის ზარალმა 2019 წლის 9 თვეში,  სვანეთისთვის მიწოდებული და გადაუხდელი ელექტროენერგიის ნაწილში, 7 მლნ. ლარი შეადგინა. მარეგულირებელი კომისიის თავმჯდომარე დავით ნარმანიას  რამდენიმე კვირის წინ გაკეთებული...

Forbes - პრინც ჰარის და მეგან მარკლის შემოსავლის შესაძლო წყაროებზე

Forbes - პრინც ჰარის და მეგან მარკლის შემოსავლის შესაძლო წყაროებზე
access_time2020-01-19 21:00:10
  რამდენიმე დღის წინ ბრიტანეთის პრინცმა ჰარიმ და მისმა მეუღლემ, ამერიკელმა მსახიობმა მეგან მარკლმა განაცხადეს, რომ  მათ სურთ ფინანსური დამოუკიდებლობა.   თუ გავითვალისწინებთ, რომ პრინცმა განაცხადა, რომ ის უარს ამბობს ტიტულზე, ამ პროცესს აქვს ორი მხარე   - ერთია, რომ უკვე ყოფილ პრინცს მკვეთრად შეუმცირდება დაფინანსება ოჯახიდან, მეორე კი - ამჟამად მას უკვე აქვს დამოუკიდებლად მუშაობის უფლება.   რას აირჩევენ ჰარი და...


მსგავსი სიახლეები

up