ლევან ვეფხვაძე: ბიზნესი საკოორდინაციოს გადაწყვეტილებებს მედიისგან არ უნდა იგებდეს

ლევან ვეფხვაძე: ბიზნესი საკოორდინაციოს გადაწყვეტილებებს მედიისგან არ უნდა იგებდეს

access_time2021-03-25 17:00:11

კორონავირუსის მოსალოდნელი მესამე ტალღის გამო შესაძლო შეზღუდვების დაწესებასთან დაკავშირებით ბიზნესი მთავრობასთან კონსულტაციების გავლას ითხოვს. კერძო სექტორს სურს, ჰქონდეს ინსტრუქციები, რომელსაც მდგომარეობის განვითარების შესაბამისად მიჰყვება.

 

როგორც საქართველოს ბიზნეს ასოციაციის აღმასრულებელი დირექტორი, ლევან ვეფხვაძე განმარტავს, მთავრობის მხრიდან მყისიერი გადაწყვეტილებების მიღებამ კერძო სექტორს უარყოფითი შედეგები უკვე რამდენჯერმე მოუტანა.

 

„წინა გამოცდილებამ გვაჩვენა, რომ მყისიერი გადაწყვეტილებები ხშირად კონტრპროდუქტიულია და პირიქით, ამძიმებს ხოლმე სიტუაციას. აქედან გამომდინარე, ახლა კონკრეტული ინდიკატორები გვჭირდება. ეს ეხება კონკრეტულ სექტორებს. პირველ რიგში, უნდა ვიცოდეთ, ინფიცირების რა პროცენტულობის გამოვლენის შემდეგ რომელ სექტორს რა შეიძლება შეეხოს. პირობითად, თუ 20 000 ადამიანი ავცერით და 1 000-ს აცდა ინფიცირებულთა რაოდენობა, ეს რას ნიშნავს, რომ რაღაც შეიძლება გავაჩეროთ? უნდა ვთქვათ, რა შეიძლება გავაჩეროთ. ან ინფიცირებულთა რიცხვი 2 000-ს თუ აცდა, რა შეიძლება გავაჩეროთ. თუ იქნება გზამკვლევი, სადაც გაწერილი იქნება კონკრეტულ შემთხვევაში ინფიცირებულთა რაოდენობაზე მიბმული კონკრეტული სექტორების გაჩერების სამოქმედო გეგმა, რომელსაც გავყვებით და ყველას ეცოდინება, რა გველის წინ, ეს იქნება სწორი გადაწყვეტილება. ქაოსური და მყისიერი გადაწყვეტილებები ძალიან კონტრპროდუქტიულია და პირიქით, კიდევ უფრო ამძიმებს იმ სიტუაციას, რომელიც დღეს გვაქვს“,- ამბობს ვეფხვაძე.

 

საქართველოს ბიზნეს ასოციაციის აღმასრულებელი დირექტორისთვის გაუმართლებელია, შეზღუდვების დაწესებისა და საკოორდინაციო საბჭოს გადაწყვეტილებების შესახებ ინფორმაციას კერძო სექტორი მედიისგან იგებდეს და არა თავად გადაწყვეტილებების მიმღები პირებისგან.

 


„არავინ იცის, ხვალ რამდენი ინფიცირებული გვეყოლება. აქ ამის პროგნოზებზე არაა საუბარი. უბრალოდ გვჭირდება ინდიკატორები, გარკვეული რიცხვითი მაჩვენებლები. მე რომ დღეს რომელიმე საინფორმაციო გვერდს გავხსნი და წავიკითხავ, რომ 20 000-დან არის 2 000 ინფიცირებული, უნდა ვიცოდე ეს ნიშნავს თუ არა იმას, რომ ხვალ მე დამხურავენ. ასეთი ტიპის სამოქმედო გეგმაზეა საუბარი, კრიტიკულ სიტუაციებში რას, როგორ, რამდენი ხნით და რის საფუძველზე ვაჩერებთ. ეს ყველაფერი უნდა იყოს გაწერილი და ბიზნესისთვის წარმოდგენილი. არ შეიძლება, ბიზნესი იჯდეს და მედიისგან იგებდეს იმას, რა გადაწყვიტა საკოორდინაციო საბჭომ მეორე დღისთვის“,- განმარტავს ლევან ვეფხვაძე.

 

მისივე თქმით, ინფორმირებულობა ბიზნესს მეტი მოქნილობის საშუალებას მისცემს, რაც შემდგომში ნაკლები ზიანის მიყენების წინაპირობა იქნება.

 

„როდესაც კონკრეტული ინდიკატორებია, რომ ამა და ამ მაჩვენებლებზე ჩვენ ვჩერდებით, პირველ რიგში, ყველა უფრო ფხიზლად ვართ, რადგან ვხედავთ, რომ თუ ეს აიწევს, შეიძლება კონკრეტული კომპანიებისთვის, სადაც ადამიანები არიან დასაქმებულები, ეს იყოს საკონტროლო გასროლა და საერთოდ გაჩერდეს და გაქრეს ამ ბიზნეს სუბიექტების საქმიანობა.

 

მეორე, თუ ადამიანი ხედავს, რომ მაღალი რისკის ბიზნესშია, შეიძლება გადაეწყოს, ან მოემზადოს. ყველაზე მთავარი, რაც ბიზნესს აწუხებს, ეს გაურკვევლობაა“,- აცხადებს ვეფხვაძე.

 

წყარო: ბიზნესპარტნიორი





საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია

საქართველოს ნავთობისა და გაზის კორპორაციის დელეგაცია არაბეთის გაერთიანებული საემიროების ეროვნულ ნავთობ-კომპანიას საქმიანი ვიზიტით ეწვია
access_time2021-09-27 10:55:09
საქართველოს ნავთობისა და გაზის კორპორაციის დელეგაცია, კორპორაციის დირექტორის, გიორგი ბახტაძის ხელმძღვანელობით, არაბეთის გაერთიანებული საემიროების ეროვნული ნავთობ-კომპანიის (ENOC) სათაო ოფისს, ქალაქ დუბაიში, საქმიანი ვიზიტით ეწვია. ვიზიტი, რომელიც ENOC-ს ოფიციალური მოწვევით შედგა, დატვირთული აღმოჩნდა. მენეჯმენტის უმაღლეს რგოლებს შორის შეხვედრებზე განხილულ იქნა არაბეთის ეროვნულ ნავთობკომპანიასა და კორპორაციას შორის პარტნიორული და საქმიანი თანამშრობლობის...

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!
access_time2021-09-27 09:55:29
სამსუნგის უახლესი, დასაკეც ეკრანიანი სმარტფონების Galaxy Z Fold3-ისა და Galaxy Z Flip3-ის გაყიდვები უკვე დაიწყო.  სმარტფონების შეძენა შესაძლებელია სამსუნგის ყველა ოფიციალური პარტნიორის მაღაზიათა ქსელებსა და ონლაინ, მათი ვებ-გვერდების საშუალებით.    გაყიდვების დაწყებასთან ერთად, შეზღუდული დროითა და რაოდენობით, თქვენ საშუალება გაქვთ მიიღოთ დამატებით საჩუქრები სამსუნგისაგან: ორივე მოდელისთვის საჩუქრად გადმოგეცემათ 1 წლიანი...

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა
access_time2021-09-27 01:10:27
სოხუმის დაცემის 28 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, საქართველოს მთავრობის ადმინისტრაციის შენობაზე სახელმწიფო დროშა დაეშვა. ინფორმაციას მთავრობის ადმინისტრაციის პრესსამსახური ავრცელებს. „სახელმწიფო დროშა დაეშვა საქართველოს მთელს ტერიტორიაზე ყველა ადმინისტრაციულ შენობაზე“ – ნათქვამია ინფორმაციაში. 

ყველაზე მდიდარი და ღარიბი თვითმმართველობები საქართველოში

ყველაზე მდიდარი და ღარიბი თვითმმართველობები საქართველოში
access_time2021-09-26 16:00:14
...

როგორ შეიძლება შავი ზღვის რესურსების გამოყენება

როგორ შეიძლება შავი ზღვის რესურსების გამოყენება
access_time2021-09-26 14:00:36
...


მსგავსი სიახლეები

up