ლევან სურგულაძე: უახლოეს 2 წელიწადში მილიარდ ნახევარი ლარი, ხოლო 6 წელიწადში 5 მილიარდ ლარამდე საპენსიო დანაზოგი გვექნება

ლევან სურგულაძე: უახლოეს 2 წელიწადში მილიარდ ნახევარი ლარი, ხოლო 6 წელიწადში 5 მილიარდ ლარამდე საპენსიო დანაზოგი გვექნება

access_time2019-01-25 13:30:46


"საპენსიო სააგენტომ 3 იანვრიდან იმ ნეგატივის ფონზე  დაიწყო მუშაობა, რაც საზოგადოებაში არსებობდა. თუმცა სასიამოვნო სიურპრიზი იყო  დილის 9 საათიდან დაფიქსირებული დიდი აქტივობა. ჩვენი ცხელი ხაზი გადატვირთული იყო ზარებით, მოსახლეობას აინტერესებდა არა ის, თუ როგორ გამოსულიყვნენ სქემიდან, არამედ როგორ ჩართულიყვნენ მასში,“- განაცხადა საპენსიო სააგენტოს დირექტორმა ლევან სურგულაძემ, გადაცემაში „ჩემი აუდიტორი“. 


გადაცემის წამყვანის, „გრანთ თორნთონის“ ბიზნეს პროცესების აუთსორსინგის განყოფილების ხელმძღვანელის პაატა შურღაიას კითხვებს ლევან სურგულაძე და საფონდო ბირჟის გენერალური დირექტორი,  გიორგი ფარესიშვილი პასუხობდნენ.


"დაგროვებითი პენსია ეს არის ისტორიული რეფორმა საქართველოსთვის. მას აქვს ორი მნიშვნელოვანი  მიზანი და მოიტანს ორ მნიშვნელოვან ბენეფიტს. პირველი არის ის, რომ მან უნდა უზრუნველყოს ჩვენი მოსახლეობის ფინანსური კეთილდღეობა და ღირსეული სიბერე საპენსიო ასაკში. მეორეც, პირველად ჩვენი ქვეყნის ისტორიაში შეიქმნა მასშტაბური კაპიტალის ბაზარი, რომელიც ხელს შეუწყობს კაპიტალის ბაზრის განვითარებას. უახლოეს 2 წელიწადში მილიარდ ნახევარ ლარს, ხოლო 6 წელიწადში 5 მილიარდ ლარამდე საპენსიო დანაზოგი გვექნება. დანაზოგი როგორც აღვნიშნე ხელს შეუწყობს კაპიტალის ბაზრის განვითარებას, ეკონომიკის ზრდის დაჩქარებას, ხელფასების ზრდას და იმ სოციალური შემწეობის ზრდას, რაც არაადეკვატურად დაბალია დღესდღეობით. შესაბამისად, რეფორმა მიმართულია იმისკენ, რომ ადამიანებმა დამატებით სოციალურ შემწეობასთან ერთად დამსახურებული პენსია მიიღონ. ეს პენსია იქნება მათი შრომის და დამსახურების ადეკვატური.


"საპენსიო სააგენტომ 3 იანვრიდან იმ ნეგატივის ფონზე  დაიწყო მუშაობა, რაც საზოგადოებაში არსებობდა. თუმცა სასიამოვნო სიურპრიზი იყო  დილის 9 საათიდან დაფიქსირებული დიდი აქტივობა. ძალიან სწრაფად დაიწყეს კომპანიებმაც გაწევრიანება. ჩვენს ელექტრონულ სისტემაში დღეისთვის გაწევრიანებულია 20 ათასამდე კერძო კომპანია. გადავწყვიტეთ, რომ  ვისაც სურვილი  და დამატებითი კითხვები აქვს 25-კაციანი ჯგუფები შევქმნათ  და ტრენინგები ჩავუტაროთ. ყოველდღიურად დღეში რამდენჯერმე ჩატარდება ეს ტრენინგები და მსურველებს გავუწევთ უფასო კონსულტაციას და ვასწავლით სისტემის გამოყენებას.


ჩვენი სქემა სხვა ქვეყნების საპენსიო ფონდებისგან იმით განსხვავდება, რომ თითოეული ადამიანი თვითონ აგროვებს ამ ფულს, სხვა ქვეყნებში 8-10%-იანი შენატანებია, ჩვენთან მხოლოდ 2%-ია. მე ვერ ვიპოვე სხვა ქვეყანა, სადაც სახელმწიფო მონაწილეობს დანაზოგის გაკეთებაში დამსაქმებელთან და დასაქმებულთან ერთად. ჩვენი სქემა ვფიქრობ, ოპტიმალურია და აქვს სოლიდარული კომპონენტი.



ამასთანავე, კანონით განსაზღვრულია, რომ საპენსიო დანაზოგების ინვესტირება ვერ მოხდება პროექტებში,  მხოლოდ ფასიან ქაღალდებში შეიძლება მოხდეს მისი ინვესტირება. სააგენტოში გამიჯნულია ადმინისტრაციული ხარჯები, ასევე გამიჯნულია საინვესტიციო საბჭო და მოიაზრება რისკის კონტროლის დამოუკიდებელი სტრუქტურა, რომელიც ტრანზაქციების დონეზე გააკონტროლებს საინვესტიციო პროცესს,"- განმარტავს ლევან სურგულაძე.


საპენსიო რეფორმა თანხის დაზოგვისა და ინვესტირების საუკეთესო საშუალება რომ არის, ამ მოსაზრებას გიორგი ფარესიშვილიც იზიარებს.


"თუ მაგალითად, თქვენ გაქვთ ხელფასი 1000 ლარი დარიცხული ხელზე ასაღები, ხელფასიდან გადაიხდით საპენსიო ფონდში 16 ლარს, მაგრამ საპენსიო ანგარიშზე რამდენიმე ხანში 60 ლარი ჩაგერიცხებათ. შესაბამისად, ხდება თქვენ მიერ ინვესტირებული თანხის გასამმაგდება. მე არ მახსენდება არსად მსოფლიოში მსგავსი პრეცედენტი.


მსმენია ამბობენ, რომ არის საშიშროება - სახელმწიფომ ეს ფული გაფლანგოს. ეს შეუძლებელია პრაქტიკულად. სახელმწიფოს არ აქვს კანონით ამ ფულის მართვის უფლება.


როცა რისკებზე ვსაუბრობთ, ვიცით რომ ნებისმიერი ინვესტიცია გარკვეული რისკის მატარებელია. ვერც ვნახავთ ურისკო ინვესტიციას. მსოფლიოში ყველა ქვეყანა, სადაც არსებობს გამართული საპენსიო რეფორმა, ამ რისკებით ცხოვრობს. ეს არის გრძელვადიანი ფული და შესაბამისად, არ უნდა გვეშინოდეს ბაზარზე არსებული მოკლევადიანი მერყეობების.


შეიძლება ჩანდეს, რომ ბიზნესისთვის ეს წნეხია და ხარჯები ეზრდებათ, საუბარია სახელფასო ფონდის ზრდაზე, თუმცა ამ გაცემული 2%-ით კომპანია უკან ღებულობს არაპირდაპირ ბენეფიტებს. ეს ფული, რომელიც მიემართება საპენსიო ფონდში ძალიან მალე კაპიტალის ბაზარში შემობრუნდება. რაც გამოიწვევს საპროცენტო განაკვეთის შემცირებას სესხებზე, რომლებითაც თავად ეს კომპანიები სარგებლობენ. მნიშვნელოვანია იმის ხაზგასმაც, რომ ეს ხელს შეუწყობს ბიზნესში დასაქმებულთა ლოიალობის ამაღლებას," - ამბობს გიორგი ფარესიშვილი.



ნათია კეკენაძე





ბაიდენის პირველი სანქციები რუსეთის წინააღმდეგ

ბაიდენის პირველი სანქციები რუსეთის წინააღმდეგ
access_time2021-03-03 20:15:55
        აშშ-ს ახალმა პრეზიდენტმა რუსეთს ალექსეი ნავალნის მოწამლვის და დაპატიმრების გამო სანქციები დაუწესა.გადაწყვეტილების საფუძველი ამერიკის დაზვერვის სამსახურების დასკვნა გახდა, რომლის თანახმადაც მაღალი ალბათობით შეიძლება ითქვას, რომ 2020 წლის აგვისტოში რუსეთის სპეცსამსახურებმა ნავალნის წინაამღდეგ უკვე საყოველთაოდ ცნობილი მომწამლველი ნივთიერება „ნოვიჩოკი“ გამოიყენეს. პირველ რიგში პერსონალური სანქციები 7 რუსი მაღალჩინოსნის -...

“არემჯის“ და საქართველოს ტექნიკურ უნივერსიტეტს შორის- წარმატებული თანამშრომლობა გრძელდება

“არემჯის“ და საქართველოს  ტექნიკურ უნივერსიტეტს  შორის- წარმატებული თანამშრომლობა გრძელდება
access_time2021-03-03 18:00:37
კომპანია „არემჯის“  აღმასრულებელმა დირექტორმა თორნიკე ლიპარტიამ, საქართველოს ტექნიკური უნივერსიტეტის ახლადარჩეულ რექტორ  დავით გურგენიძესთან გაცნობითი სახის  შეხვედრა გამართა. მხარეებმა 3 წლიანი თანამშრომლობის შედეგები განიხილეს და სამომავლო გეგმებზე ისაუბრეს, რომელიც კომპანიის მხრიდან სტუდენტებისთვის სხვადასხვა პროგრამების შეთავაზებას და საქართველოს ტექნიკური უნივერსიტეტის მხარდაჭერას ითვალისწინებს. 2017 წელს „არემჯისა“ და...

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება

WIZZAIR ფრენების აღდგენაზე: უპასუხისმგებლობა იქნება რომელიმე კონკრეტული მიმართულების დასახელება
access_time2021-03-03 19:00:25
ჯერჯერობით უცნობია, რა მიმართულებებით აღადგენს ფრენებს ქუთაისის საერთაშორისო აეროპორტიდან WizzAir-ი. როგორც „ბიზნესპარტნიორთან“ დაბალბიუჯეტური ავიაკომპანიის კორპორაციული კომუნიკაციების ხელმძღვანელი, ანდრაშ რადო განმარტავს, ეს ფრენების განახლების შემდეგ ბაზარზე არსებულ ვითარებაზე იქნება დამოკიდებული.     „უპასუხისმგებლობა იქნება ახლა რომელიმე კონკრეტული მიმართულება რომ დავასახელო. ვნახოთ, როდის აღვადგენთ ფრენებს და რა შეზღუდვები იქნება ამა თუ იმ ქვეყანაში ამ...

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა

Mastercard-ისა და Carrefour-ის, სოციალური კამპანია დასრულდა - SOS ბავშვთა სოფლის 100 ბენეფიციარს საჩუქრები უკვე გადაეცა
access_time2021-03-03 15:00:33
      გასულ თვეში, Mastercard-მა და Carrefour-მა ახალ სოციალური კამპანია წამოიწყეს, რომელიც, COVID-19-ის კიდევ ერთ გამოწვევასთან, ონლაინ სწავლებასთან გამკლავებას გულისხმობდა, ხოლო, მეორე მხრივ, უკონტაქტო გადახდის პოპულარიზაციის გზით, ვირუსის გავრცელების რისკების შემცირებას ისახავდა მიზნად. შეგახსენებთ, რომ გასული წლის მარტიდან მოყოლებული, თითქმის ერთი წლის განმავლობაში, სკოლები და უნივერსიტეტები ონლაინ სწავლების მეთოდით სარგებლობდნენ. სიტუაცია...

სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

   სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად
access_time2021-03-03 13:00:06
ტურიზმის სექტორში მომუშავე კომპანიებმა, მათ შორისაა სტუმროების ქსელი „ინნ ჯგუფი“, ტურ კომპანია კლარკ რობინსონი, სასტუმროების ფედერაცია, „კა მენეჯმენტ გრუპი“, ტურ. კომპანია „კამერტონ თრეველი“, ტურ. კომპანია „იბერია ტურს პლიუსი“ და რამდენიმე სხვა,  ტურიზმის დარგის სწრაფი აღდგენისთვის საჭირო...


მსგავსი სიახლეები

up