ლევან სურგულაძე: „დღეს ეკონომიკის მასტიმულირებელი იაფი ფულის ინექციაა, რაც აშშ-მ გააკეთა, ჩვენთან კი პირიქით მოხდა“

ლევან სურგულაძე: „დღეს ეკონომიკის მასტიმულირებელი იაფი ფულის ინექციაა, რაც აშშ-მ გააკეთა, ჩვენთან კი პირიქით მოხდა“

access_time2020-03-24 17:30:11

საქართველოს ეროვნული ბანკის მონეტარული პოლიტიკის კომიტეტმა 2020 წლის 18 მარტის სხდომაზე რეფინანსირების განაკვეთის უცვლელად დატოვების გადაწყვეტილება მიიღო. მონეტარული პოლიტიკის განაკვეთი 9.0 პროცენტს შეადგენს. კორონავირუსის პანდემიის და არსებული მაღალი გაურკვევლობის ფონზე, კომიტეტმა ამ ეტაპზე მიზანშეწონილად მიიჩნია საპროცენტო განაკვეთის უცვლელად დატოვება და გამკაცრებული მონეტარული პოლიტიკის შენარჩუნება.


საქართველოს პარალელურად აშშ-ს ცენტრალურმა ბანკმა რიგგარეშე სხდომაზე მონეტარულ პოლიტიკის განაკვეთი თითქმის ნულამდე - 0- 0,25%-მდე შეამცირა. სარეზერვო სისტემის ნაბიჯები ახალი კორონავირუსის გავრცელებით გამოწვეული ეკონომიკური ზიანის შემცირებას ისახავს მიზნად, რაც მანამდე შენარჩუნდება, სანამ ორგანიზაციაში არ დარწმუნდებიან, რომ ეკონომიკა გაუმკლავდა ბოლო მოვლენების უარყოფით გავლენას და იარსებებს სრული დასაქმებისა და ფასების სტაბილურობის წინაპირობა.


რეფინანსირების განაკვეთის ცვლილებასთან დაკავშირებით განსხვავებული მოსაზრებები აქვთ ექსპერტებს.კაპიტალის ბაზრის ექსპერტი ვახტანგ ხომიზურაშვილი მიიჩნევს, რომ თუ საქართველოშიც მოხდებოდა რეფინანსირების განაკვეთის შემცირება, გამოთავისუფლებული ფულით მხოლოდ დოლარის შესყიდვა მოხერხდებოდა, რაც დიდი ალბათობით ლარის მდგომარეობას უფრო გააუარესებდა, ამიტომ მისი 9%-იან ნიშნულზე დატოვება კარგი გადაწყვეტილებაა.


„ეროვნულმა ბანკმა საპროცენტო განაკვეთი რომ შეამციროს, ამ შემთხვევაში ბანკების მხრიდან უფრო მეტი მოთხოვნა იქნება, მაგრამ ეს ფული რეალურად ეკონომიკაში ვერ წავა. მაშინ როდესაც ბიზნესი არ ვითარდება და ეკონომიკის ეს რეალური სექტორი კრიზისულ მდგომარეობაშია, პრაქტიკულად სესხების პორტფელს ბანკები ვერ გაზრდიან, რადგან სესხებზე მოთხოვნა არ იქნება, სამომხმარებლო დაკრედიტებაც საკმაოდ ჩავარდნილია, მას შემდეგ რაც სებ-მა  რეგულაციები გაამკაცრა. ეს გამოთავისუფლებული ფული კი შეიძლება მხოლოდ სავალუტო ბაზარზე მიიმართოს და დოლარის შესყიდვა მოხდეს, რაც დიდი ალბათობით ლარის მდგომარეობას უფრო გააუარესებს. ვთვლი, რომ ამ შემთხვევაში ეს სებ-ის კარგი გადაწყვეტილებაა, რადგან ის რამაც შესაძლოა აშშ-ში კარგად იმუშაოს, ამ შემთხვევაში საპროცენტო განაკვეთების შემცირებას ვგულისხმობ, ჩვენთან უკუეფექტს გამოიწვევს. რეფინანსირების განაკვეთის დატოვება 9%-ზე მაინც კარგი გადაწყვეტილებაა, რადგან მისი მცირედი ცვლილება დიდ შედეგს ვერ მოგვცემდა“, - განმარტავს ვახტანგ ხომიზურაშვილი.


განსხვავებული მოსაზრება აქვს საპენსიო სააგენტოს ყოფილ დირექტორს ლევან სურგულაძეს, რომელიც „კომერსანტთან“ საუბარში აღნიშნავს, რომ ამერიკის მსგავსად საქართველოშიც უნდა მომხარიყო რეფინანსირების განაკვეთის მკვეთრი შემცირება.


„ამ პირობებში, როდესაც ეკონომიკური რეცესიის ანუ შენელების დიდი საფრთხე არსებობს, ეს უნდა იყოს განმსაზღვრელი ფაქტორი და არა ვთქვათ გაცვლით კურსზე ორიენტირება. შესაბამისად, ამ დროს ფულს აიაფებენ, კი არ აძვირებენ. მაგალითად მოვიყვან ამერიკას, სადაც პრაქტიკულად ნოლზე დაიყვანეს საპროცენტო განაკვეთების ნიშნული და ჩვენს ეროვნულ ბანკსაც დიდი ნაბიჯებით უნდა დაეწყო ამის გაკეთება. საქართველოს ეროვნული ბანკის მიერ შემოთავაზებული მონეტარული პოლიტიკის განაკვეთი არის გაძვირებული ფული, რომელიც საკმაოდ მაღალპროცენტიანია. როდესაც ეკონომიკას ასე უჭირს სხვადასხვა გარემოებების გამო, ამ დროს მისთვის მასტიმულირებელი იაფი ფულის ინექციაა, შესაბამისად სებ-მა უნდა დაწიოს განაკვეთი რაც შეიძლება სწრაფად და რაც შეიძლება დიდი ნახტომებით, რაც ქვეყანაში შესაბამისად უფრო იაფი ფულის გარემოს შექმნის“,- განმარტავს ლევანს სურგულაძე.


შეგახსენებთ, რომ მონეტარული პოლიტიკის კომიტეტის შემდეგი სხდომა 2020 წლის 29 აპრილს ჩატარდება. თუმცა, იქიდან გამომდინარე, რომ ვითარება საკმაოდ სწრაფად იცვლება, საჭიროების შემთხვევაში, კომიტეტი რიგგარეშე სხდომის ჩატარების შესაძლებლობასაც განიხილავს.


ნინო თამაზაშვილი






ტანსაცმლის მაღაზიებში გასახდელი ოთახები უქმდება

ტანსაცმლის მაღაზიებში გასახდელი ოთახები უქმდება
access_time2020-05-26 16:00:59
„რითეილ გრუპ ჯორჯიაში“ შემავალ ტანსაცმლის მაღაზიებში გასახდელი ოთახები უქმდება. ამის შესახებ კომპანიის დირექტორმა რეზო მაღალაშვილმა „ბიზნესპრესნიუსთან“ საუბრისას განაცხადა. მისი თქმით, იქიდან გამომდინარე, რომ ტანსაცმელი ინფექციის გადატანის მაღალ რისკად მიიჩნევა, პრევენციისთვის, კომპანიამ გარკვეული ზომების დამატება გადაწყვიტა. როგორც რეზო მაღალაშვილი ამბობს, ამის პარალელურად გაიზრდება პროდუქციის მიბრუნება-გადაცვლის პროცედურები. უკან მიბრუნებული ტანსაცმელი კი, დარბაზის...

სასტუმრო „რადისონ ბლუ ივერია“ სტუმრებს 8 ივნისიდან მიიღებს

სასტუმრო „რადისონ ბლუ ივერია“  სტუმრებს  8 ივნისიდან მიიღებს
access_time2020-05-26 17:15:05
სასტუმრო “რადისონ ბლუ ივერია” 8 ივნისიდან სტუმრებთან შესახვედრად ემზადება.სასტუმროს გუნდი მოხარულია კვლავ უმასპინძლოს სტუმრებს და აცხადებს, რომ პირველ ეტაპზე – 8 ივნისიდან გაიხსნება სასტუმროს გარე სივრცეები: “ივერია ტერასა” და “ივერია კაფე”. მეორე ეტაპზე -15 ივნისიდან სასტუმრო სრული დატვირთვით ამუშავდება, გაიხსნება ღია და დახურული აუზები.მესამე ეტაპზე – 22 ივნისს გაიხსნება იტალიური და აზიური რესტორნები – “ფილინი” და “უმამი” რადისონის ჯგუფისთვის...

„საქართველოს ხელისუფლებამ „გაზპრომთან“ მჭიდრო და კორუფციული ურთიერთობები დაამყარა“ -"ნაცმოძრაობას” გიორგი გახარიასთან კითხვები აქვს

„საქართველოს ხელისუფლებამ  „გაზპრომთან“  მჭიდრო და კორუფციული ურთიერთობები დაამყარა“ -
access_time2020-05-26 15:00:12
ფრაქცია "ნაციონალური მოძრაობის" თავმჯდომარის რომან გოცირიძის განცხადებით,როდესაც პრემიერ-მინისტრი გიორგი გახარია პარლამენტში კითხვებზე საპასუხოდ მივა, "ნაციონალური მოძრაობა” აპირებს „გაზპრომთან“ დაკავშირებით დაუსვას კითხვა. "რა თქმა უნდა, ჩვენ დავუდებთ პრემიერს გათვლებს, ამ სამი წლის განმავლობაში, როდესაც კონტრაქტი შეცვალა საქართველოს მთავრობამ რუსეთთან, რა რაოდენობის ზარალი განიცადა ქვეყანამ, რატომ აზარალეს ქართული სახელმწიფო, რატომ არაფერს ვიღებთ ჩვენ გაზის...

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას

„ველი თქვენთან თანამშრომლობას ეკონომიკის დივერსიფიკაციაში“-დონალდ ტრამპის წერილი გახარიას
access_time2020-05-26 12:00:56
ამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის. აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება. „ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ...

როგორც შეძლებს მომხმარებელი ელექტროენერგიის ღირებულების შემცირებას

როგორც შეძლებს მომხმარებელი ელექტროენერგიის ღირებულების შემცირებას
access_time2020-05-26 18:30:36
საათობრივი ვაჭრობის ამოქმედების შემდეგ, მივიღებთ აქტიურ მომხმარებელს, რომელსაც მის მიერ მოხმარებული ელექტროენერგიის ღირებულების შემცირება შეეძლება – ამის შესახებ საქართველოს ენერგეტიკული ბირჟის ხელმძღვანელმა ირინა მილორავამ გადაცემა “ბიზნესპარტნიორის ოთხეულში” განახადა. როგორც მილორავამ განმარატა, ახალი ბაზრის წესებით, საათობრივი ვაჭრობა ინერგება საბითუმო დონეზე და შემდეგ გავრცელდება...


მსგავსი სიახლეები

up