ლევან სილაგავა: აპრილიდან ფქვილზე სუბსიდირების საჭიროება აღარ იქნება

ლევან სილაგავა: აპრილიდან ფქვილზე სუბსიდირების საჭიროება აღარ იქნება

access_time2021-01-29 16:10:45

მსოფლიო ბაზარზე დაბალმოსავლიანობის გამო ხორბლის ფასი სექტემბრიდან დღემდე 30%-ზე მეტით გაიზარდა. საქართველოში 1 ტონა იმპორტირებული ხორბლის ღირებულებამ გადასახადებისა და ტრანსპორტირების ჩათვლით $300-ს მიაღწია. პურზე ფასის შენარჩუნების მიზნით მთავრობამ სუბსიდირების გადაწყვეტილება მიიღო, რომელიც აპრილამდე გაგრძელდება. საქართველოს ხორბლისა და ფქვილის მწარმოებელთა ასოციაციის აღმასრულებელმა დირექტორმა ლევან სილაგავამ Commersant-ს განუცხადა, რომ აპრილიდან სუბსიდირების საჭიროება მოიხსნება.


ლევან სილაგავას განცხადებით რუსეთი მთავარ იმპორტიორად ტერიტორიული სიახლოვისა და ფასის გამო რჩება. მისი თქმით ყველა ხარჯის გათვალისწინებით რუსული ხორბლის იმპორტის სხვა ქვეყნებთან შედარებით უფრო იაფია.


როგორც ხორბლისა და ფქვილის მწარმოებელთა ასოციაციის დირექტორმა Commersant-თან საუბარში აღნიშნა საქართველოში ხორბალზე წლიური მოთხოვნა 600-700 ათას ტონას შეადგენს და ადგილობრივი წარმოება მის მხოლოდ 10% თუ აკმაყოფილებს.



სუბსიდირების პროგრამა 1-ლი დეკემბრიდან ამოქმედდა და მისი ბიუჯეტი 10 მლნ ლარს შეადგენს. პროგრამა პირველი ხარისხის 50 კგ-იან ტომარა ფქვილზე 15 ლარიან სუბსიდირებას ითვალისწინებს. ლიმიტი თვეში 10 000 ტონაა. ბენეფიციარი ვალდებულია, რომ ფქვილი მასიმუმ 53 ლარად გაყიდოს, წინააღმდეგ შემთხვევაში მას სუბსიდირებული თანხის უკან დაბრუნება და პირგასამტეხლოს გადახდა დაეკისრება.


ლევან სილაგავას თქმით სუბსიდირების გარეშე ტომარა ფქვილის ღირებულება 68 ლარს მიაღწევდა რაც აუცილებლად იმოქმედებდა პურის ფასზეც. მისივე განცხადებით აპრილიდან ახალი მოსავლის მიღების მოახლოებასთან ერთად მოსალოდნელია ფასების კლება, რამაც წესით სუბსიდირების საჭიროება უნდა გააქროს.


გიორგი ელიზბარაშვილი




"ჯერჯერობით კონსესუსს ვერ მივაღწიეთ" - ლუდის ინდუსტრია ხელისუფლებისგან შეღავათებს ითხოვს

access_time2021-05-14 15:00:48
ლუდის სექტორსა და სახელმწიფოს შორის რიგ საკითხებზე შეთანხმების მიღწევა ამ დრომდე ვერ ხერხდება. კორონავირუსის პანდემიის პირობებში ინდუსტრია მთავრობისგან დახმარებას ითხოვდა, თუმცა უშედეგოდ. სექტორის მხრიდან წაყენებულ მოთხოვნებს შორის აქციზის გადახედვა და დღგ-ს გადავადება პრიორიტეტულ საკითხებად სახელდებოდა.   როგორც კომპანია „ზედაზენის“ დირექტორი, კახაბერ კოტრიკაძე აცხადებს, სექტორს მძიმე ტვირთად დააწვა ახლად ამოქმედებული რეგულაციებიც.   „სახელმწიფოს...

საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...


მსგავსი სიახლეები

up