ლევან სილაგავა: ადგილობრივი მწარმოებლების აბსოლუტური უმრავლესობა ბანკებს რისკჯგუფში ჰყავთ გადაყვანილი

ლევან სილაგავა: ადგილობრივი მწარმოებლების აბსოლუტური უმრავლესობა ბანკებს რისკჯგუფში ჰყავთ გადაყვანილი

access_time2016-04-17 16:05:54

ქართულმა კომპანიებმა ახალი ბიზნესგაერთიანება “საქართველოს მწარმოებელთა ფედერაცია” შექმნეს. ფედერაციის დამფუძნებლების თქმით, დღეს თითქმის ყველა დარგს, დაახლოებით, ერთი და იგივე პრობლემა აქვს, – ეს არის ადგილობრივი მწარმოებლების დაცვა არასამართლიანი იმპორტისგან. ფედერაციის შექმნის მთავარი მიზანი არის ის, რომ სწორი კონკურენციის პირობების ჩამოყალიბებით ადგილობრივი წარმოება განვითარდეს და მოხდეს იმპორტის ჩანაცვლება. “საქართველოს მწარმოებელთა ფედერაცია” ამ ეტაპზე 50-მდე მსხვილ კომპანიას აერთიანებს, მათ შორისაა: ფქვილის, კვერცხისა და ხორცის, მინის, კაბელების, არმატურის, ფოლადისა და ცემენტის მწარმოებელი კომპანიები.


“საქართველოს მწარმოებელთა ფედერაციის” შექმნის მიზნებსა და უახლოეს გეგმებზე “ბანკები და ფინანსები” ბიზნესგაერთიანების ერთ-ერთ დამფუძნებელ ლევან სილაგავას ესაუბრა.


– რა გარემოებებმა განაპირობა მეწარმეთა ფედერაციის შექმნა, რა არის ამ ორგანიზაციის მიზანი?

 

– როდესაც არსებული ბიზნესგარემო გავაანალიზეთ აღმოჩნდა, რომ ყველა დარგს, ფაქტობრივად, ერთი და იგივე პრობლემა აქვს – ადგილობრივი მწარმოებლები და იმპორტიორები არიან არათანაბარ მდგომარეობაში. ბევრი წარმოება გამოდის ცალ-ცალკე ან ასოციაციების სახით და საუბრობს თავის პრობლემებზე, თუმცა, მათი წუხილი, ქვეყანაში კონკურენტუნარიანი გარემოს ჩამოყალიბების გამო, ხშირად ერთ სივრცეში არ ისმის. ეს პრობლემა უნდა მოგვარდეს ცივილურად, საკანონმდებლო დონეზე. დღეს ჩვენ გვაქვს კანონი კონკურენციის შესახებ, მაგრამ ეს საკმარისი არ არის. საჭიროა მივიღოთ კანონი ვაჭრობაში დაცვის ღონისძიების შესახებ. ამ კანონების საფუძველზე, შესაძლებელი იქნება ქართულ ბაზარზე კონკურენტუნარიანი გარემოს შექმნა. სწორედ არაჯანსაღი კონკურენტული გარემოა ის პრობლემა, რომელიც შემდგომ სხვა პრობლემებს წარმოშობს. სწორედ ამ პრობლემების მოგვარების მიზნით, შეიქმნა “საქართველოს მეწარმეთა ფედერაცია”, რომელიც საკმაოდ ბევრ ასოციაციასა და მწარმოებელს აერთიანებს. აქ წარმოდგენილნი არიან “ფქვილის მწარმოებელთა ასოციაცია”, “ფრინველის და კვერცხის მწარმოებელთა ასოციაცია”, “ჩაის მწარმოებელთა ასოციაცია”, “თაფლის მწარმოებელთა ასოციაცია”; ასევე “საქკაბელი”. ჩვენთან თანამშრომლობის სურვილი გამოთქვეს მინის მწარმოებლებმა და “არაალკოჰოლური სასმელების მწარმოებელთა ასოციაციამ”. ჩვენ ყველა ვერ მოვიცავით, მაგრამ ინფორმაცია ფედერაციის შექმნის შესახებ მივაწოდეთ ყველა იმ მწარმოებელს, ვისაც მსგავსი პრობლემები ჰქონდა.


– დღეისთვის საქართველოში არსებობს მსხვილ ბიზნესმენთა გაერთიანება “საქრათველოს ბიზნეს ასოციაცია”. რეალურად, ორივე ორგანიზაცია მსხვილი ბიზნესის ინტერესებს იცავს და საერთო მიზანი აქვს. რა განსხვავება იქნება ამ ორ გაერთიანებას შორის?

 

– დეკლარირებული მიზანი “ბიზნეს ასოციაციასაც” იგივე აქვს, მაგრამ აღმოჩნდა, რომ მისი წევრების უმეტესობას იმპორტიორები წარმოადგენენ. მიზეზი ისაა, რომ ქვეყანაში არსებული პროდუქტის 80% იმპორტირებულია. შესაბამისად, ეს თანაფარდობა, ასე თუ ისე, აისახა ასოციაციის წევრთა შემადგენლობაზეც. თუმცა, მე ვერ ვიტყვი, რომ ეს ორგანიზაცია არ მუშაობს. დღეს საჭიროებამ მოიტანა, რომ ცალკე ჩამოყალიბდეს ადგილობრივი მწარმოებლების ფედერაცია, რომელიც გახდება პრობლემების კონსოლიდირებულად მოგვარების გზა.



 – რას გულისხმობთ არასამართლიან იმპორტისგან დაცვაში?

 

– ხშირად შემოდის პროდუქცია, რომელსაც განზრახ შემცირებული ან მწარმოებელი ქვეყნის მიერ სუბსიდირებული ფასი აქვს. ეს ჩვენს ბაზარზე ქმნის არაჯანსაღ გარემოს. როდესაც ჩვენ შევუერთდით “მსოფლიო სასურსათო ორგანიზაციას”, ავიღეთ იმ კანონების მიღების ვალდებულება, რომლებზეც ზემოთ ვსაუბრობდი. ეს კიდევ ერთხელ შეგვახსენა ევროპამ, როდესაც გაფორმდა ასოცირების ხელშეკრულება. თავად ევროპული ეკონომიკაც ეყრდნობა დაცვის ამ მექანიზმს. ამის მაგალითია ის, რომ უკრაინისთვის მას დაწესებული აქვს გარკვეული სატარიფო კვოტები, რათა ევროპული წარმოება იყოს დაცული არასწორი იმპორტისგან. სამწუხაროდ, ჩვენს ქვეყანაში იმპორტირებული პროდუქტის დიდი ნაწილი უსამართლოდ დაბალ ფასად შემოდის განვითარებადი და პოსტსაბჭოთა ქვეყნებიდან, ეს კი ჩვენ ძალიან გვაზარალებს.


– საკანონმდებლო რეგულაციები ხომ არ გამოიწვევს იმპორტის ხელოვნურად შემცირებას, ხომ არ გახდება ეს ქართველი მწარმოებლების მხრიდან ბაზრის მონოპოლიზების მიზეზი?


– ჩვენ არ ვსაუბრობთ იმპორტის ხელოვნურად შემცირებაზე. ჩვენ ვითხოვთ ჯანსაღ კონკურენტულ გარემოს. თუკი იმპორტიორებს საქონელი განზრახ შემცირებულ ფასად შემოაქვთ ან მწარმოებელი ქვეყანა მათ გარკვეულ შეღავათებს უკეთებს პროდუქციის გასატანად, ამ დროს კი ადგილობრივ წარმოებას ეს შეღავათები არ აქვს, კონკურენცია არათანაბარია. კიდევ ერთხელ ვიმეორებ, ამ პრობლემის საკანონმდებლო რეგულაციით მოგვარება არის სრულიად ცივილური, ევროპული გამოცდილება.


– გარდა ზემოთქმულისა, კიდევ რა პრობლემები დგას დღეს ადგილობრივი ბიზნესის წინაშე?

 

– ადგილობრივ ბიზნესს სხვადასხვა პრობლემა აქვს. აქამდეც ვთქვი, რომ არაჯანსაღი კონკურენტული გარემო არის ერთ-ერთი ძირითადი პრობლემა და მოგვარება ბევრ სხვა საკითხსაც მოაწესრიგებს. მაგალითად, ეს მეტ-ნაკლებად გადაჭრის ინვესტიციების პრობლემას, რომელიც ასე სჭირდება ადგილობრივ ბიზნესს. როდესაც ინვესტორი ქვეყანაში შემოდის, ის პირველ რიგში სწავლობს გარემოს, რათა იცოდეს, რამდენად კონკურენტუნარიანი შეუძლია იყოს საწარმოს დაარსების შემთხვევაში, ან რა შესაძლებლობა ექნება ნაწარმის რეალიზაციისთვის. მაშასადამე, თუკი ქართულ ბიზნესს შევუქმნით გარემოს, სადაც ის სამართლიან კონკურენციაში იქნება ჩაბმული, ეს მოაგვარებს ინვესტიციის საკითხსაც. ამ შემთხვევაში ჩვენ შეგვეძლება თავისუფლად ვიფიქროთ იმპორტის ჩანაცვლების სტრატეგიაზეც, რაც მთავრობის მიერაცაა დაანონსებული. იმპორტის 80%-იანი მაჩვენებელი მართლაც სავალალო რიცხვია და აუცილებელიც კია მისი გარკვეულწილად ჩანაცვლება ადგილობრივი წარმოებით. ამასთანავე, საჭიროა ექსპორტის წახალისებაც. ახლა ხორციელდება პროექტი “აწარმოე საქართველოში” და ამით ბევრი ქართული კომპანიაც სარგებლობს, მაგრამ თუკი ბაზარზე არსებული სიტუაცია არ დარეგულირდა, წარმოებული პროდუქტის რეალიზება გართულდება. ასევე, ძალიან კარგი წამოწყებაა იაფი აგროკრედიტის პროგრამაც, მაგრამ ამ ყველაფერს სჭირდება საკანონმდებლო მხარდაჭერა. ადგილობრივი ბიზნესის ხელშეწყობა მნიშვნელოვანია, რამდენადაც ის ქმნის სამუშაო ადგილებს ქვეყანაში და აძლიერებს ბიუჯეტს მაშინ, როდესაც იმპორტი იმ ქვეყნის ბიუჯეტს ავსებს, საიდანაც პროდუქცია შემოაქვს. მაშასადამე, სახელმწიფომ უნდა იზრუნოს, რომ ადგილობრივ ბიზნესს ჰქონდეს კარგი კონკურენტული პირობები. აქ არ ვსაუბრობთ სასათბურე პირობებზე, საქმე ეხება სწორ, ჯანსაღ კონკურენციას.


– ხშირად ისმის, რომ დღეს, წინა ხელისუფლების მმართველობისგან განსხვავებით, ბიზნესი თავისუფალია. თქვენ, როგორც მსხვილი ბიზნესის წარმომადგენელი, რამდენად ეთანხმებით ამ აზრს?

 

– თავისუფალი, რა თქმა უნდა, არის, მაგრამ პრობლემა არის ის, რომ ადგილობრივ ბიზნესს არ აქვს ხელშეწყობა საკანონმდებლო და სწორი, სამართლიანი საბაზრო პრინციპების კუთხით. ბიზნესის წასახალისებლად ახალი  პროექტები კი იგეგმება და ხორციელდება, მაგრამ საბანკო კრედიტებზე ხელმისაწვდომობა ნაკლებია. ამის მიზეზი ისაა, რომ ბაზარზე არსებული სიტუაციის გამო ადგილობრივი მწარმოებლების აბსოლუტური უმრავლესობა ბანკებს რისკჯგუფში ჰყავთ გადაყვანილი. მე წარმოვადგენ “საქართველოს ფქვილის მწარმოებელთა ასოციაციას”, რომელშიც გაერთიანებულია თითქმის ყველა წისქვილ-კომბინატი. ამიტომ შემიძლია ვთქვა, რომ არასამართლიანი იმპორტის გამო ეს კომბინატები ნაკლებად კონკურენტუნარიანები გახდნენ, ბანკებმა ისინი რისკჯგუფს მიაკუთვნეს და კრედიტებზე უარს ეუბნებიან. ამ მიზეზით რამდენიმე კომპანიამ, მათ შორის წისქვილ-კომბინატმა “თბილისმა”, “იბერიამ” და სხვებმა მუშაობა შეწყვიტეს. ასეთივე მდგომარეობაა სხვა დარგებშიც. სწორედ ამიტომ გვინდა ჩვენი ერთიანი ხმა მივაწვდინოთ მთავრობას, მივიტანოთ მათთან სწორი მესიჯი და მივიღოთ პასუხი  იმაზე, თუ რა გავაკეთოთ ხვალ – დავრჩეთ მწარმოებლებად თუ იმპორტის სფეროში გადავიდეთ? თუმცა, მიმაჩნია, იმპორტირებაზე გადასვლა და, ზოგადად, ქვეყნის დამოკიდებულება იმპორტზე არ არის ის გზა, რომელიც ქვეყანას განვითარებაში დაეხმარება.


– პრემიერმა ბიზნესს რამდენიმე სიახლე შესთავაზა, რომელთაგანაც გამოსარჩევია ეკონომიკური დანაშაულის დეკრიმინალიზაცია და რეინვესტირებული მოგების გადასახადისგან გათავისუფლება, ე.წ. ესტონური მოდელის დანერგვა. როგორც შეაფასებდით ამ ინიციატივებს და როგორ ფიქრობთ, რამდენად გაამართლებს ესტონური საგადასახადო მოდელის საქართველოში დანერგვა?


– ორივე ინიციატივა ძალიან კარგია და ადგილობრივი მწარმოებლები ამას მივესალმებით. თუმცა, ესტონური მოდელი გულისხმობს იმას, რომ კომპანიამ ეკონომიკის განვითარებაში ჩააბრუნოს თავისი მოგების ნაწილი, მაგრამ როდესაც მწარმოებლები შეჩერებულნი არიან და მოგებაც არ აქვთ, ვერც ვერაფრის რეინვესტირებას შეძლებენ. კიდევ ერთხელ მივდივართ იქამდე, რომ თუ ადგილობრივი მწარმოებლების პრობლემებს ვერ გავითავისებთ, ესტონური მოდელი პრაქტიკულად გამოუსადეგარი გახდება.




რეგიონის ქვეყნების ვალუტებიდან მხოლოდ ლარი გაუფასურდა

რეგიონის ქვეყნების ვალუტებიდან მხოლოდ ლარი გაუფასურდა
access_time2021-06-25 18:00:54
რამდენიმე დღიანი გამყარების შემდეგ ლარმა კვირა გაუფასურებით დაასრულა. 25 ივნისის ვაჭრობის შედეგად ლარი დოლართან მიმართებაში 0.19 თეთრით 3.1489-მდე გაუფასურდა. Bloomberg-ის სავაჭრო პლატფორმაზე კი კურსი უცვლელად 3.1450-ზე ნარჩუნდება. დოლარის გარდა ლარი 0.1 თეთრით 3.7601-მდე გაუფასურდა, ფუნტთან მიმართებაში კი პირიქით 1.97 თეთრით 4.3789-მდე გაუფასურდა. რაც შეეხება მეზობელი ქვეყნების ვალუტებს, ლარი თირქულ ლირასთან 0.02 თეთრით 0.3626-მდე გამყარდა, აზერბაიჯანულ მანათთან 0.18...

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...


მსგავსი სიახლეები

up