პარლამენტის ვაკის მაჟორიტარი დეპუტატობის კანდიდატი პარტიიდან „ლელო საქართველოსთვის“ ლევან კობერიძე ქართული ოცნების ვაკის კანდიდატს კიდევ ერთხელ იწვევს დებატებში.
„გუშინ მესიზმრა: შუაგულ ვაკეში ყვითელ მაგიდასთან ვიჯექი და ვაკის სამაჟორიტარო ოლქში ხელისუფლების კანდიდატთან დებატებისთვის ვემზადებოდი. ის კი, ტრადიციულად, არსად ჩანდა.
ამ სიზმარში ყველაზე სამწუხარო ისაა, რომ ის ცოტა სურეალისტურად, თუმცა რეალობას აღწერს: ქართული ოცნების მთელმა გუნდმა, ჩემი ზემოთხსენებული ოპონენტის ჩათვლით, გადაწყვიტა ამომრჩეველს მხოლოდ ბილბორდებიდან ელაპარაკოს და არ მიიღოს მონაწილეობა არც ერთ საჯარო დებატსა თუ განხილვაში.
ევროპული, პროგრესული პოლიტიკური კულტურა, პოლიტიკოსებს გვავალდებულებს გულწრფელად და ღიად ვესაუბროთ ხალხს. ეს ჩვენი ვალდებულებაა და არა არჩევანი.
ადამიანების პოლიტიკაში ჩართვისთის აუცილებელია ყველამ იცოდეს, ვის აძლევს ხმას, რა ხედვები აქვს ამა თუ იმ კანდიდატს, რას აპირებს, რა მოსწონს და რა - არა.
ეს ფოტო კი, სიზმართან ერთად, იმის ილუსტრაციაა რომ მე, როგორც ვაკის საარჩევნო ოლქის მაჟორიტარობის კანდიდატი საარჩევნო კამპანიის ბოლო დღემდე მზად ვარ, ნებისმიერ დროს, ნებისმიერ ადგილას, საჯარო დებატებისთვის ჩემს კონკურენტთან.
ასეთია ქართული სურეალიზმი არჩევნები დებატების გარეშე“, — აღნიშნავს ლევან კობერიძე.