ლევან კალანდაძე - დღეს საზოგადოებას და ბიზნესს სჭირდება სწრაფი, ეფექტური გადაწყვეტილებები და არა საუბრები აღმასრულებელ ხელისუფლებასთან

ლევან კალანდაძე - დღეს საზოგადოებას და ბიზნესს სჭირდება სწრაფი, ეფექტური გადაწყვეტილებები და არა საუბრები აღმასრულებელ ხელისუფლებასთან

access_time2019-10-09 23:55:48

დღეს საზოგადოებას და ბიზნესს სჭირდება სწრაფი, ეფექტური გადაწყვეტილებები და არა საუბრები აღმასრულებელ ხელისუფლებასთან, – ამის შესახებ ბიზნესომბუდსმენის მოადგილემ და საქართველოს პირველი არხის გადაცემა „ბიზნესპარტნიორის“ თანაწამყვანმა, ლევან კალანდაძემ დღეს გადაცემაში განაცხადა.გადაცემაში ბიზნესგარემოს ყველაზე აქტუალური გამოწვევები და ხელისუფლებასთან კომუნიკაციის საკითხი განიხილეს, გამომდინარე იქიდან, რომ ახალი პრემიერი ბიზნესს რაც შეიძლება ღია და გულისხმიერ დიალოგს ჰპირდება.


საქართველოს პრემიერ-მინისტრმა, გიორგი გახარიამ დღეიდან ბიზნესთან სექტორული შეხვედრები დაიწყო. გასულ კვირაში კი, პრემიერმა ეკონომიკური ბლოკის მინისტრებს მოუწოდა, სხვადასხვა დარგის წარმომადგენელ ბიზნესასოციაციებს შეხვდნენ. პრემიერის დავალებით, ეკონომიკისა და მდგრადი განვითარების მინისტრი ნათია თურნავა ბიზნესსექტორის წარმომადგენლებს უკვე მიმდინარე კვირაში მიიღებს.


ბიზნესომბუდსმენის მოადგილე მიიჩნევს, რომ მიმდინარე ეტაპზე ხელისუფლებასთან კომუნიკაციის პრობლემაზე მეტად მთავრობის მიერ სწრაფი და ეფექტური გადაწყვეტილებების მიღების საკითხი დგას.


„ბუნებრივია, სასაუბრო დაგროვდა, მაგრამ ეს შეხვედრა უნდა იყოს არა საუბარი, არამედ კონკრეტული პასუხები კონკრეტულ თემებთან დაკავშირებით. დღეს, პრინციპში, მთავრობასთან კომუნიკაციის პრობლემა, როგორც შეხვედრის, დალაპარაკების, ამბის მიტანის, პრობლემის მიტანისა და გაზიარების პრობლემა არ არსებობს. მე ასე აღვიქვი პრემიერის დავალება, რომ ბიზნესთან შეხვედრაზე იყოს კონკრეტული გადაწყვეტილებები, რომელიც ბიზნესთან დაკავშირებულ პრობლემებს შეამსუბუქებს და თავად ბიზნესს გააძლიერებს“, – განაცხადა კალანდაძემ.



მისი აზრით, ბიზნესთან დღევანდელ შეხვედრაზე პრემიერმა ბიზნესისათვის ძალიან მნიშვნელოვანი და იმედისმომცემი პოლიტიკური განცხადებები გააკეთა.


„დღევანდელი შეხვედრაზე იყო ძალიან კარგი გზავნილები, რაც პრემიერისაგან მოვისმინე, რომ ბიზნესთან კომუნიკაციის გარეშე გადაწყვეტილებები მიღებული აღარ იქნება. ყველაზე მთავარი ის არის, რომ ეს იქნება წესი. ეს არის ძალიან მნიშვნელოვანი პოლიტიკური განაცხადი, იმედის მომცემიც, რომ ხელისუფლების დამოკიდებულება ზოგადად, ბიზნესისადმი სწორედ ამ პრინციპზე იქნება დაფუძნებული. ვფიქრობ, პრემიერის დღევანდელი პოლიტიკური განცხადებები ბიზნესისთვის ძალიან მნიშვნელოვანი იყო და აღმასრულებელ ხელისუფლების სხვადასხვა წარმომადგენელთან ბიზნესის შემდგომი შეხვედრებიც, ეს იქნება ეკონომიკის, ფინანსთა თუ სოფლის მეურნეობის მინისტრი, სწორედ ამ პარტნიორობის პრინციპით უნდა ჩატარდეს, კონკრეტული გადაწყვეტილებების მიღების თვალსაზრისით. თუ ხელისუფლება ბიზნესს რაღაცაზე უარს ეუბნება, ესეც პასუხია და ძალიან დიდი მნიშვნელობა აქვს, რამდენად დროულად იქნება გაცემული. ჩვენს საზოგადოებას და ბიზნესს დღეს სჭირდება უკვე გადაწყვეტილებები და არა საუბრები აღმასრულებელ ხელისუფლებასთან. ჩვენ უნდა შევცვალოთ ფორმატი და ვილაპარაკოთ არა ხელისუფლებასთან კომუნიკაციის აუცილებლობაზე, არამედ სწრაფ, დროულ და ეფექტურ გადაწყვეტილებებზე. ასევე, ამ თუ იმ თემებთან დაკავშირებით, როგორც ხელისუფლების, ისე ბიზნესის მხრიდან პასუხიმგებლობის აღებაზე“, – განაცხადა ლევან კალანდაძემ „ბიზნესპარტნიორში“.


1tv.ge





ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი
access_time2020-02-18 19:32:12
ყველაზე მეტი ქართული ღვინო კვლავ რუსეთში გაიყიდა. „კომერსანტმა“ საქართველოს სტატისტიკის ეროვნული  სამსახურიდან გამოითხოვა ინფორმაცია თუ რომელი ქვეყანა ყიდულობს ქართულ ღვინოს ყველაზე დიდი რაოდენობით. მათ მიერ მოწოდებული ინფორმაციით ირკვევა, რომ 2018 წელთან შედარებით 2019 წელს რუსეთში 4 366,2 ათასი ლიტრით მეტი ღვინის ექსპორტირება მოხდა. ჯამში 2019 წელს რუსეთში 133 251,5 აშშ დოლარის ღვინო...

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა
access_time2020-02-18 15:30:46
17 თებერვალს, „m2 დეველოპმენტმა“ ალ. ყაზბეგის #15-ში, გაყიდვების ახალი ოფისი გახსნა. ოფისის გახსნას უკავშირდება უპრეცედენტო ფასდაკლების აქციაც, რომელიც თითო ბინაზე 30 000 ლარამდე ფასდაკლებას ითვალისწინებს, ფასდაკლება გავრცელდება როგორც სტუდიოს ტიპის, ისე ორსაძინებლიან 30 ბინაზე. ოფისი თანამედროვედ მოწყობილი საქმიანი სივრცეა. აქ ბინის შეძენის, მსურველები, მიმდინარე თუ დასრულებული კომპლექსების შესახებ ამომწურავ ინფორმაციას მიიღებენ, გაეცნობიან ამა თუ იმ პროექტის ძირითად...

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ
access_time2020-02-18 17:30:29
2018 წლის აპრილის მერე, როცა ბათუმის საზღვაო ნავსადგურში თანამშრომელთა გაფიცვის შედეგად მაშინდელმა დირექტორმა თანამდებობა დატოვა, მდგომარეობა არსებითად არ შეცვლილა. ამის თაობაზე „ბანკები და ფინანსებს“ ბათუმის ნავსადგურის ერთ-ერთმა თანამშრომელმა განუცხადა, რომლის ვინაობასაც რედაქცია, გასაგები მიზეზების გამო, ამ ეტაპზე არ ასაჯაროებს. ნავსადგურის თანამშრომლის განცხადებით, თანამშრომელთა დიდ ნაწილს, განსაკუთრებით კი მათ, ვინც 2018 წლის მოვლენებისას...

პასუხი ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“

 პასუხი  ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“
access_time2020-02-18 17:10:54
ჯანდაცვის სამინისტროს მიერ ცხელის ხაზის ტარიფთან დაკავშირებით გავრცელებულ განცხადებას კომპანია „სილქნეტი“ ეხმაურება. „კომერსანტი“ განცხადებას უცვლელად გთავაზობთ:  „დილიდან გავრცელდა ჯანდაცვის სამინისტროს განმარტება, რომ ცხელ ხაზზე ტარიფს განსაზღვრავს „სილქნეტი“.განვმარტავთ, რომ ჯანდაცვის სამინისტროს ცხელ ხაზის - 1505 მიმართულებით სხვა ოპერატორების აბონენტების მიერ განხორციელებულ ზარებზე სააბონენტო ტარიფს არ განსაზღვრავს კომპანია „სილქნეტი“. ყველა სატელეფონო...

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ
access_time2020-02-18 17:00:49
დამტკიცდა ორსული, ახალნამშობიარები და მეძუძური ქალების ჯანმრთელობისთვის მავნე ან/და განსაკუთრებული რისკის შემცველი სამუშაოები.აღნიშნულს ჯანდაცვის მინისტრის შესაბამისი ბრძანება ითვალისწინებს, რომელიც ძალაში შევიდა. ბრძანების თანახმად, ორსულობის 27-ე კვირამდე მძიმედ და საშიშად ითვლება რეგულარულად ხუთ კგ-ზე მეტი წონის მქონე ტვირთის გადატანა ან ცალკეულ შემთხვევებში (არარეგულარულად), 10 კგ-ზე მეტი წონის მქონე ტვირთის გადატანა. ორსულობის 27-ე კვირიდან კი...


მსგავსი სიახლეები

up