ლევან კალანდაძე - ბიზნესომბუდსმენების ერთიანი პლატფორმა ბიზნესს უცხო ქვეყანაში ადგილობრივი ბარიერების მოხსნაში დაეხმარება

ლევან კალანდაძე - ბიზნესომბუდსმენების ერთიანი პლატფორმა ბიზნესს უცხო ქვეყანაში ადგილობრივი ბარიერების მოხსნაში დაეხმარება

access_time2019-10-12 10:25:59

ბიზნესომბუდსმენების ერთიანი პლატფორმა როგორც ქართულ, ისე უცხოურ ბიზნესს სხვა ქვეყანაში საქმიანობის დროს ადგილობრივი ბიუროკრატიული ბარიერების მოხსნაში დაეხმარება, – ამის შესახებ ბიზნეომბუდსმენის მოადგილემ და საქართველოს პირველი არხის გადაცემა „ბიზნესპარტნიორის“ თანაწამყვანმა ლევან კალანდაძემ გადაცემის მსვლელობისას განაცხადა.


გადაცემაში საერთაშორისო ბიზნესომბუდსმენების კონფერენციის მნიშვნელობა განიხილეს, რომელიც საქართველოს ბიზნესომბუდსმენის, ირაკლი ლექვინაძის ინიციატივით თბილისში ჩატარდა. კონფერენციის ფარგლებში პირველად ქვეყნის ისტორიაში საქართველოს ექვსი ქვეყნის – პოლონეთის, ალბანეთის, უკრაინის, ყაზახეთის, ყირგიზეთისა და უზბეკეთის ბიზნესომბუდსმენები ეწვივნენ.


ლევან კალანდაძის ინფორმაციით, ბიზნემომბუდსმენებმა ერთმანეთს გამოცდილება გაუზიარეს და თანამშრომლობის ერთიანი პლატფორმის შექმნაზე დაიწყეს მუშაობა, რომელიც პლატფორმის წევრი ქვეყნების ბიზნესმენებს უცხო ქვეყანაში ბიუროკრატიული ბარიერების მოხსნას გაუმარტივებს.




„ძალიან საინტერესო ღონისძიება დაიგეგმა და ჩატარდა. პირველად მოხდა, რომ სხვადასხვა ქვეყნის ბიზნესომბუდსმენები საქართველოში ჩამოვიდნენ. კერძოდ, პოლონეთის, ალბანეთის, უკრაინის, ყაზახეთის, ყირგიზეთისა და უზბეკეთის ბიზნესომბუდსმენები. ეს არის გარკვეული მცდელობა, რომ ერთი მხრივ, სხვადსხვა ქვეყნის ბიზნესომბუდსმენის ინსტიტუტებმა ერთმანეთში გამოცდილების გაზიარება მოახდინონ იმ თავისებურებების გათვალისწინებით, რასაც ერთის მხრივ ამ ქვეყნებში განსხვავებული ეკონომიკური მოწყობის მოდელები განაპირობებს და მეორე მხრივ, ის ფაქტი, რომ თავად ინსტიტუტები სხვადსხვა ფუნქციის მატარებელნი არიან. გარდა ამისა, იყო და არის მცდელობა, რომ შეიქმნას ერთობლივი პლატფორმა, იმის თაობაზე, რომ მაგალითად ქართველი მეწარმე, რომელიც სხვა ქვეყნებში საქმიანობს, იქნება ეს პოლონეთი, უკრაინა, ყაზახეთი თუ სხვა, მას იქაური ბიუროკრატიული ბარიერების გადალახვა და პრობლემების მოგვარება სწორედ იმ ქვეყნებში არსებული ბიზნესომბსუდმენების საშუალებით გაუადვილდეს. ძალიან ხშირად ხდება, რომ როცა ქართველ ბიზნესმენს უცხოეთში გარკვეული პრობლემა ექმნება, არ იცის, სად წავიდეს და ვის მიმართოს.


არის შემთხვევები, რომ კონსულს ან საელჩოს მიმართავს. რიგ შემთხვევებში, ეს კომუნიკაცია მართლაც ეფექტურია, თუმცა ძალიან ბევრი შემთხვევაა, როცა ასეთი მიმართვა კონკრეტულ შედეგს ვერ იღებს. ამ ქვეყნებში ბიზნესომბუდსმენების აპარატები სწორედაც რომ ბიზნესის სახელმწიფოსთან არსებული პრობლემების მოგვარებაზე არიან ორიენტირებული. იმის გამო, რომ ქართველ მეწარმეებს არ ჰქონდათ ინფორმაცია ან არ იცნობდნენ იქაურ სტრუქტურებს, ამ რესურსის გამოყენება პრაქტიკულად არ ხდებოდა. ისევე, როგორც უცხოელები, რომლებიც საქართველოში საქმიანობენ – უკრაინის, პოლონეთის მეწარმეები, მათაც მიეცეთ საშუალება, რომ ქართული ბიზნესომბუდსმენის აპარატთან მჭიდრო ურთიერთობა ჰქონდეთ“, – განაცხადა კალანდაძემ.


ბიზნესომბუდსმენის მოადგილის აზრით, ბიზნესომბუდსმენის აპარატის გაძლიერება, რასაც აღნიშნული კონფერენცია ემსახურებოდა, ძალიან მნიშვნელოვანია, რადგან ის საბოლოო ჯამში ქვეყნის კეთილდღეობის გაძლიერებას ისახავს მიზნად.


„ყველა ქვეყანაში ბიზნესომბუდსმენის აპარატი სხვადსხვაგვარია. მაგალითად, უკრაინაში სახელმწიფო საერთოდ არ აფინანსებს და ევროკავშირი აფინანსებს. ალბანეთში სულაც სამინისტროა შექმნილი. ანუ ყველა ქვეყანაში აქვს თავისებურებები და ამის გაზიარება საბოლოო ჯამში, ვფიქრობ საქართველოს ბიზნესომბუდსმენის აპარატის გაძლიერებას შეუწყობს ხელს. აქედან გამომდინარე, ირაკლი ლექვინაძის ინიციატივით შედგა პირველი კომუნიკაცია და ეკონომიკური თანამშრომლობისა და ურთიერთდახმარების ორგანიზაცია ამ კონტაქტების დამყარებაში, გარკვეული საორგანიზაციო თემების მოგვარებაში ძალიან დაგვეხმარა.მე დღეს კონფერენციაზე აღვნიშნე და ვიმეორებ: ბიზნესომბუდსმენის აპარატის გაძლიერება ეს არ არის თვითმიზანი. ეს არის იმის ინსტრუმენტი, რომ ქვეყანაში ბიზნესის განვითარებას შევუწყოთ ხელი. ეს საბოლოო ჯამში ქვეყანაში კეთილდღეობის, მეტი მდიდარი ადამიანის, ბიუჯეტში მეტი გადახდილი თანხის, მეტი სოციალური პოლიტიკის საფუძველია. ასე რომ, ძალიან პრაგმატული მოსაზრებები გააჩნიათ ჩვენს კოლეგებს და დონორ ორგანიზაციებს, მათ შორის საქართველოს ბიზნესომბუდსმენის აპარატს. ჩვენ ვიცით, რისთვის გვინდა, რომ ეს ინსტიტუტი საქართველოში გაძლიერდეს“, – განაცხადა კალანდაძემ „ბიზნესპარტნიორში“.


1ტვ






მასტიმულირებელი პაკეტის გარეშე ფქვილი და პური გაძვირდება - ასოციაციები მთავრობას მიმართავენ

მასტიმულირებელი პაკეტის გარეშე ფქვილი და პური გაძვირდება - ასოციაციები მთავრობას მიმართავენ
access_time2020-11-27 13:00:58
თუ არ მოხდება სახელმწიფოს მხრიდან ბაზარზე საკანონმდებლო ან მასტიმულირებელი ღონისძიებებით ჩარევა, ხორბლის აღნიშნული პარამეტრით ფქვილზე და პურზე დღევანდელი ფასის შენარჩუნება ვერ მოხერხდება - ამის შესახებ აღნიშნულია , საქართველოს ხორბლისა და ფქვილის მწარმოებელთა ასოციაციას და საქართველოს პურის მრეწველთა კავშირის მიერ ერთობლივად გავრცელებულ განცხადებაში. განცხადების მიხედვით, უკანასკნელ თვეებში ხორბლის საერთაშორისო და შესაბამისად საქართველოს ფქვილის და პურის ბაზრებზე ფიქსირდება რთული...

საქართველოს მთავრობის მიერ შემუშავებული დამატებითი შეზღუდვები ნეგატიურ ზეგავლენას იქონიებს ბიზნეს ოპერატორების საქმიანობაზე და შესაბამისად ეკონომიკაზე

საქართველოს მთავრობის მიერ შემუშავებული დამატებითი შეზღუდვები ნეგატიურ ზეგავლენას იქონიებს ბიზნეს ოპერატორების საქმიანობაზე და შესაბამისად ეკონომიკაზე
access_time2020-11-27 11:55:54
საქართველოს ბიზნეს ასოციაცია გართულებული ეპიდემიოლოგიური ვითარების შედეგად გამოწვეულ ახალ შეზღუდვებს ეხმიანება. ასოციაცია, როგორც ასობით ბიზნეს ოპერატორის ინტერესების დამცველი ყველაზე მსხვილი გაერთიანება, სამწუხარო ფაქტად მიიჩნევს იმას, რომ მნიშვნელოვანი შეზღუდვების გარეშე ვერ მოხერხდა ახალი კორონავირუსის გავრცელების შეკავება. ბუნებრივია, საქართველოს მთავრობის მიერ შემუშავებული დამატებითი შეზღუდვები ნეგატიურ ზეგავლენას იქონიებს ბიზნეს ოპერატორების საქმიანობაზე და შესაბამისად...

Black Friday - ეკოვუდში ! მხოლოდ სამი დღით 27,28,29 ნოემბერს ფასდაკლება სრულ ასორტიმენტზე 10%დან-20%მდე

Black Friday - ეკოვუდში !  მხოლოდ სამი დღით 27,28,29 ნოემბერს ფასდაკლება სრულ ასორტიმენტზე 10%დან-20%მდე
access_time2020-11-27 11:00:52
კომპანია მომხმარებელს სთავაზობს ეკოლოგიურად სუფთა ხის სარემონტო მასალებს სახლის, აგარაკის, რესტორნისა თუ სასტუმროს რემონტისთვის. კომპანია ეკოვუდი 20-ზე მეტი მსოფლიო ბრენდის ოფიციალური პარტნიორია, საქართველში წარმოადგენს ისეთ კომპანიებს როგორებიცაა: Altax (Sherwin-Williams), Weco, Bayris, Astra Trade, Bowi, Deck-Dry, Gwozdeck და სხვა. ფასდაკლებულ ასორტიმენტში თქვენ იხილავთ ხის ფასადის მასალებს, კედლის და ჭერის პანელებს, იატაკის და ტერასის მასალებს, კიბის საფეხურებს, ხის...

საქართველოში კორონავირუსის 4780 ახალი შემთხვევიდან 1863 - თბილისში, 664 - აჭარაში, 648 - იმერეთში დაფიქსირდა

საქართველოში კორონავირუსის 4780 ახალი შემთხვევიდან 1863 - თბილისში, 664 - აჭარაში, 648 - იმერეთში დაფიქსირდა
access_time2020-11-27 10:55:36
დღეის მდგომარეობით, ბოლო 24 საათის განმავლობაში გამოვლენილია ვირუსით ინფიცირების 4 780 ახალი დადასტურებული შემთხვევა,-ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით არსებულ უახლეს სტატისტიკურ მონაცემებზე ისაუბრა. „დღეის მდგომარეობით, ბოლო 24 საათის განმავლობაში გამოვლენილია...

სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება!

სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება!
access_time2020-11-27 09:55:09
27 ნოემბრიდან 30 ნოემბრის ჩათვლით, სილქნეტი მობილური ქსელის მომხმარებლებს ხუთ სააქციო პაკეტს შეთავაზებს. კომბინაციით *202# მომხმარებელი 30 დღით ჩაირთავს: 4 GB უსწრაფეს ინტერნეტს - 5 ლარად 300 ლოკალური წუთი - 5 ლარად 15 GB უსწრაფეს ინტერნეტს - 10 ლარად ულიმიტო სასაუბრო (ლოკალური) - 10 ლარად კომბინაციით *019# მომხმარებელი 30 დღით ჩაირთავს ყველაზე მოთხოვნად პირობას: ულიმიტო ინტერნეტ პაკეტს - 19...


მსგავსი სიახლეები

up