ლევან დავითაშვილი: „რთველი წარმატებით დასრულდა“

ლევან დავითაშვილი: „რთველი წარმატებით დასრულდა“

access_time2020-10-29 14:36:20

„საქართველოში, მევენახეობის კუთხით ყველა სამრეწველო რეგიონში რთველი დასრულდა“ - განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა. ინფორმაციას გარემოს დაცვისა და სოფლის მეურნეობის სამინისტრო ავრცელებს.


„რთველი დასრულებულია როგორც კახეთში, ისე შედარებით ცივი კლიმატის რეგიონებში -რაჭასა და ლეჩხუმში. დღეისათვის, ინდისტრიულად გადამუშავებულია რეკორდული რაოდენობის, 280 000 ტონამდე ყურძენი ძირითად სამრეწველო რეგიონებში, ეს არის კახეთი, რაჭა-ლეჩხუმი. ამ რაოდენობაში არ შედის ქართლისა და იმერეთის, ქვემო ქართლის მონაცემები, რომელიც, როგორც წესი, უფრო სამოყვარულოა. დღევანდელი მონაცემებით, შეგვიძლია ვთქვათ, რომ, დაახლოებით, 310 მლნ ლარი ჩვენმა მევენახე ფერმერებმა მიიღეს მათ მიერ წარმოებული ყურძნის რეალიზაციის შედეგად, რაც უპრეცედენტოდ მაღალი რიცხვია.


ამავე დროს, ძალიან მნიშვნელოვანია აღინიშნოს, რომ წლევანდელი წელი იყო არაორდინალური, გამოწვევებით სავსე, საკმაოდ რთული, არამხოლოდ ჩვენს ქვეყანაში, არამედ, მევენახეობის მწარმოებელ ფაქტობრივად ყველა ქვეყანაში.


მიმდინარე წელს, გადამუშავდა 175 000 ტონა რქაწითელი, რაც მთავარი ინდუსტრიული ჯიშია. 80 000 ტონა საფერავი, 5 000 ტონა კახური მწვანე, 3000 ტონაზე მეტი ქისი, რომელიც პოპულარული სამრეწველო ჯიში ხდება კახეთის რეგიონში. რაჭის რეგიონში, 2400 ტონა ალექსანდროული და მუჯურეთული გადამუშავდა, რაც არის ძირითადი ბაზა ცნობილი ადგილწარმოშობის დასახელების ღვინის „ხვანჭკარა” საწარმოებლად.



ჩვენთვის მნიშვნელოვანი იყო, მოსახლეობა არ დარჩენილიყო ბედის ანაბარა. არაერთხელ გვითქვამს, რომ ის სამუშაოები, რაც სახელმწიფომ გაწია იყო აუცილებელი, რომ მოსავლის დაბინავება მომხდარიყო. შედეგად, წელს, 25 000 მევენახე ფერმერმა მოახერხა ყურძნის ჩაბარება. ეს დარგი მზარდია და დინამიკა არის პოზიტიური, თუმცა ისეთ რთულ წელს, როგორიც 2020-ია, დიდი იყო სახელმწიფოს სოციალური პასუხისმგებლობის როლი. რომ არა ჩვენი არაორდინალური გადაწვეტილებები, რომელიც უკავშირდებოდა კერძო სექტორში მოთხოვნის სტიმულირებას და რაც გამოხატული იყო იაფი ფულადი რესურსების გამოყოფით კერძო ღვინის კომპანიებისთვის, ჩვენ ვერ შევძლებდით, რომ ყურძნის ძირითადი ნაწილი, 180 000 ტონაზე მეტი მოსახლეობისგან კერძო სექტორს შეესყიდა. თუმცა, კერძო სექტორი საკმარისი არ აღმოჩნდა. შესაბამისად, მობილიზებული იყო სახელმწიფო რესურსები. არ ვსაუბრობ მხოლოდ ფინანსურ რესურსებზე, აქ იყო ძალიან ბევრი რამ გაკეთებული, რომ მოსავალი ორგანიზებლად ჩაბარებულიყო. პიკის პერიოდში, დღე-ღამეში 17 000 ტონა ყურძენი მუშავდებოდა, რაც აბსოლუტური რეკორდია. იყო რიგებიც, რაც რთველის პროცესს თან ახლავს, იყო წარსულშიც და იქნება მომავალშიც. მთავარია, რომ ქვეყანაში ჩაბარების და გადამუშავების რესურსი არსებობს, რომელიც 2020 წელს უფრო გაიზარდა, რადგან, გარდა საბრუნავი საშუალებებისა, ჩვენ, პანდემიის გამო, სტიმულირება გავაკეთეთ და კერძო კომპანიებისთვის წავახალისეთ ძირითადი საშუალებების შეძენა, რომ გაზრდილიყო ტევადობები, მოცულობები და საწარმოო სიმძლავრეები.
მიუხედავად ყველა გამოწვევისა, შეგვიძლია ვთქვათ, რომ რთველი საქართველოში წარმატებით დასრულდა. საქართველო ერთ-ერთი ქვეყანაა, რომელმაც წარმატებით გაართვა თავი მევენახეობის სექტორში 2020 წელს არსებულ გამოწვევებს”, - განაცხადა ლევან დავითაშვილმა.







დაზღვევის განათლების ჰაბი – ახალი საგანმანათლებლო პლატფორმა საქართველოში

დაზღვევის განათლების ჰაბი – ახალი საგანმანათლებლო პლატფორმა საქართველოში
access_time2021-06-22 20:47:09
დაზღვევის განათლების...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-06-22 21:00:51
დღის TOP 10 საინტერესო ამბავი: 238 დღიანი ხანგრძლივობის კომენდანტის საათი 1-ლი ივლისიდან უქმდება კომენდანტის საათი 1-ლი იბლისიდან გაუქმდება. გადაწყვეტილება საკოორდინაციო საბჭომ მიიღო. საბჭოსვე გადაწყვეტილებით 22 ივნისიდან ღია სივრცეში პირბადის ტარების ვალდებულება...

ლარი თურქული ლირის გარდა ყველა სხვა მეზობელი ქვეყნისა და საერთაშორისო ვალუტასთან მიმართ გამყარდა

ლარი თურქული ლირის გარდა ყველა სხვა მეზობელი ქვეყნისა და საერთაშორისო ვალუტასთან მიმართ გამყარდა
access_time2021-06-22 18:05:44
22 ივნისის ვაჭრობის შედეგად, ლარი აშშ დოლართან მიმართებაში 0.87 თეთრი 3.1566-მდე გამყარდა 3.1566-მდე გამყარდა. Bloomberg-ის სავაჭრო პლატფორმაზე კი კურსის ცვლილებამ მხოლოდ 0.007 თეთრი შეადგინა და კურსი 3.1550-ით განისაზღვრა. ლარი თურქული ლირის გარდა ყველა სხვა საერთაშორისო და მეზობელი ქვეყნების ვალუტებთან მიმართებაშიც გამყარდა, კერძოდ: ევროსთან: 1.13 თეთრით 3.7545-მდე, ბრიტანულ ფუნტთან 1.37 თეთრით 4.3810-მდე, 100 რუსულ რუბლთან 1.81 თეთრით 4.31-40-მდე, აზერბაიჯანულ...

ურეკი ზაფხულის სეზონს ინფრასტრუქტურული სამუშაოების ფონზე ხვდება

ურეკი ზაფხულის სეზონს ინფრასტრუქტურული სამუშაოების ფონზე ხვდება
access_time2021-06-22 17:00:53
გადათხრილი გზები, მტვერი, ბუღი, ტრაქტორები, 30 ტონიანი მანქანები, ჩაბნელებული ქუჩები - ურეკში მდებარე სასტუმროების ნაწილი „ბიზნესპარტნიორთან“ აცხადებს, რომ დაბაში ჩასულ სტუმარს ეს რეალობა დახვდება. კურორტზე არ არის გასართობი დაწესებულებები, კერძო სექტორი კი ამ მიმართულებით კვლავ არ...

თემურ ჭყონიამ პურ–ფუნთუშეულის ახალ საწარმოში ჟურნალისტებს უმასპინძლა

თემურ ჭყონიამ პურ–ფუნთუშეულის ახალ საწარმოში ჟურნალისტებს უმასპინძლა
access_time2021-06-22 16:20:32
„მაკდონალდს საქართველოს“ პრეზიდენტმა თემურ ჭყონიამ მედიის წარმომადგენლებს 26 მლნ ლარის ინვესტიციით აშენებული პურ–ფუნთუშეულის თანამედროვე საწარმო „ბრედფილდი“ დაათვალიერებინა და პურის ცხობის მთელი ციკლი გააცნო. საქართველოში პირველი საერთაშორისო სტანდარტების პურ–ფუნთუშეულის საწარმო „ბრედფილდი“ ოფიციალურად მალე გაიხსნება და როგორც ადგილობრივ, ისე რეგიონულ ბაზარზე მომხმარებელს მრავალფეროვან ასორტიმენტს შესთავაზებს. „იმისათვის, რომ ხელი შევუწყოთ...


მსგავსი სიახლეები

up