ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება

access_time2020-11-27 14:45:22

საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა.


მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31 მარტამდე იმოქმედებს.


„ბოლო დღეების განმავლობაში ხშირი მსჯელობა იყო იმასთან დაკავშირებით, როგორი იქნებოდა პურზე ფასები. ძალიან ბევრი განცხადება მოვისმინეთ როგორც პურის მწარმოებელთა, ასევე პურის მწარმოებელთა კავშირის ან ხორბლის მწარმოებელთა ასოციაციის მხრიდან. საუბარი იყო იმაზე, რომ არსებობს ობიექტური გარემოებები, რომლის შესაბამისად ქვეყანაში ფქვილის ფასი ძვირდება და შესაბამისად ეს შეიძლებოდა ასახულიყო პურის ფასზე. ორმა ასოციაციამ დღეს გააკეთა განცხადება, სადაც აღნიშნეს, რომ ხელისუფლებასთან აქვთ დიალოგი და რომ გარკვეული სუბსიდირების სქემა განიხილებოდა. ჩვენ ამ ინფორმაციას ვადასტურებთ. არაერთხელ გვითქვამს, რომ პური არის განსაკუთრებული სტრატეგიული პროდუქტი. გვესმის, რომ მოსახლეობის სოციალური მდგომარეობა არის საკმაოდ რთული იმ ეკონომიკური პრობლემებიდან გამომდინარე, რასაც კორონავირუსი იწვევს გლობალურად და მათ შორის საქართველოში. ამიტომ მუდმივად ვმუშაობდით, რეგულარულად ვხვდებოდით მწარმოებლებს, რომლის შედეგადაც საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ. მინდა, სრული პასუხისმგებლობით განვაცხადო, რომ პურზე ფასი არ გაიზრდება. პროგრამა იმოქმედებს 4 თვის განმავლობაში, 31 მარტამდე. დავაკვირდებით, როგორი იქნება საერთაშორისო ბაზრებზე არსებული ვითარება, იცით რომ ხორბალი არის განსაკუთრებული საერთაშორისო ვაჭრობის საგანი და მის ფასს ბევრი ფაქტორი განაპირობებს. შესაბამისად, იმის მიხედვით, როგორი იქნება გლობალური ფასები ხორბლის ფქვილზე, ამ პერიოდის გასვლის შემდეგ, ჩვენ მივიღებთ შემდგომ გადაწყვეტილებებს. თუმცა, ჩვენ შევაფასეთ მომდევნო 3-4-თვიანი პერიოდი და სახელმწიფომ მიიღო გადაწყვეტილება, რომ ასეთი ტიპის ინტერვენცია ამ მომენტისთვის იყო საჭირო", - განაცხადა ლევან დავითაშვილმა.



მინისტრის განმარტებით, ქვეყანაში არსებობდა ხორბლის საკმარისი მარაგები, დაახლოებით 100 ათას ტონაზე მეტი მთელი შემოდგომის განმავლობაში, რაც ფასის დაბალანსების საშუალებას იძლეოდა, თუმცა სექტემბრიდან ხორბალზე ფასი შავი ზღვის აუზის ქვეყნებში საკმაოდ გაძვირდა - ზრდა დაახლოებით 200-დან 270 აშშ დოლარამდე იყო, რაც მნიშვნელოვან წინაპირობებს ქმნიდა ხორბლის ფქვილის ფასის გასაზრდელად და ეს ჯაჭვურად აისახებოდა ხორბლის ფქვილისგან დამზადებული პროდუქციის ფასზე.


„აქედან გამომდინარე, ჩვენ მაქსიმუმი გავაკეთეთ მწარმოებლებთან ერთად იმისთვის, რომ ერთის მხრივ მარაგები საკმარის ნიშნულზე გვქონოდა ქვეყანაში, არ ყოფილიყო წყვეტა ამ სტრატეგიულად მნიშვნელოვანი პროდუქტის მიწოდების კუთხით და საბოლოოდ ამ გადაწყვეტილებით ვახდენთ ისეთი ტიპის სუბსიდირებას, რომელიც ვფიქრობ, მისაღებია ორივე რგოლისთვის. იყო მუდმივი მუშაობა როგორც დიდ წისქვილებთან, რომლებიც არიან ხორბლის ფქვილის მწარმოებლები, ისე პურის მცხობელ კომპანიებთან, რადგან ეს არის მჭიდროდ დაკავშირებული მიწოდების თუ წარმოების ჯაჭვი და ორივე მხარე უნდა თანხმდებოდეს პირობებზე, რომელიც მოგვცემს საშუალებას, რომ ბაზარზე რაიმე სიურპრიზი არ იყოს და ამან მოსახლეობისთვის მდგომარეობა არ დაამძიმოს", - აღნიშნა ლევან დავითაშვილმა.


მინისტრის განმარტებით, 50-კილოგრამიანი პირველი ხარისხის ხორბლის ერთი ტომარა ფქვილის ფიქსირებული ფასი 53 ლარით განისაზღვრა და ეს არის პირობა წისქვილებისთვის.


„ამ შემთხვევაში სახელმწიფოს სუბსიდირება იქნება არაუმეტეს 10 ლარისა 50-კილოგრამიან ტომარაზე, რის შედეგადაც პროგრამაში ჩართული წისქვილები შემოგვთავაზებენ სხვადასხვა ფასს, გარკვეული კონკურენციაც იქნება, იმისთვის, რომ მაქსიმალურად ეფექტურად გამოვიყენოთ სახელმწიფო რესურსი და ეს სუბსიდირება სახელმწიფოს დაუჯდეს უფრო ნაკლები თანხა, მაგრამ შედეგი მივიღოთ იგივე - არ გაიზარდოს არც ხორბლის ფქვილის და არც პურის ფასი. დაახლოებითი ბიუჯეტი ჩვენი მხრიდან შეფასებულია თვეში 2-2,5 მილიონი ლარი, რაც მთელი პროგრამის ბიუჯეტს 10 მილიონამდე ლარით განსაზღვრავს", - განაცხადა მინისტრმა.


თეგები:
პური



დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-25 21:00:45
დღის TOP 10 საინტერესო ამბავი:   1. FITCH -მა საქართველოს, ლიბერთისა და თიბისი ბანკს “მხარდაჭერის რეიტინგი“ გაუუარესა საქართველოში რეზოლუციის ჩარჩოს ამოქმედების პასუხად, Fitch -მა სამ ქართულ სისტემურ ბანკს „მხარდაჭერის რეიტინგი“ გაუუარესა.   2. NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა,...

Forbes: პანდემიის შედეგად, განვითარებადი ქვეყნების ობლიგაციებზე მოთხოვნა გაიზარდა

Forbes: პანდემიის შედეგად, განვითარებადი ქვეყნების ობლიგაციებზე მოთხოვნა გაიზარდა
access_time2021-01-25 19:45:21
2020 წელს მსოფლიომ თანამედროვე ისტორიაში ყველაზე ღრმა და სწრაფი კრიზისი გადაიტანა. ის ეკონომიკის ან ფინანსების სფეროდან არ მოსულა - სახელმწიფოებმა საკუთარი მოქალაქეები სახლებში საკუთარი ნებით გაუშვეს.   ამის გამო მათ მოქალაქეების და ბიზნესის მხარდაჭერის უპრეცედენტო პროგრამები აამუშავეს. ცენტრალური ბანკების ეფექტურმა და კოორდინირებულმა ქმედებებმა მარტში მთელი მსოფლიო ლიკვიდურობის კრიზისისგან გადაარჩინეს, რის წყალობითაც, 2020 წლის მე-2 კვარტალში ფინანსურმა ბაზარმა ზრდა...

დეფაქტო აფხაზეთში კორონავირუსით ინფიცირებულთა რიცხვი კრიტიკულად იზრდება

დეფაქტო აფხაზეთში კორონავირუსით ინფიცირებულთა რიცხვი კრიტიკულად იზრდება
access_time2021-01-25 18:34:24
„კომერსანტი“ გთავაზობთ EKHOKAVKAZA-ს  სტატიის ქართულ ვერსიას, სადაც გამოყენებულია ოკუპირებულ რეგიონში მოქმედი ტოპონიმები და ტერმინები, რომელთაც რედაქცია არ იზიარებს. აფხაზეთში ბევრი იმედოვნებდა, რომ 2020 წელი კორონავირუსსაც თან გაიყოლებდა, თუმცა, ყველაფერი პირიქით მოხდა  - იანვარის პირველი დღეებში დაინფიცირების შემთხვევათა ნახტომისებრი ზრდა დაფიქსირდა.   დღე-ღამეში დაავადებულთა რაოდენობამ 170-ს გადააჭარბა, რაც...

2020 წელს თიბისი ბანკმა საქართველოს ბანკზე ორჯერ მეტი მოგება მიიღო

2020 წელს თიბისი ბანკმა საქართველოს ბანკზე ორჯერ მეტი მოგება მიიღო
access_time2021-01-26 10:00:40
2020 პანდემიური წელი საბანკო სექტორმა 99.2 მლნ ლარის კონსოლიდირებული მოგებით დაასრულა. აღსანიშნავია, რომ წელი მხოლოდ 7-მა მათგანმა დახურა მოგებით, რომელმაც ჯამში 206 მლნ ლარამდე შეადგინა. დანარჩენმა 8 ბანკმა კი ზარალი განიცადა, მათ შორის „ვითიბი“ ბანკმა და ერთადერთმა ქართული კაპიტალის მქონე „ქართუ“ ბანკმა.   2020 წელს ყველაზე დიდი, საბანკო სექტორის მოგების ნახევარზე მეტი „თიბისი“ ბანკმა მიიღო, რომელმაც 123 181 000 ლარი...

„ფული რომელიც ჩვენ დღეს ვისესხეთ, ხვალ ჩვენმა შვილებმა და შვილიშვილებმა უნდა დაფარონ. - კოტე გაბრიჩიძე

„ფული რომელიც ჩვენ დღეს ვისესხეთ, ხვალ ჩვენმა შვილებმა და შვილიშვილებმა უნდა დაფარონ. - კოტე გაბრიჩიძე
access_time2021-01-25 17:30:11
„ეს ჩვენი არჩეული  მთავრობაა და ჩვენ უნდა მივუთითოთ.  არავინ გაჩერდება , პროტესტი იქნება  ბოლომდე, ჩვენ გუშინაც შევუერთდით მიტინგს, რომელიც  სრულიად აპოლიტიკური  იყო და შემდეგ პოლიტიკა მიაბეს.  უბრალოდ,  სტუმარმასპინძლობის ბიზნესის ორგანზებულ აქციაზე პოლიტიკოსები მოვიდნენ. ჩვენ ყველანაირად ვეტყვით იგივე ამირან გამყრელიძეს, რომ  ჯერ ბიუჯეტის შევსებაა...


მსგავსი სიახლეები

up