ლევან ახვლედიანი - საარბიტრაჟო დავისგან თავის ასარიდებლად მთავრობა არანაირ ნაბიჯს არ დგამს

ლევან ახვლედიანი - საარბიტრაჟო დავისგან თავის ასარიდებლად მთავრობა არანაირ ნაბიჯს არ დგამს

access_time2020-02-13 20:10:02

ანაკლიის ღრმაწყლოვანი პორტის პროექტთან დაკავშირებით საქართველოს მთავრობასთან მოლაპარაკებების დამატებითი მცდელობა გვექნება, მაგრამ ორი თვის გასვლის შემდეგ, სავარაუდოდ, მოგვიწევს საარბიტრაჟო სასამართლო დავაში შესვლა, – ამის შესახებ „ანაკლიის განვითარების კონსორციუმის“ ხელმძღვანელმა, ლევან ახვლედიანმა განაცხადა.



მისი თქმით, მთავრობა არანაირ ნაბიჯს არ დგამს საარბიტრაჟო დავისგან თავის ასარიდებლად.



„სხვადასხვა მხარეების, მათ შორის ჩვენი პარტნიორების დეზინფორმირების მცდელობები იყო, რომ ჩვენ არ ვემზადებით და არ ვაპირებთ სასამართლო დავას. მინდა, ვთქვა, რომ სამწუხაროდ, მთავრობა არ დგამს არანაირ ნაბიჯს, საარბიტრაჟო დავას თავი აარიდოს. რა თქმა უნდა, ჩვენი მხრიდან მოლაპარაკების დამატებითი მცდელობები იქნება, მაგრამ ორი თვის გასვლის შემდეგ, ალბათ ჩვენ მოგვიწევს სასამართლო დავაში შესვლა. ეს არის კომერციული საარბიტრაჟო დავა, სადაც ძირითადად ფინანსური მოთხოვნების დაყენება ხდება ხოლმე, ჯერ ვერ გეტყვით ზუსტ თანხას, რა იქნება ჩვენი მხრიდან მოთხოვნილი. იურიდიული ფირმა ზარალს ითვლის და როგორც კი გვექნება, შეგატყობინებთ. ასევე მოვითხოვთ, რომ აღადგინოს ხელშეკრულება მთავრობამ და შეასრულოს პირობები, რაც არის საჭირო, რომ შევძლოთ პროექტის წარმატებით განხორციელება. ეს ორი ძირითადი მოთხოვნა იქნება“, – განაცხადა ლევან ახვლედიანმა.



რაც შეეხება ფოთის პორტს და მისი გაფართოების შესახებ „ეიპიემ ტერმინალს ფოთის“ გეგმებს, „ანაკლიის განვითარების კონსორციუმის“ დირექტორი აცხადებს, რომ საქართველოს არ სჭირდება ორი ღრმაწყლოვანი პორტი და ღრმაწყლოვანი პორტის შექმნა მხოლოდ ანაკლიაში არის შესაძლებელი.




„მინდა, სრული თავდაჯერებით გითხრათ, რომ საქართველოს ორი ღრმაწყლოვანი პორტი არ სჭირდება. რაც შეეხება „ეი პი ემ ტერმინალსის” განცხადებას მათ გეგმებთან დაკავშირებით, რაც დააანონსეს, ეს არის დაახლოებით 150 000 დამატებითი საკონტეინერო გამტარუნარიანობა პირველი ფაზის ფარგლებში. ეს ვერ დააკმაყოფილებს ამბიციას, რაც საქართველოს აქვს, რომ გახდეს სატრანზიტო და ლოჯისტიკური ჰაბი. ჩვენ გვჭირდება გაცილებით უფრო დიდი ინფრასტრუქტურა. ანაკლია არის კონსტიტუციით გამყარებული პროექტი და ასეთი მასშტაბის შექმნა სხვაგან, მათ შორის ფოთშიც არ არის შესაძლებელი. აქედან გამომდინარე, ანაკლია არის ერთადერთი ადგილი, სადაც ღრმაწყლოვანი პორტის აშენება შეიძლება. თუ მთავრობა გასცემს ნებართვას „ეი პი ემ ტერმინალსზე“, ეს ნიშნავს პრაქტიკულად, რომ ანაკლიის პორტი საბოლოოდ დასამარდება. თუ ასე მოხდა, არ არის გამორიცხული, რომ საქართველო საერთოდ ღრმაწყლოვანი პორტის გარეშე დარჩეს“, – განაცხადა „ანაკლიის განვითარების კონსორციუმის“ დირექტორმა, ლევან ახვლედიანმა.



„ანაკლიის განვითარების“ კონსორციუმმა“ გუშინ განაცხადა, რომ მზად არის, მიმართოს საერთაშორისო არბიტრაჟს ჟენევაში, ასევე საქართველოს მთავრობის წინააღმდეგ პროცესს კონსორციუმის საერთაშორისო ინვესტორებიც დაიწყებენ.



2020 წლის 11 თებერვალს, „ეიპიემ ტერმინალს ფოთმა“ ფოთში ახალი, ღრმაწყლოვანი ნავსადგურის მშენებლობისათვის, მიწათსარგებლობის ნებართვის მისაღებად ტექნიკური და სამშენებლო ზედამხედველობის სააგენტოს მიმართა, რაც სამშენებლო ნებართვის მიღების ოფიციალური სამსაფეხურიანი პროცედურის საწყის ეტაპს წარმოადგენს.



1tv.ge






„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up