ლექსო ალექსიშვილი: „თუ კეთილდღეობას ვალების ხარჯზე გავზრდით, ეს მომავალში აუცილებლად ცუდად შემოგვიტრიალდება"

ლექსო ალექსიშვილი: „თუ კეთილდღეობას ვალების ხარჯზე გავზრდით, ეს მომავალში აუცილებლად ცუდად შემოგვიტრიალდება"

access_time2017-01-30 18:30:02

რამდენად სწორად მოხდა მონეტარული პოლიტიკის თუნდაც მცირედით გამკაცრება და რა შედეგს მოიტანს გალარების პროგრამა? ამ და სხვა საკითხებთან დაკავშირებით რადიო „კომერსანტის" გადაცემაში „ეკონომისტის დრო" საქართველოს ყოფილმა ფინანსთა მინისტრმა, საერთაშორისო საკონსულტაციო კომპანიის PMCG-ს ხელმძღვანელმა ლექსო ალექსიშვილმა ისაუბრა. „კომერსანტი" გადაცემის შემოკლებულ ვერსიას გთავაზობთ.

 


– მონეტარული პოლიტიკის განაკვეთი გაიზარდა 6,75%-მდე. ამ ნაბიჯით, მოსახლეობას, რომელთაც სესხი ჰქონდა ლარში და მიბმული იყო რეფინანსირების განაკვეთთან, გაუძვირდა საპროცენტო განაკვეთი. რა გავლენას მოახდენს ეს ინფლაციაზე, ეკონომიკის ზრდაზე და რამდენად დროული და ადექვატურია ეს გადაწყვეტილება?

 

 

– რეფინანსირების განაკვეთის ზრდა ნამდვილად გამოიწვევს იმ მსესხებლებისთვის პროცენტის გაძვირებას, რომლებთაც სესხი რეფინანსირების განაკვეთზე აქვთ მიბმული. ეროვნული ბანკის ამ გადაწყვეტილების მთავარი მიზანი სწორედ ინფაციის მიზნობრივი მაჩვენებლის შენარჩუნება იყო.

 


რაც შეეხება ზოგადად ინფლაციას, მისი ზრდის მოლოდინი სხვადასხვა ფაქტორიდან გამომდინარეობს და ამას მხოლოდ აქციზის ზრდას ვერ დავაბრალებთ. ძირითადად, ეს სავალუტო კურსის ცვლილების შედეგად იმპორტზე ფასების მატებამ გამოიწვია. ამ ყველაფრიდან გამომდინარე, ცხადია, რომ გვექნება წელს ინფლაციის ზრდა, რასაც ეროვნულმა ბანკმა და ფინანსთა სამინისტრომ ადექვატური ნაბიჯებით უნდა უპასუხოს. ადექვატური ნაბიჯებია - სებ-მა უნდა გაამკაცრის მონეტარული პოლიტიკა, ფინანსთა სამინისტრომ კი ამ გამოწვევას ბიუჯეტის დეფიციტის მაჩვენებლის კონტროლით უნდა უპასუხოს.

 

 

– 2016 წელს ინფლაციის მიზნობრივი მაჩვენებელი იყო 5%, მაგრამ საბოლოოდ ჩვენ გვქონდა 1,8%-იან ზრდა. წელს არის 4%-იანი ინფლაცია დაგეგმილი, მაგრამ უკვე საუბარია იმაზე, რომ ფასები უფრო მეტად გაიზრდება. ეროვნული ბანკის მიერ განხორციელებული ქმედებები რამდენად სწორია რამდენად ადექვატურად რეაგირებს სებ-ი ქვეყანაში მიმდინარე ეკონომიკურ მოვლენებზე?

 

 

– ეროვნული ბანკის მიზანი უნდა იყოს ფასების ზრდის სტაბილურება და მისი კონტროლი. ეროვნული ბანკი ვალდებულია, რომ აწარმოოს ფულად-საკრედიტო პოლიტიკა და მიჰყვეს იმ პროცესს, რომელიც მას დღის წესრიგში უდგას.


 

რეფინანსების სესხის გაზრდით ეროვნულმა ბანკმა უპასუხა იმას, რომ ინფლაცია იყოს შენარჩუნებული მიზნობრივი მაჩვენებლის ფარგლებში. მაგრამ რეფინანსირების განაკვეთის განსაკუთრებული ზრდა აფერხებს ეკონომიკის ზრდას. ფული ძვირდება, ეს კი ანელებს ეკონომიკის ზრდას, ეკონომიკის სუბიექტებს სჭირდებათ იაფი ფული, რათა მათ თავიანთი ინიციატივები განახორციელონ. სწორედ აქ დგება საკითხი უკვე მეორე მხრიდან, ანუ ფისკალური ნაწილიდან, თუ როგორ ვუპასუხებთ ამ გამოწვევას. გამოწვევას კი უნდა უპასუხოს ბიუჯეტის დეფიციტის ზღვრულ მაჩვენებელში ჩატევით, მაქსიმალურად უზრუნველყოს ის, რომ დეფიციტი მაღალი არ იყოს. ფისკალური თვალსაზრისით ეს წელი ძალიან რთული იქნება.

 

 

– გალარება მაკროეკონიმიკური კუთხით რაიმე შედეგს თუ მოიტანს? ანალიტიკოსების ნაწილი ამბობს, რომ ამას შედეგი არ ექნება...

 

 

– ლარის კურსი ეს არის არა მიზეზი, ეს არის უკვე კონკრეტული შედეგი, ანუ სიმპტომი, რომელიც ეკონომიკაში არსებობს. ეკონომიკურ სივრცეში მოქმედი სუბიექტების მოქმედებები დამოკიდებულია ძალიან მკაფიო რაციონალურ გადაწყვეტილებაზე. ეს რაციონალური გადაწყვეტილებები არის დაბალი რისკები. თუკი სუბიექტები განსაზღვრავენ, რომ რომელიმე ვალუტაში ოპერაციების გატარებაში რისკები დაბალია, მოძებნიან გამოსავალს და მაინც ამ ვალუტაში განახორციელებენ ოპერაციებს.

 

 

გალარება ეს არის ერთჯერადი ხასიათის, ეს არის მნიშვნელოვანი ნაბიჯი იმისთვის, რომ ჩვენ ჩვენივე მოქალაქეებს ვასწავლოთ ასეთი ტიპის ოპერაციების განხორციელების წესები, ვგულისხმობ ეროვნულ ვალუტაში სესხების აღებას. ბუნებრივია, რომ თუ ადამიანს შემოსავალი აქვს ლარში, მისთვის მნიშვნელოვანია, რომ სესხიც ჰქონდეს ლარში, ის ამით სავალუტო რისკს იმცირებს. მაგრამ გალარება არც ერთ შემთხვევაში ეკონომიკის ზრდის უზრუნველყოფას ვერ მოახდენს. ცოტა სიღრმისეულად უნდა დავფიქრდეთ, როგორ შეიძლება სავალუტო რისკები შევამციროთ ისეთ პატარა ქვეყანაში, როგორც საქართველოა.

 

 

მთავრობის ნებისმიერი გადაწყვეტილება, იქნება ეს მონეტარული, ფისკალური თუ ა.შ. უნდა ემსახურებოდეს მხოლოდ შემდეგ რამეს - მაღალი მდგრადი ეკონომკირკური ზრდის მიღწევა და დაბალი ინფლაციის უზრუნველყოფა. ეს არის მთავარი ამოსავალი წერტილი. ჩვენთვის მთავარი პრობლემაა სიღარიბე და სიღატაკე, დანარჩენიც აქედან გამომდინარეობს.

 

 

– სად არის ზღვარი ეკონომიკის დაჩქარებასა და სტაბილურობას შორის?

 


– როდესაც ესტონურ მოდელზე გადავედით, შევამცირეთ საგადასახადო წნეხი, თუმცა ამავე დროს გავზარდეთ სხვადასხვა გადასახადი, ვგულისხმობ აქციზების ზრდას. არადა, ესტონურ მოდელზე გადასვლას ბიზნესისთვის ხარჯების შემცირება უნდა მოყოლოდა, მაგრამ ეს ასე არ მოხდა.

 

სახელმწიფოს ეკონომიკის მართვის მოდელი ოჯახის ეკონომიკის მართვის მოდელივით არის. როდესაც ოჯახი არის ღარიბი, ბუნებრივია, მას კეთილდღეობის ზრდისთვის სხვადასხმა მოთხოვნილების დაკმაყოფილება სჭირდება. აქ ისმის კითხვა, რის ხარჯზე უნდა მოხდეს ამ მოთხოვნების დაკმაყოფილება, როდესაც შემოსავალი არ გაქვს? თუ კეთილდღეობას ვალების ხარჯზე გავზრდით, ეს მომავალში აუცილებლად ცუდად შემოგვიტრიალდება.

 

 



„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...


მსგავსი სიახლეები

up