ლექსო ალექსიშვილი - კრიზისული სიტუაცია ვიდრე არ დასრულდება, ეკონომიკის სტიმულირება ეფექტს ვერ მოიტანს

ლექსო ალექსიშვილი - კრიზისული სიტუაცია ვიდრე არ დასრულდება, ეკონომიკის სტიმულირება ეფექტს ვერ მოიტანს

access_time2020-03-26 13:45:48

კორონავირუსით გამოწვეული კრიზისული სიტუაცია​ ვიდრე არ დასრულდება, ეკონომიკის სტიმულირება ეფექტს ვერ მოიტანს, – ამის შესახებ საკონსულტაციო კომპანია „პიემსიჯის“ გენერალურმა დირექტორმა, ლექსო ალექსიშვილმა დღეს საქართველოს პირველი არხის გადაცემა „ბიზნესპარტნიორში“ განაცხადა.


გადაცემაში კორონავირუსით დაპაუზებული ეკონომიკის გამოწვევები და მდგომარეობის შემსუბუქების შესაძლო სხვადასხვა ვერსია განიხილეს.


დისკუსიის დროს „პიემსიჯის“ გენერალურმა დირექტორმა აღნიშნა, რომ არათუ ქართული, არამედ მსოფლიო ეკონომიკა მსგავსი კატასტროფის წინაშე არ მდგარა და დღეს მდგომარეობიდან გამოსვლის რაიმე მზა რეცეპტი არ არსებობს, ზუსტად ისევე, როგორც არ არსებობს უებარი წამალი კორონავირუსის წინააღმდეგ. ალექსიშვილი თვლის, რომ მთავრობამ მიმდინარე კრიზისი ფონზე უმჯობესია, არავითარი სტიმულირება არ მოახდინოს და მხოლოდ კრიზისის დაძლევაზე იფიქროს.


„ამ ვითარებაში ნებისმიერი ქმედება ან რეკომენდაცია, რომელმაც დამატებითი ხარჯები ან შემოსავლების კლება უნდა გამოიწვიოს, არ იქნება სწორი. ამ წუთისთვის რაც უნდა გავაკეთოთ, ეს არის, რომ შევინარჩუნოთ სახელმწიფო სისტემის ფუნქციონირება სრულყოფილად. ამას სჭირდება სახელმწიფო ბიუჯეტიდან ფინანსური უზრუნველყოფა და ამას ჯერ მშვენივრად ართმევს თავს მთავრობა, ისევე როგორც ჯანდაცვის კუთხით მშვენივრად ართმევს თავს. მეორე – მთავრობამ უნდა გაუძლოს ცდუნებას და სხვადასხვა ჯგუფის მხრიდან მოთხოვნას, რომ გინდა თუ არა ახლა ჩაერიოს ეკონომიკის სტიმულირების კუთხით. არანაირ განსკუთრებულ მოქმედებას, სანამ სიტუაცია არ დამთავრდება, ეკონომიკის სტიმულირების კუთხით აზრი არ ექნება და ვერანაირ ეფექტს ვერ მოიტანს. ვფიქრობ, ეს აუცილებლად უნდა გავითვალისწინოთ“, – განაცხადა ალექსიშვილმა. 

 



მისივე თქმით, საგანგებო მდგომარეობის დროს სახელმწიფომ აუცილებლად უნდა უზრუნველყოს სასიცოცხლო ეკონომიკური ფუნქციების მქონე სექტორების გამართული მუშაობა, როგორიცაა ბანკები და ტრანსპორტი. ალექსიშვილის განცხადებით, მნიშვნელოვანია მაკროეკონომიკური სტაბილურობის შენარჩუნებაც. მისი თქმით, რაც შეეხება ეკონომიკის სტიმულირებას, ეს უკვე კრიზისის შემდგომ პერიოდში იქნება უპრიანი, რადგან პრობლემა მთლიანად ეკონომიკას ეხება და არა მის ცალკეულ სექტორებს.


„ერთადერთი, რაც შეიძლება ახლა გავაკეთოთ, საერთო ჯამში შევამციროთ პრობლემების ფონი. ასეთ დროს პრობლემების მთავარი მსხვერპლი არის ჩვენი მოსახლეობის სოციალურად მოწყვლადი ჯგუფები. შესაბამისად, დღეს იმის თქმა, რომ ეკონომიკური სტიმულირება მოვახდინოთ და მაგალითად ერთის მხრივ, გადასახადები დავწიოთ ან მეორეს მხრივ, რომელიმე სექტორი დავაფინანსოთ, არ იქნება სწორი. ამ წუთას გადასახდების დაწევით შეიძლება მნიშვნელოვანი პრობლემა შევუქმნათ შემოსავლების ნაწილს, რომელიც ახლა გვინდა თუ არა, გვჭირდება ყველაფრისთვის. დაფინანსების გაზრდით უნდა ვიცოდეთ, რომ ეს რაღაცის ხარჯზე ხდება. შეუძლებელია, რომ ერთიც გააკეთო და მეორეც და ეს არაფრის ხარჯზე ხდებოდეს“, – განმარტა ალექსიშვილმა.

 

„პიემსიჯის“ გენერალურ დირექტორს მიაჩნია, რომ რაც შეიძლება სწრაფად უნდა დაიწყოს საგარეო დაფინანსების მოზიდვაზე მუშაობა, რადგან საერთაშორისო საფინანსო ინსტიტუტები დახმარებისთვის მზად არიან.


 

„აუცილებლად უნდა გავითვალისწინოთ საგარეო დაფინანსების შესაძლებლობები. ეს იქნება აუცილებელი და რაც შეიძლება სწრაფად უნდა დავიწყოთ ამაზე საუბარი. მთავრობა და სხვა ეკონომიკური ბლოკის ინსტიტუტები ამას ალბათ უკვე ახორციელებენ. სავალუტო ფონდმა დღეს გააკეთა განაცხადი, რომ ერთი ტრილიონი აშშ დოლარის მოცულობის ინსტრუმენტებს განათავსებს. ასევე, საუბარია, რომ სავალუტო სვოპების მექანიზმების შემოღებას წაახალისებს, ესეც მნიშვნელოვანი საკითხია. ჩვენ ასეთი ინსტრუმენტებით აუცილებლად უნდა ვისარგებლოთ, აქ ორი აზრი არ არის, მაგრამ აქაც უნდა ვიცოდეთ ზუსტად ბალანსი როგორია. ზომიერება ყველაფერში უნდა დავიცვათ, რომ კიდევ უფრო მეტი არ დავაზარალოთ“, – განუცხადა ლექსო ალექსიშვილმა „ბიზნესპარტნიორს“.


1tv.ge





მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI
access_time2020-07-03 12:00:43
საქართველოს პარლამენტის წევრის, ვიქტორ ჯაფარიძის და მისი შვილის, ოთარ ჯაფარიძის წილობრივ მფლობელობაში არსებული კომპანიები ტენდერებს იგებენ. 2018 წლიდან დღემდე მიღებული კონტრაქტების ჯამურმა ღირებულებამ 6,264,688 ლარი შეადგინა. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა - საქართველო“ ავრცელებს. მათივე ცნობით, ვიქტორ ჯაფარიძე 16 წელია საქართველოს პარლამენტის წევრია, იგი ორჯერ იყო მესტიის მაჟორიტარი დეპუტატი, ბოლოს კი პარლამენტის წევრი...

ერთ წელში ფასები სურსათზე - 13.6%-ით და ჯანდაცვაზე - 7.5%-ით გაიზარდა

ერთ წელში ფასები სურსათზე - 13.6%-ით და ჯანდაცვაზე - 7.5%-ით გაიზარდა
access_time2020-07-03 11:30:24
2020 წლის ივნისში წინა თვესთან შედარებით ინფლაციის დონემ საქართველოში -1.4 პროცენტი, ხოლო წლიური ინფლაციის დონემ 6.1 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ივნისში, გასული წლის შესაბამის პერიოდთან შედარებით 6.6 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 6.2 პროცენტით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ...

რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას

რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას
access_time2020-07-02 16:00:27
მუცლის შებერილობა, დიარეა, მეტეორიზმი ეს ის ნიშნებია, რომელსაც ნებისმიერი ჩვენგანი ცხოვრებაში ერთხელ მაინც შევუწუხებივართ. ფარმაცევტულ ინდუსტრიაში უამრავი მედიკამენტი ან დამხმარე საშუალებაა შექმნილი მსგავსი პრობლემების მოსაგვარებლად, თუმცა ნებისმიერი მათგანი უძლურია, თუ ეს ნიშნები რძის მიღებასთან და ლაქტოზის აუტანლობასთანაა დაკავშირებული. რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას. კიდევ უფრო დიდი პრობლემაა ლაქტოზის აუტანლობა ბავშვთა ასაკში,...


მსგავსი სიახლეები

up