„ლეოგრანდში“ მიმდინარე საგამოძიებო მოქმედებების გამო 500 თანამშრომელს კონტრაქტი შეუჩერდა

„ლეოგრანდში“ მიმდინარე საგამოძიებო მოქმედებების გამო 500 თანამშრომელს კონტრაქტი შეუჩერდა

access_time2018-01-17 11:00:00

ბათუმში მდებარე სასტუმრო „ლეოგრანდის“ 500 თანამშრომელს კონტრაქტი შეუწყდა და უხელფასო შვებულებაში იმყოფებიან. ამის შესახებ „კომერსანტს“ სასტუმრო „ლეოგრანდის“ იურისტმა კახა წერეთელმა განუცხადა. მისი თქმით, უფუნქციოდ დარჩენილ სასტუმროს თანამშრომლებისთვის ხელფასის გადახდა არ შეუძლია.

 

„სასტუმროს მეპატრონე იძულებული გახდა, რომ თანამშრომლებისთვის კონტრაქტები შეეჩერებინა. მათთვის კომპენსაციის გადახდა იმ პირობებში, როდესაც სასტუმრო არ ფუნქციონირებს, რთულია. ორი თვის განმავლობაში გადავუხადეთ. შემდეგ ფიზიკურად შეუძლებელი გახდა. სასტუმროს 500-ვე თანამშრომელი უხელფასო შვებულებაშია გასული“, - აცხადებს წერეთელი.

 

მისივე განმარტებით, მეპატრონის ინტერესია, რომ აღნიშნული კოლექტივი შენარჩუნდეს და მათ საბოლოოდ გათავისუფლებას არ აპირებს: „როდესაც სასტუმრო ფუნქციონირებას დაიწყებს,  ამ რაოდენობის კადრების თავიდან მოძიება მარტივი არ იქნება. ამდენად, მეპატრონის ინტერესია, რომ  აღნიშნული კოლექტივი შენარჩუნდეს“, - აღნიშნა კახა წერეთელმა.

 

რაც შეეხება სასტუმროს ფუნქციონირების დაწყების კონკრეტულ თარიღს, გამოძიების დასრულების შემდეგ გადაწყდება, სასტუმრო როდის აღადგენს მუშაობას. კახა წერეთელის თქმით, ამ ეტაპზე მხოლოდ ის არის ცნობილი, რომ „ლეოგრანდს“ სახელწოდება შეეცვლება.

 

„გამოძიება მიმდინარეობს. შემთხვევის ადგილის დათვალიერება არ დასრულებულა. ექსპერტიზის დასკვნას და გამოძიების დასრულებას ველოდებით. სასტუმროს თანამშრომლების დაკითხვაც გრძელდება, თუმცა არა ინტენსიურად. ველოდებით, როდის მიეცემა სასტუმროს ადმინისტრაციას და მფლობელს საშუალება, რომ სასტუმროს მუშაობა განაახლონ. ბუნებრივია, ჯერ უნდა გაირკვეს მიზეზები და სრულად აღმოიფხვრას. შემდეგ უკვე დასუფთავდეს და მოწესრიგდეს. რაც შეეხება სასტუმროს სახელწოდებას, „ლეოგრანდი“ აღარ ერქმევა, თუმცა რა სახელით გააგრძელებს ფუნქციონირებას, ეს მფლობელებმა უნდა გადაწყვიტონ“, - აცხადებს იურისტი.

 


კითხვაზე, რა უშლით ხელს, რომ სასტუმრომ მუშაობა განაახლოს, კახა წერეთელი გვპასუხობს, რომ ამ ეტაპზე ერთადერთი მიზეზი საგამოძიებო მოქმედებებია: „მიზეზი არის ის, რომ შენობას კვლავ საპატრულო პოლიცია იცავს, საგამოძიებო მოქმედება გრძელდება, შიგნით შესვლა და საქმიანობა შეზღუდულია. თუმცა გამოძიების მიმართ ამ ეტაპზე საპრეტენზიო არაფერი გვაქვს. მიუხედავად იმისია, რომ თავიდან ემოციური ფონი იყო, რაც მძიმე შედეგით იყო გამოწვეული, არ იქნა მიღებული ნაჩქარევი გადაწყვეტილებები პირების პასუხისმგებლობის შესახებ. გამოძიება სწორად წარიმართა,  ექსპერტიზა დაინიშნა და ყველა მის დასრულებას ელოდება. ვერ ვიტყვი, რომ ექსპერტიზა გაჭიანურებულია, რადგან ამას  საკმაოდი დიდი დრო სჭირდება, - აღნიშნავს წერეთელი.

 

რაც შეეხება სასტუმროს პროფილს, მისი თქმით, დამატებით შიდა დეტალებზე საუბარი უჭირს, რადგან თავად მფლობელებმა უნდა გადაწყვიტონ  როგორ გაგრძელდება მუშაობა: „პროფილი არ შეიცვლება, სასტუმრო და კაზინო  იქნება“.

 

მისივე ინფორმაციით, ხანძრის შედეგად გარდაცვლილთა ოჯახებისთვის ერთჯერადი კომპენსაცია გაიცა. სამომავლოდ კი ბავშვების სრულწლოვანებამდე დაფინანსება და ასევე სტუდენტების დაფინანსების საკითხი გადაწყდება.

 

შეგახსენებთ, რომ ბათუმში მდებარე სასტუმრო „ლეოგრანდში“ ხანძარი 24 ნოემბერს გაჩნდა. ხანძრის შედეგად 11 ადამიანი დაიღუპა, რომელთაგან 10 საქართველოს და 1 ირანის რესპუბლიკის მოქალაქე იყო, ჰოსპიტალიზაცია დასჭირდა 22 ადამიანს.

 

მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს, რაც სახანძრო უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა ან სხვა მძიმე შედეგი გამოიწვია.

 

 

ავტორი: თეონა კენჭიაშვილი

 

 




ტურიზმის სექტორის კომპანიების 18% საქმიანობის სრულად შეჩერებას ელის

ტურიზმის სექტორის კომპანიების 18% საქმიანობის სრულად შეჩერებას ელის
access_time2021-01-25 14:30:16
ტურიზმის სექტორში გამოკითხული კომპანიების  18.2% თვლის, რომ მოუწევთ საქმიანობის სრულად შეჩერება, 37%-ს მიაჩნია რომ შემოსავლები შემცირდება 75%-ით, 27.3% - შემოსავლების 50%-ით შემცირებას ვარაუდობს.   ტურიზმის სფეროში მოღვაწე 8 არაკომერციული ორგანიზაციის მიერ ჩატარებული კვლევის თანახმად, პროგნოზი საკმაოდ პესიმისტურია. ტურიზმის სექტორში დასაქმებულთა უმეტესი წილი მოდის დაბალი რგოლის მომსახურე პერსონალზე, რომელთა ანაზღაურება მათთვის საციცოცხლოდ მნიშვნელოვანია. საქართველოში...

NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა, სიღარიბე, ფასების ზრდა და ლარის გაუფასურებაა

NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა, სიღარიბე, ფასების ზრდა და ლარის გაუფასურებაა
access_time2021-01-25 13:26:18
NDI-ის უახლესი კვლევის თანახმად, გამოკითხულთა უმეტესობა (59%) საქართველოს ეკონომიკის წინაშე მდგარ ყველაზე დიდ პრობლემად უმუშევრობას ასახელებს.   კვლევის თანახმად, რომელიც 2020 წლის 17-24 დეკემბრის პერიოდს მოიცავს, ქვეყნის ეკონომიკის წინაშე მდგარ სხვა პრობლემებს შორის დასახელებულია: ფასების ზრდა (45%); სიღარიბე (28%); ლარის გაუფასურება (27%); პანდემიასთან დაკავშირებული შეზღუდვები (14%); დაბალი ხელფასები (11%) და საზღვრების ჩაკეტვა (6%).   ამასთან,...

ხელისუფლება ჭორებს ავრცელებს, თითქოს სექტორთან კომუნიკაცია აქვს - INN Group

ხელისუფლება ჭორებს ავრცელებს, თითქოს სექტორთან კომუნიკაცია აქვს - INN Group
access_time2021-01-25 13:00:03
ჭორებს ავრცელებენ თითქოს სექტორთან გარკვეული კომუნიკაცია არის, - Inn Group -ის  დირექტორმა ერეკლე კოკაიამ  უწყებათშორის საკოორდინაციო საბჭოს მხრიდან ბიზნესის იგნორირებაზე  რუსთავი 2-ის ეთერში განაცხადა. მან აღნიშნა, რომ  კერძო სექტორს სურს მთავრობის დახმარება, თუმცა საკონსულტაციო შეხვედრაზე არ მოდინ. ყოველ დღე ვწერთ თუმცა  არ რეაგირებენ, — ეს ერეკლე კოკაიას ალოგიკურად ეჩვენება. ფრენების დაშვება, სახმელეო  საზღვრების დაკეტვით და აინტერესებს...

კარგი იქნებოდა, რომ ჩვენთვის აეხსნათ, თუ რატომ არის შეზღუდვა სამთო კურორტებზე

კარგი იქნებოდა, რომ ჩვენთვის აეხსნათ, თუ რატომ არის  შეზღუდვა  სამთო კურორტებზე
access_time2021-01-25 11:00:07
კარგი იქნებოდა, რომ  ჩვენთვის აეხსნათ თუ რატომ არის  შეზღუდვა  ბაკურიანზე  და  ზოგადად  სამთო კურორტებზე , როდესაც  სხვა  კურორტებზე ძალიან ბევრი  ხალხია და ფაქტობრივად ამ ადამიანებს ერთმანეთთან კონტაქტი მაინც აქვთ. ვერ  ვხვდები პანდემიის  გავრცელების პრევენციის  კუთხით სამთო კურორტებოის დაკეტვა რას შველის. -  ამის შესახებ "კომერსანტს" დაბა ბაკურიანში მდებარე სასტუმრო  კრისტალის დირექტორმა ქეთევან...

საქართველოში კორონავირუსით ინფიცირების 546 ახალი შემთხვევა გამოვლინდა, ქვეყანაში ბოლო 24 საათში 11 248 ტესტი ჩატარდა

საქართველოში კორონავირუსით ინფიცირების 546 ახალი შემთხვევა გამოვლინდა, ქვეყანაში ბოლო 24 საათში 11 248  ტესტი ჩატარდა
access_time2021-01-24 10:57:00
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 11 248 კვლევა ტესტით, მათ შორის 4 979 კვლევა ანტიგენის ტესტით და 6 269 PCR...


მსგავსი სიახლეები

up