„ლეოგრანდმა“ 2017 წელს სახანძრო უსაფრთხოების ნორმები ვერ დააკმაყოფილა“

„ლეოგრანდმა“ 2017 წელს სახანძრო უსაფრთხოების ნორმები ვერ დააკმაყოფილა“

access_time2017-11-25 14:22:18

ბათუმის ვიცე-მერის თენგიზ პეტრიძის ინფორმაციით, სასტუმრო "ლეოგრანდს" არაერთხელ მიეცა შენიშვნები და დაჯარიმდა კიდეც. 

"არის თუ არა სასტუმროში სახანძრო უსაფრთხოების ნორმები დაცული, ამის თაბაზე შემიძლია გითხრათ, რომ სახანძრო უსაფრთოებაზე სასტუმრო შემოწმებულია და დაჯარიმებულიც კი იყო, თუმცა, დადასტურებით მაინც არ შემიძლია ამის თქმა, რადგან დოკუმენტურად ამ საკითხებს არ გავცნობივარ. ჩემთვის გადმოცემით არის ეს ინფორმაცია ცნობილი. 

ხოლო, დაცული იყო თუ არა სახანძრო უსაფრთხოება და არსებობდა თუ არა საევაკუაციო გეგმა, რამ გამოიწვია ეს ტრაგედია, ეს გამოძიების შემდეგ დადგინდება"-ამბობს პეტრიძე. 


აჭარის საგანგებო და გადაუდებელი სიტუაციების მართვის სააგენტოს უფროსის მოადგილე, მამუკა თურმანიძე, რომელიც ადგილზე მთელი ღამის განმავლობასი მუშოაბდა, არ აზუსტებს აქვს თუ არა სასტუმროს საევაკუაციო კიბე. 



"მთელი ღამის განმავლობაში ვაწარმოებდით ლეოგრანდის შენობის დათვალიერებას და ჩვენი კომპეტენციის ფარგლებში დავასრულეთ სამუშაოები. სამუშაოები უკვე ინაცვლებს გამოძიებაში და ეხლა საგამოძიებო დანაყოფები შეუდგებიან თავისი კომპეტენციის განხორციელებას. მე ვამბობ, რომ ჩვენი კომპეტენციის ფარგლებში დავასრულეთ სამუშაოები. გამოძიების დასრულების შემდეგ გვეცოდინება არამარტო კიბის არსებობის შესახებ, არამედ თუ რამე სხვა ხარვეზი იყო", - ამბობს თურმანიძე. 


„2017 წელს, როცა დეპარტამენტში დოკუმენტაციის შეგროვება დაიწყო და ყველა იმ სასტუმრომ თუ კვების ობიექტმა, რომელსაც ჰქონდა ინტერესი, რომ მიეღო ხარისხის ნიშანი, რომელიც სარეკომენდაციო ხასიათისაა, „ლეოგრანდმა“ ვერ დააკმაყოფილა სახანძრო უსაფრთხოების გამკაცრებული კრიტერიუმები და შესაბამისად, მან რეკომენდაცია ვერ მიიღო“, - განაცხადა აჭარის ტურიზმის დეპარტამენტის ხელმძღვანელმა სულხან ღლონტმა აჭარის ტელევიზიასთან ინტერვიუში.


„ტურიზმის დეპარტამენტს არავითარი უფლება არა აქვს, რომელიმე სასტუმროს ფუნქციონირება შეაჩეროს. „რეკომენდებულია ტურიზმის დეპარტამენტის“ მიერ ეს არის ხარისხის ნიშანი, რომელიც არის სარეკომენდაციო ხასიათის და როგორც საბჭოს წევრებისგან მივიღე ინფორმაცია, 2017 წელს „ლეოგრანდს“ არ ჰქონდა ეს სტატუსი. რაც შეეხება ვებგვერდზე არსებულ ინფორმაციას,  ეს არის ჩამონათვალი იმ სასტუმროებისა, მათ შორის 2016 წელს ვისაც ჰქონდა ეს სტატუსი. როცა სასტუმრო ან კვების ობიექტი ვერ აკმაყოფილებს კრიტერიუმებს, ერთადერთი რაც ამ შემთხვევაში ტურიზმის დეპარტამენტს შეგვიძლია, არ მივანიჭოთ ეს სტატუსი“, - აღნიშნა სულხან ღლონტმა.



მისივე თქმით, ინფორმაცია იმის შესახებ, რომ სასტუმრო „ლეოგრანდმა“ სახანძრო უსაფრთხოების ნორმები ვერ დააკმაყოფილა, ტურიზმის დეპარტამენტს სხვა სამსახურებისთვის არ მიუწოდებია.


„პროექტის მიზანი, რომლის ფარგლებშიც ვაძლევთ ხარისხის ნიშანს, „რეკომენდებულია ტურიზმის დეპარტამენტის მიერ“ არის ის, რომ ვცდილობთ მაქსიმალურად შევავსოთ ტურუსტულ ინდუსტრიაში და ბაზარზე არსებული ე.წ. „ლუფტები“ და მაქსიმალურად შევაჩვიოთ ტურიზმის სექტორი იმას, რომ ისინი უნდა იცვადნენ საერთაშორისო სტანდარტებს“, - ციტირებს აჭარის ტელევიზია სულხან ღლონტის კომენტარს.



მედიით გავრცელებულ კადრებში ჩანს, რომ მეხანძრეებს სასტუმროში დარჩენილები შიდა კიბეებით გამოჰყავთ, ვერანდაზე შეკრებილები კი სამაშველო ამწეს დახმარებით. 



სასტუმრო ლეოგრანდის ადმინისტრაციას მომხდარზე კომენტარი ამ დრომდე არ გაუკეთებია. 



ცნობისთვის, ბათუმში, შემთხვევის ადგილზე ჩასულმა შინაგან საქმეთა ახალმა მინისტრმა განაცხადა, რომ შენობას სახანძრო კიბე არ გააჩნია და ამიტომ მოხდა მაშველების სახანძრო კიბის საშუალებით იმ ადამიანების ევაკუირება, რომლებიც ბლოკირებული იყვნენ მეშვიდე სართულზე. 



"აშკარაა სახანძრო ნორმების და მოთხოვნების დარღვევა. იმ შემთხვევაში თუ დადასტურდება სახანძრო ნორმების დარღვევა, უნდა იყოს ძალზედ მკაცრი გადაწყვეტილება მიღებული,"- თქვა გახარიამ. 



ბათუმში, სასტუმრო ლეოგრანდში ხანძარი, 24 ნოემბერს, დაახლოებით 20:00 საათისთვის გაჩნდა. თვითმხილველების ერთი ვერსიით, ხანძარი სასტუმროს სპა სალონში გაჩნდა, ხოლო სხვა ვერსიით - ცეცხლი კაზინოს ნაწილს გაუჩნდა. 



შინაგან საქმეთა სამინისტროს ინფორმაციით, ხანძრის შედეგად, გარდაცვლილია 11 ადამიანი, მათ შორის, 10 საქართველოს, ხოლო 1 ირანის რესპუბლიკის მოქალაქე. 



დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up