„ლელოს“ წევრი, გიგლა მიქაუტაძე აცხადებს, რომ ბიზნესმენებმა ბოიკოტი უნდა გამოუცხადონ მთავრობის წევრებთან შეხვედრებს

„ლელოს“ წევრი, გიგლა მიქაუტაძე აცხადებს, რომ ბიზნესმენებმა ბოიკოტი უნდა გამოუცხადონ მთავრობის წევრებთან შეხვედრებს

access_time2019-11-19 18:15:51

საზოგადოებრივი მოძრაობა „ლელოს“ წევრი, გიგლა მიქაუტაძე აცხადებს, რომ ბიზნესმენებმა ბოიკოტი უნდა გამოუცხადონ მთავრობის წევრებთან შეხვედრებს.

 

როგორც მიქაუტაძე აცხადებს, ერთადერთი ძალა, ვინც პასუხს აგებს ქვეყანაში არსებულ პოლიტიკურ გარემოზე, არის „ქართული ოცნება“. მისივე შეფასებით, ხელისუფლება ატყუებს საკუთარ ხალხს და ხელოვნურად ქმნის პოლიტიკური პროცესების ქუჩაში გადატანის წინაპირობებს, ამით ზიანს აყენებს თითოეულ მეწარმეს, რომელსაც მშვიდი გარემო სჭირდება ბიზნესის კეთებისთვის.

 

„შეურაცხყოფილი ხალხი თავისუფალ საზოგადოებაში, ბუნებრივია, მწვავედ რეაგირებს ტყუილსა და პირობის დარღვევაზე. მაშინ, როცა დაკარგულია ნდობა ხელისუფლების მიმართ, შეუძლებელია განსხვავებული განწყობა სუფევდეს ბიზნეს-წრეებში. შეუძლებელია, ბიზნესი ენდოს მთავრობას, რომელიც ანგარიშს არ უწევს საკუთარ ხალხს და საერთაშორისო საზოგადოებას. შეუძლებელია, იფიქრო ბიზნესის გაფართოებაზე, ახალი სამუშაო ადგილების შექმნაზე, თუ არ გაქვს ელემენტარული გარანტია, რომ გექნება სტაბილური და პროგნოზირებადი გარემო. ამ ფონზე, პრემიერ-მინისტრისა თუ შსს-დან გადმობარგებული ბიზნესომბუდსმენის შეხვედრები ცალკეულ ბიზნესმენებთან არის სრული ფიქცია და ემსახურება ერთადერთ მიზანს - გამიჯნოს ბიზნესი სამოქალაქო საზოგადოებისგან. სანამ არ აღდგება სტატუს-კვო და მმართველი პარტია არ შეასრულებს მიცემულ პირობას პროპორციულ არჩევნებთან დაკავშირებით, ბიზნესმენებს ვურჩევ, ნუ მოიტყუებენ თავს და ნუ შეხვდებიან მთავრობის წევრებს. ნუ გახდებიან, ნებსით თუ უნებლიედ, იმ დიდი სპექტაკლის მონაწილეები, რომელსაც ბიზნესისა და მთავრობის დიალოგი ჰქვია“, - განაცხადა „ლელოს“ ერთ-ერთმა ლიდერმა გიგლა მიქაუტაძემ.


 

შეგახსენებთ, საქართველოს ბიზნესასოციაციასა და ახლად დანიშნულ ბიზნესომბუდსმენს, მიხეილ დაუშვილს შორის შეხვედრა გაიმართა, რომელსაც პრემიერ-მინისტრი გიორგი გახარია დაესწრო.

ipn.ge



თეგები:
ლელო



„ანაკლიის განვითარების კონსორციუმი“ - მიუხედავად არსებული ვითარებისა, მოვიძიეთ ინვესტორი, რომელიც ჯერ კიდევ დაინტერესებულია პროექტით

„ანაკლიის განვითარების კონსორციუმი“ - მიუხედავად არსებული ვითარებისა, მოვიძიეთ ინვესტორი, რომელიც ჯერ კიდევ დაინტერესებულია პროექტით
access_time2019-12-16 18:01:41
ინვესტორისთვის მნიშვნელოვანია, სახელმწიფოს მხრიდან დაინახოს პირდაპირი მხარდაჭერა და კეთილგანწყობა, როგორც პროექტის, ასევე მათ მიმართ, აღნიშნულ საკითხთან დაკავშირებით დღემდე არ მიგვიღია მსგავსი პოზიცია სახელმწიფოსგან, – ამის შესახებ ანაკლიის განვითარების კონსორციუმის განცხადებაშია ნათქვამი. „მიუხედავად არსებული ვითარებისა, რომელიც ანაკლიის განვითარების კონსორციუმის კონტროლს...

ბიძინა ივანიშვილის შეთავაზების მიუხედავად, წყალტუბოში სანატორიუმი „მეშახტე“ 7 მილიონ დოლარად იყიდება

ბიძინა ივანიშვილის შეთავაზების მიუხედავად, წყალტუბოში სანატორიუმი „მეშახტე“ 7 მილიონ დოლარად იყიდება
access_time2019-12-16 16:00:45
წყალტუბოში, სანატორიუმი მეშახტე 7 მილიონ დოლარად იყიდება. ობიექტი საერთაშორისო აუდიტორული კომპანია BDO-ს მიერაა შეფასებული. აღნიშნული ინფორმაცია სოციალურ ქსელ „ფეისბუქში“, გაერთიანებული ემიგრანტების გვერდზე გავრცელდა. ინფორმაციას თან ერთვის რენდერები, თუ როგორი იქნება სასტუმრო „მეშახტე“ რეაბილიტაციის შემდეგ. ეს იმის მიუხედავად, როცა პოლიტიკური გაერთიანება „ქართული...

ბათუმში, ჭავჭავაძის გამზ. 103-ში ბაზისბანკის ახალი სერვისცენტრი გაიხსნა

ბათუმში, ჭავჭავაძის გამზ. 103-ში  ბაზისბანკის ახალი სერვისცენტრი გაიხსნა
access_time2019-12-16 12:55:42
ბათუმში, ჭავჭავაძის გამზ. 103-ში ბაზისბანკის ახალი სერვისცენტრი გაიხსნა. გახსნის საზეიმო ცერემონიალს ბანკის მენეჯმენტსა და თანამშრომლებთან ერთად, ბანკის მომხმარებლები და მედიის წარმომადგენლები დაესწრნენ. ახლადგახსნილი სერვისცენტრი მომხმარებელს ბაზისბანკში არსებულ სრულ საბანკო მომსახურებას სთავაზობს. იგი შესაბამისობაშია თანამედროვე სტანდარტებთან და გათვლილია როგორც ფიზიკური, ასევე იურიდიული კლიენტებისათვის მაქსიმალურად კომფორტული სერვისის მიწოდებაზე. ასევე, შექმნილია სასიამოვნო სამუშაო გარემო...

საგარეჯოს საკრებულოს თავმჯდომარის ბიზნესპარტნიორმა საგარეჯოს მუნიციპალიტეტის შესყიდვებიდან 1.4 მილიონი ლარი მიიღო

საგარეჯოს საკრებულოს თავმჯდომარის ბიზნესპარტნიორმა საგარეჯოს მუნიციპალიტეტის შესყიდვებიდან 1.4 მილიონი ლარი მიიღო
access_time2019-12-16 17:00:42
„საერთაშორისო გამჭვირვალობა-საქართველო” განაგრძობს სახელმწიფო შესყიდვების პროცესის მონიტორინგს. კორუფციის სავარაუდო ნიშნების არსებობის გამო ამჯერად ჩვენი ყურადღება საგარეჯოს მუნიციპალიტეტის გამარტივებულმა შესყიდვებმა მიიპყრო, სადაც ტენდერებს და გამარტივებულ შესყიდვებს საგარეჯოს საკრებულოს თავმჯდომარის, ოთარ ჩალათაშვილის ბიზნესპარტნიორი, ოთარ ბუზარიაშვილი იღებს. ოთარ ჩალათაშვილი საგარეჯოს მუნიციპალიტეტის საკრებულოს თავმჯდომარედ 2017 წლის თვითმმართველობის...

რატომ გაიზარდა ოფშორული ინვესტიციები

რატომ გაიზარდა ოფშორული ინვესტიციები
access_time2019-12-16 14:00:20
მესამე კვარტალში პირდაპირი უცხოური ინვესტიციების შემოდინება წინა წელთან შედარებით, თითქმის 14%-ით გაიზიარდა. კერძოდ, სტატისტიკის სამსახურის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ, 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია. ამავე მონაცემების ანალიზიდან ირკვევა, რომ ინვესტორ ქვეყნებში ოფშორული ქვეყნები ლიდერობენ....


მსგავსი სიახლეები

up