„ლელოს“ პრემიერ-მინისტრობის კანდიდატი მამუკა ხაზარაძეა

„ლელოს“ პრემიერ-მინისტრობის კანდიდატი მამუკა ხაზარაძეა

access_time2020-10-13 12:29:10

დღეს სასტუმრო „თბილისი მერიოტში“ პარტია „ლელომ“ პრემიერ-მინისტრობის კანდიდატი და „მარშალის გეგმის“ მიმართულების ლიდერები დაასახელა. ინფორმაციას „ლელო საქართველოსთვის“ პრესსამსახური ავრცელებს.


პარტიის პოლიტიკური საბჭოს მდივანმა დავით უსუფაშვილმა სახელმწიფოს მოწყობის მოდელი „ლელოს ახალი მარშალის გეგმის“ მიხედვით წარადგინა. დასახელდა იმ მიმართულებების ხელმძღვანელები, რომლებიც კონკრეტულ სფეროებს ჩაიბარებენ.


წარდგენის ღონისძიებაზე „ლელოს“ პოლიტ - საბჭოს მდივანმა „ლელოს“ პრემიერ-მინისტრის კანდიდატად მამუკა ხაზარაძე დაასახელა. მან ასევე პარტიის ღირებულებებსა და ქვეყნის სტანდარტის შეცვლაზე ისაუბრა, რომელიც, პარტიის „ახალი მარშალის გეგმის" მიხედვით, ქვეყნის სრულ რეკონსტრუქციას ითვალისწინებს.


„„ლელო“ არის საინტერესო და საყურადღებო პოლიტიკური ძალა, რომელიც ქვეყანას გაიყვანს სამშვიდობოზე. „ლელო“ არის ახალი იმედი, ახალი ძალა, რომელმაც ამომრჩეველს შესთავაზა ახალი არჩევანი. დღიდან დაარსებისა, „ლელომ“ გამოაცხადა თავისი ხედვა, თავისი გეზი და საქართველოს შეჰპირდა, რომ დღევანდელი ხელისუფლება შეიცვლება, ძველი არ დაბრუნდება. ჩვენ ამას გავაკეთებთ, რადგან გვაქვს „ლელოს მარშალის გეგმა“, გვყავს ძლიერი გუნდი და ჩვენ საქართველოს ვაქცევთ ევროპული სტანდარტის ქვეყნად. ჩვენ წარმოვადგენთ ახალ ძალას, ახალ ენერგიას, ახალ შემართებას. სწორედ ამიტომ, საზოგადობას წარვუდგენთ „ლელოს" კანდიდატს საქართველოს პრემიერ-მინისტრის თანამდებობაზე - ევროპული სტილის ქართველ პატრიოტს, მამუკა ხაზარაძეს,“ - განაცხადა უსუფაშვილმა.


„ლელოს“ პრემიერ-მინისტრობის კანდიდატმა მამუკა ხაზარაძემ წარდგენის ღონისძიებაზე დამსწრე საზოგადოებას მიმართა და აღნიშნა, რომ მსჯელობა პრემიერ-მინისტრობის კანდიდატზე „ლელოს“ დაარსების დღიდან მიმდინარეობს. ხაზარაძის თქმით, პარტია ყოველთვის დაუღალავად შრომობდა და ადგენდა იმ გეგმას, რომელიც ქვეყანას გამოიყვანს მძიმე მდგომარეობიდან, სადაც ის „ქართულმა ოცნებამ“ შეიყვანა.


„ჩვენ გვაქვს სერიოზული მისია, რომ ამ ქვეყანაში დავამარცხოთ ჩვენი მთავარი მტერი - უმუშევრობა, სიღარიბე და არაპროფესიონალიზმი. დღეს მნიშვნელოვანია არა მხოლოდ ჩემი დასახელება, არამედ გუნდის, რომელიც იქნება იმ სწრაფი რეფორმის გატარების ბირთვი, რასაც ჰქვია „ახალი მარშალის გეგმა“, რომელიც შევიმუშავეთ ერთად და აქვს კონკრეტული მიზანი - ქვეყანა ძალიან სწრაფად დააყენოს ფეხზე, მოსპოს სიღარიბე, დაამარცხოს შიმშილი და გამართოს იგი ეკონომიკურად,“ - განაცხადა ხაზარაძემ.



„ლელოს“ პრემიერ-მინისტრობის კანდიდატმა მამუკა ხაზარაძემ „ლელოს ახალი მარშალის გეგმის“ მიმართულებების ხელმძღვანელები დაასახელა:


1) ეკატერინე ქვლივიძე გაუძღვება თავდაცვის მიმართულებას.

2) ბადრი ჯაფარიძე ჩაიბარებს ეკონომიკური განვითარებისა და ფინანსურ მიმართულებას.

3) გიგლა მიქაუტაძე - რეგიონული განვითარებისა და ინფრასტრუქტურის მიმართულება.

4) ანა ნაცვლიშვილი უხელმძღვანელებს იუსტიციის საქმეებს და სასამართლოს მიმართულებას.

5) ლევან კობერიძე - უხელმძღვანელებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მიმართულებას.

6) განათლების, მეცნიერების და სპორტის მიმართულებას ფიქრია ჩიხრაძე ჩაიბარებს.

7) შინაგანი საქმეებს და სამართალდამცავ სისტემას კახა კოჟორიძე უხელმძღვანელებს.

8) გარემოს დაცვის და სოფლის მეურნეობის მიმართულებას ნიკა შურღაია ჩაიბარებს.

9) საგარეო საქმეები და ევროატლანტიკური ინტეგრაცია - დავით უსუფაშვილი.

10) ჩვენს ოს და აფხაზ ძმებთან და დებთან შერიგების მიმართულებას სოსო ვახტანგაშვილი უხელმძღვანელებს.

11) კულტურის მიმართულებას მედეა მეტრეველი ჩაუდგება სათავეში.



NS







დღის Top 10 საინტერესო ამბავი

დღის Top 10 საინტერესო ამბავი
access_time2021-03-02 21:00:39
დღის Top 10 საინტერესო ამბავი: 1.გაზრდილი საპროცენტო განაკვეთები და შემცირებული სესხების მოცულობა - საბანკო სექტორის იანვრის თვე 2021 წელი ქართულმა საბანკო სექტორმა მოგებით დაიწყო, რომლის მოცულობა 113.36 მლნ ლარს შეადგენს. თუმცა წინა წლის დეკემბერთან შედარებით შემცირებულია საპროცენტო შემოსავლები და...

მერაბ ჟორდანია ვენის „აუსტრიას“ პრეზიდენტი ხდება

მერაბ ჟორდანია ვენის „აუსტრიას“ პრეზიდენტი ხდება
access_time2021-03-02 17:20:09
მერაბ ჟორდანია ტიტულოვანი ავსტრიული კლუბის - ვენის "აუსტრიას" პრეზიდენტი იქნება. ამის შესახებ ადგილობრივი საიტები იტყობინებიან. საინტერესოა წერილი, რომელიც wien.orf.at-მა გამოაქვეყნა: მწვანე შუქი პარტნიორობისთვის "ვენის "აუსტრიას" ფინანსურ მომავალთან დაკავშირებით სიტუაციას წესით მალე უნდა მოეფინოს ნათელი. ახალი პარტნიორი ჯერ ოფიციალურად არ წარუდგენიათ, მაგრამ კლუბში ამბობენ, რომ მოლაპარაკება პოზიტიური შედეგით...

Bloomberg: პანდემიის დროს სურსათზე ფასების ზრდა სერიოზულ პრობლემად იქცა

Bloomberg: პანდემიის დროს სურსათზე ფასების ზრდა სერიოზულ პრობლემად იქცა
access_time2021-03-02 20:00:43
ბოლო თვეებში სასურსათო პროდუქტების ფასმა მაქსიმუმს მიაღწია და ექსპერტების აზრით, ვითარება ძვირი სურსათის ახალი „სუპერციკლისკენ“ მიდის. ეს მასობრივი უმუშევრობის და შემოსავლების კატასტროფული ვარდნის ფონზე ხდება. მომხმარებლებზე ზეგაგვლენას ზრდადი ინფლაციაც ახდენს. Bloomberg-მა გაანალიზა მდგომარეობა 5 ქვეყანაში, სადაც ფასების ზრდამ და ინფლაციამ განსაკუთრებით დიდ მასშტაბებს მიაღწია. ბრაზილია ეს არის ლათინური...

Foreign policy: უკრაინა რეფორმებზე უარს ამბობს

Foreign policy: უკრაინა რეფორმებზე უარს ამბობს
access_time2021-03-02 19:00:23
უკრაინაში საგარეო ვალი მუდმივად იზრდება, მაგრამ მთავრობა პრეზიდენტ ზელენსკის მეთაურობით ამ პრობლემას მხოლოდ აღრმავებს. საერთაშორისო სავალუტო ფონდი ხელისუფლებისგან ფინანსური დახმარების სანაცვლოდ რეფორმების ჩატარებას მოითხოვს, თუმცა, კიევი ამ მოთხოვნის იგნორირებას ახდენს და ამავე დროს ვალებს სულ უფრო აგროვებს. ეს საშიში სტრატეგიაა ქვეყნისთვის, რომელსაც ჰაერივით სჭირდება კარგი ურთიერთობები დასავლეთთან და საერთაშორისო ფინანსურ ორგანიზაციებთან. თანაც იმ დროს, როდესაც...

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს

სილქნეტის მომხმარებელი თამაშების პირველი ქართული პორტალით SILKGAMES.GE ისარგებლებს
access_time2021-03-02 12:00:35
გასართობი პორტალი SILKGAMES.GE მხოლოდ სილქნეტის მობილური ქსელის აბონენტებისთვის შეიქმნა და ყველა ჟანრის 500-ზე მეტი თამაში გააერთიანა. პორტალით სარგებლობა შესაძლებელია, როგორც სმარტფონისთვის, ისე პერსონალური კომპიუტერული მოწყობილობისთვის. Silk Games სერვისის 30 დღიანი სარგებლობის საფასური 5 ლარია. მობილური ნომრით რეგისტრირებული მომხმარებელი ავსებს ანგარიშს და სარგებლობს სერვისით შეუზღუდავად 24/7. იმ შემთხვევაში, თუ 31-ე დღეს...


მსგავსი სიახლეები

up