„ლელომ“ პარტიის სიის რიგითობა წარადგინა

„ლელომ“ პარტიის სიის რიგითობა წარადგინა

access_time2020-09-30 21:28:06

„ლელომ“ დღეს საქართველოს ეროვნულ მუზეუმში პროპორციული საარჩევნო სიის რიგითობა წარადგინა. ინფორმაციას „ლელო საქართველოსთვის“ პრესსამსახური ავრცელებს.


სიის პირველი ნომერი პარტიის თავმჯდომარე, მამუკა ხაზარაძეა. საპარლამენტო სიის თანმიმდევრობა საზოგადოების მოლოდინს ამართლებს - მეორე ნომრად ბადრი ჯაფარიძეა წარმოდგენილი. მას კი დავით უსუფაშვილი მოჰყვება. კვოტირების წესების მიხედვით, პარტიის სიის ყოველი მეოთხე კანდიდატი ქალია. მათ შორის პირველი, მეოთხე ნომრად, ანა ნაცვლიშვილია.


„ლელოს“ პირველი ოცდაათეული ასე გამოიყურება:


1. მამუკა ხაზარაძე
2. ბადრი ჯაფარიძე
3. დავით უსუფაშვილი
4. ანა ნაცვლიშვილი
5. ირაკლი კუპრაძე
6. ფიქრია ჩიხრაძე
7. კახა კოჟორიძე
8. გრიგოლ გეგელია
9. ლევან კობერიძე
10. საბა ბუაძე
11. გიგლა მიქაუტაძე
12. ლანა გალდავა
13. თამაზ დათუნაშვილი
14. ლევან სამუშია
15. გიორგი მორდეხაშვილი
16. მედეა მეტრეველი
17. მამუკა კაციტაძე
18. სოსო ვახტანგაშვილი
19. სოფო შამანიდი
20. გიორგი სიორიძე
21. ნიკოლოზ ჩერქეზიშვილი
22. თამარ შავგულიძე
23. გიორგი კანაშვილი
24. ალექსანდრე ახვლედიანი
25. ჯამბულ ხოზრევანიძე
26. მურად მურადოვი
27. ეკატერინე ქვლივიძე
28. პაატა ცივაძე
29. სოსო ლიპარტელიანი
30. თამარ ბელქანია


პარტიული სიის წარდგენის ღონისძიებაზე, „ლელოს დამფუძნებელი და სიის პირველი ნომერი, მამუკა ხაზარაძე დამსწრე საზოგადოების წინაშე სიტყვით გამოვიდა და განაცხადა, რომ გუნდი, რომელიც „ლელომ წარადგინა, მზადაა, „ხალხთან ერთად და ხალხისათვის იბრძოლოს ძირფესვიანი ცვლილებებისათვის ჩვენს ქვეყანაში.



ეს არის პატრიოტი პროფესიონალების გუნდი, ვისთვისაც მთავარია ქვეყნის გამარჯვება - საქართველოს გამოყვანა იმ კატასტროფული ეკონომიკური, სოციალური, პოლიტიკური და კულტურული, კრიზისიდან, რომელშიც აღმოვჩნდით „ქართული ოცნების დანაშაულებრივად უნიჭო, უვიცი, კორუმპირებული, უკვე მთლიანად დაჭაობებული 8 წლიანი მმართველობის შედეგად. ეროვნული მუზეუმი შემთხვევით არ ავირჩიეთ, ეს სწორედ ქართული სულიერების ერთ-ერთი კერაა. აქ დაცულია ჩვენი ისტორიის და კულტურის საგანძური - ხახულის კარედი. ერი, რომელსაც ასეთი გმირული ისტორია აქვს, შეუძლებელია, დიდხანს ამყოფოს უიმედობაში პატარა ჯგუფმა და მათმა ბელადმა, ვინც უკვე საბოლოოდ მოწყდა რეალობას. ქართველი ხალხი წარსულის უდიდესმა ტირანებმაც ვერ დაიმონეს. მით უმეტეს, გამორიცხულია, 21-ე საუკუნეში ვცხოვრობდეთ შუა საუკუნოვან საფეოდალოში, სადაც მხოლოდ თვით ეს ფეოდალი და მასთან დაახლოებული პირები მდიდრდებიან და დასცინიან კიდეც თავის ხალხს.



ჩვენ აუცილებლად დავანგრევთ ამ დაჭაობებულ სისტემას 31 ოქტომბერს!,“-განაცხადა მამუკა ხაზარაძემ.



მისი თქმით, ქართველი ერი აღიდგენს ღირსებას, იქნება ყოველმხრივ წარმატებული. ააშენებს მაღალტექნოლოგიურ, ინოვაციურ, თანამედროვე სახელმწიფოს, მაგრამ არ დაკარგავს წინაპართა მემკვიდრეობას - დიდ ისტორიულ ტრადიციებსა და კულტურას, როგორც ეს შეძლო იაპონელმა ერმა.




„ლელოს“ საარჩევნო სიის თითოეული წევრისთვის პოლიტიკოსობა თვითმიზანი არასდროს ყოფილა. ჰქონდათ საყვარელი საქმე, სამუშაო, დიდი პერსპექტივები. მაგრამ ჩვენ ერთად გადავწყვიტეთ, რომ შევქმნათ „ახალი ძალა და ახალი იმედი ქვეყნისთვის, ყველა მოქალაქისთვის;
ჩვენ ვართ ერთადერთი რეალური ძალა.



ჩვენ აუცილებლად შევცვლით რეალობას ძლიერი გუნდით, რომელიც მოდის ქვეყნის ხელისუფლებაში საქმის საკეთებლად ისე, რომ აი ამ ადგილიდან სულ რამდენიმე მეტრში, სადაც ახლა ვიმყოფებით - აღარასოდეს დაიღვაროს სისხლი.




ლელო ერთადერთი პარტიაა, რომელმაც ქვეყნის კრიზისიდან გამოსაყვანად ამომრჩეველს შესთავაზა არა უბრალოდ დაპირებები, არამედ დაწერილი პროგრამა, - „მარშალის გეგმა“.




ამ გეგმის შესრულება ჩემი და ჩემი თანაგუნდელების პირადი ღირსების საქმეა! ბევრი ბიზნესი ამიშენებია და სიტყვა არასდროს გამიტეხავს, მით უმეტეს, წარმოუდგენელია ჩემთვის და ჩვენი გუნდისთვის იმ სიტყვის გატეხვა, რომელიც ჩვენს ხალხს მივეცით. ჩვენ ზუსტად ვიცით როდის და როგორ ვაკეთოთ საქმე!



დაგეგმილი გვაქვს ყველა ნაბიჯი: როგორ დავასტაბილუროთ ლარი, როგორ დავეხმაროთ მცირე ბიზნესს და შევქმნათ სამუშაო ადგილები, მივცეთ ადამიანებს საშუალება, ეპიდემიასთან ბრძოლის დროს, ახლიდან გააფორმონ სესხები ბანკებთან ბევრად უკეთესი პირობებით.
უკვე ახალი წლიდან დავიწყებთ რადიკალურ რეფორმებს ეკონომიკის, სოფლის მეურნეობის, განათლების სფეროში. შეიქმნება 200 000 ახალი სამუშაო ადგილი, 600 000 მოქალაქეს ყოველთვიურად ექნება 3 000 ლარი შემოსავალი; ქვეყნის ეკონომიკა გაორმაგდება და მიაღწევს 100 მილიარდ ლარს. მარშალის გეგმის მიხედვით, საქართველოს გადავაქცევთ რეგიონის ფინანსურ, ლოჯისტიკურ და სატრანსპორტო ცენტრად; აღვადგენთ ტურიზმს, განვაახლებთ ანაკლიის პორტის მშენებლობას, რაც, ყველა სხვა სიკეთესთან ერთად, მოგვცემს საშუალებას დავიწყოთ „ახალი დიალოგი აფხაზ და ოს თანამოძმეებთან,“-აღნიშნა ხაზარაძემ.



„ლელოს“ თავმჯდომარემ ღონისძიების დასასრულს ამომრჩეველს მიმართა და მოუწოდა, რომ მათ ხელთ არსებული შანსი გამოიყენონ და აირჩიოს გუნდი, რომელმაც იცის, როგორ გააკეთოს საქმე.




ყველა თქვენგანს, თქვენი ხმით, შეგიძლიათ დაიწყოთ საქართველოს ახალი, წარმატებული ისტორია, გამოიყვანოთ ქვეყანა 30 წლიანი „ჩაკეტილი წრიდან. არ მისცეთ საშუალება წარსულის აჩრდილებს, დაგტოვონ უიმედო სიბნელეში - ხმა მიეცით სიახლეს, ცოდნას, პროფესიონალიზმს და წარმატებას, ჩვენი ქვეყნის მომავალს, რომელშიც გვინდა გაიზარდონ ჩვენი შვილები!
ხმა მიეცით „ლელოს“!



ჩვენ ერთად გავიმარჯვებთ!“ - განაცხადა მამუკა ხაზარაძემ.



NS







„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up