Le Monde: გლობალური ფინანსური ინსტიტუტები თანამშრომელთა გადაღლილობას ებრძვიან

Le Monde: გლობალური ფინანსური ინსტიტუტები თანამშრომელთა გადაღლილობას ებრძვიან

access_time2021-06-07 20:00:15

მარტში სოციალური ქსელებში შემაშფოთებელი ამბავი გამოქვეყნდა, საინვესტიციო ბანკ Goldman Sachs-ის 13 ახალგაზრდა თანამშრომელი ნერვიული აშლილობის ზღვარზე აღმოჩნდა. წლის დასაწყისიდან ისინი კვირაში 98 საათს მუშაობდნენ და დღე-ღამეში მხოლოდ 5 საათი ეძინათ.



„რაღაც მომენტში მე უკვე არაფერს ვჭამდი, შხაპს არ ვიღებდი, არ მეძინა, მუშაობის გარდა არაფერს ვაკეთებდი“ - იხსენებს ერთ-ერთი თანამშრომელი.



„მე ობოლთა თავშესაფარში ვცხოვრობდი, მაგრამ Goldman Sachs უარესია. ეს არაადამიანურია და მე ბნელი აზრები ხშირად მიჩნდება“ - ამბობს კიდევ ერთი დაზარალებული.



„კოვიდის გამო ბანკის თანამშრომლებს სამუშაო მოემატათ“ - ამბობს ლონდონის უნივერსიტეტის პროფესორი დენიელ იბანეზი. მისი თქმით, კრიზისის დროს ბანკებმა, მათ შორის Goldman Sachs-მა თანამშრომლების აყვანა შეაჩერეს და ახალგაზრდა სპეციალისტებისგან მეტის მოთხოვნა დაიწყეს, თანაც იგივე ხელფასზე.

„გამოცდილი ფინანსისტი სახლშია ჩაკეტილი. არავითარი მივლინებები, არავითარი ოფისი, რა უნდა აკეთოს მან თავისუფალ დროს? ჩაატაროს შეხვედრები Zoom-ში და კლიენტებს ახალი გარიგებები შესთავაზოს. ქვეშემდგომები კი, რომლებიც ამ პროცესში მონაწილეობენ, მუდმივ კავშირზე უნდა იყვნენ უფროსთან ან კლიენტისგან დამატებითი დავალებების მოლოდინში. ეს კი ნიშნავს მუდმივ ზეგანაკვეთურ მუშაობას, თანაც დამატებითი ანაზღაურების გარეშე“, - აღნიშნავს პროფესორი.



ვითარებას ისიც ართულებს, რომ შეწყდა წვეულებები, სადაც ტოპ-მენეჯერები დროს რიგითებთან ერთად ატარებდნენ და სადაც ახალგაზრდა თანამშრომლებს შორის მეგობრობა ყალიბდებოდა.

პენსილავანიას უნივერსიტეტის პროფესორი ალექსანდა მიშელი იხსენებს თავად როგორც მუშაობდა Goldman Sachs-ში.

„თავიდან, როდესაც თქვენ კვირაში 100 საათი მუშაობთ, ფიქრობთ, რომ ფინანსურ ელიტას უერთდებით. ძალიან ბევრ ჭკვიან ადამიანს ხვდებით, მათგან ძალიან ბევრს სწავლობთ, თუმცა, 4 წლის შემდეგ თქვენი განწყობები რადიკალური იცვლება, ხოლო 6 წლის შემდეგ ძალებიც გეცლებათ, თქვენი კრეატიულობა უკვალოდ ქრება“ - იხსენებს ის.




საინვესტიციო ბანკის ყოფილი თანამშრომლის თქმით, გადაღლილ ახალგაზრდა ბანკირებს ერთი და იგივე სიმპტომები აწუხებთ: წონის მატება, დეპრესია, უძილობა.



პანდემიის თაობის რისხვის წინაშე აღმოჩენილი მსხვილი ფინანსური ინსტიტუტები თანამშრომელთა მუშაობის რეჟიმის შემსუბუქების ინიციატივებით გამოდიან.



Goldman Sachs-ის გენერალურმა დირექტორმა დევიდ სოლომონმა განაცხადა, რომ დაამტკიცებს შაბათს უპირობო დასვენების დღედ, როდესაც თანამშრომელთა შეწუხება აკრძალული იქნება. გარდა ამისა, ბანკი ყველაზე გადატვირთული განყოფილებებისთვის ახალ თანამშრომლებს აიყვანს.



საინვესტიციო ფონდი Apollo ყველაზე გულუხვი აღმოჩნდა, მენეჯმენტმა თანამშრომლებს 100-და 200 ათას დოლარამდე შესთავაზა 2022 სექტემბრამდე გარანტირებული მუშაობის სანაცვლოდ.



Dartmouth Partners-ის სპეციალისტი საკადრო საკითხებში ალექს კროფტი პროგნოზირებს მსხვილი ფინანსური ინსტიტუტებიდან კადრების გადინების ზრდას და შესაბამისად, ვალებში ჩაფლული სტუდენტების ახალი თაობის გამოჩენას, რომელიც მათ ჩაანაცვლებს.



„საშუალო რგოლის თანამშრომელთა მდგომარეობას ისიც ართულებს, რომ თამაშის წესებს გადამხდელი ანუ კლიენტი განსაზღვრავს. თუ კლიენტს თქვენთან შუაღამეს გასაუბრება სურს, ის ასეც მოიქცევა. გარდა ამისა, ბანკირებს „ბაზრის ერთდროულობის“ სჯერათ, მათ სურთ მუდმივ ჰარმონიაში ყოფნა ნიუ-იორკთან, პარიზთან და ჰონკონგთან, დროში განსხვავების მიუხედავად და ახალგაზრდა თანამშრომლებმა ამ ფაქტორის გათვალისწინებით უნდა იცხოვრონ“ - მიიჩნევს კროფტი.



იბანეზის აზრით, ტოპ-მენეჯერებმა მიდგომა უნდა შეცვალონ და ქვეშემდგომებს უფრო ჰუმანურად მოექცნენ. როგორც ჩანს, ამას მიხვდნენ Citigroup-ში, სადაც პარასკევობით თანამშრომლებს შორის საუბრები Zoom-ში აიკრძალა, Barclays -ში კი „დაცული შაბათები შემოაქვთ.


lemonde.fr

თენგიზ აბლოთია




ლარი ყველა ძირითად საერთაშორისო ვალუტასთან გაუფასურდა

ლარი ყველა ძირითად საერთაშორისო ვალუტასთან გაუფასურდა
access_time2021-07-28 18:00:31
28 ივლისის ვაჭრობის შედეგად ლარი აშშ დოლართან მიმართებაში 1.60 თეთრით 3.1052-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.0963 შეადგინა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 2.54 თეთრით 3.6663-მდე, ბრიტანულ ფუნტთან 5.03 თეთრით 4.3091-მდე, თურქულ ლირასთან 0.25 თეთრით 0.3629-მდე, აზერბაიჯანულ მანათთან 0.80 თეთრით 1.8239-მდე, 100 რუსულ რუბლთან 3.40 თეთრით 4.2235-მდე, 1000 სომხურ დრამთან...

ლაშა ბექაური ოლიმპიური ჩემპიონია

ლაშა ბექაური ოლიმპიური ჩემპიონია
access_time2021-07-28 15:30:11
21 წლის ქართველმა ძიუდოისტმა ლაშა ბექაურმა, 90 კგ წონით კატეგორიაში ტოკიოს ზაფხულის XXXII ოლიმპიურ თამაშებზე ოქროს მედალი მოიპოვა. ქართული დელეგაციისთვის ეს მესამე მედალია. ვაჟა მარგველაშვილმა და 2012 წლის ოლიმპიურმა ჩემიონმა ლაშა შავდათუაშვილმა ვერცხლის მედლები მოიპოვეს. 90 კგ-იანი წონითი კატეგორია ქართველი ძიუდოისტებისთვის განსაკუთრებულად წარმატებულია. 2004 წელს, დამოუკიდებელი საქართველოს ისტორიაში, პირველი ქართველი ოლიმპიური ჩემპიონი ზურაბ ზვიადაური სწორედ ამ წონაში...

„ქართულმა ოცნებამ“ შარლ მიშელის შეთანხმება გაუქმებულად გამოაცხადა

„ქართულმა ოცნებამ“ შარლ მიშელის შეთანხმება გაუქმებულად გამოაცხადა
access_time2021-07-28 14:50:07
პარტია „ქართული იცნების“ თავმჯდომარემ ირაკლი კობახიძემ შარლ მიშელის შუამავლობით მიღწეული 19 აპრილის შეთანხმება გაუქმებულად გამოაცხადა. კობახიძის განცხადებით მათთვის დადებული პირობის ცალმხრივად ერთგულება მიუღებელია. როგორც მმართველი პარტიის თავმჯდომარემ აღნიშნა საერთაშორისო პარტნიორებს ოპოზიციურ პარტიებისთვის შეთანხმებაზე ხელმოწერა მკაცრად არ მოუთხოვიათ და ამ ფონზე დოკუმენტის მიმართ ცალმხრივ ერთგულებას მათ ამომრჩეველი არ აპატიებდათ. კობახიძის...

რუსეთ–საქართველოს შორის ავიამიმოსვლის აღდგენის საკითხი შემოდგომაზე განიხილება

რუსეთ–საქართველოს შორის ავიამიმოსვლის აღდგენის საკითხი შემოდგომაზე განიხილება
access_time2021-07-28 17:00:06
რუსეთი მზად არის საქართველოსთან ავიამიმოსვლის განახლების საკითხის განსახილველად, განაცხადა რუსეთის ფედერაციის საბჭოს საერთაშორისო საკითხთა კომიტეტის თავმჯდომარემ გრიგორი კარასინმა. „ჩვენ მზად ვართ ამის (ავიამიმოსვლის აღდგენის პრობლემა) განსახილველად. ვფიქრობ, ადრე თუ გვიან ეს საკითხი გადაწყდება“, – განაცხადა სენატორმა, რომელსაც რუსული სააგენტო ТАСС ციტირებს. ამასთან, კარასინს გაუჭირდა ავიამიმოსვლის განახლების კონკრეტული ვადების დასახელება....

ჰუალინგის თიზ–ისა და BB ლიზინგის ერთობლივი შეთავაზება მეწარმეებს

ჰუალინგის თიზ–ისა და BB ლიზინგის ერთობლივი შეთავაზება მეწარმეებს
access_time2021-07-28 15:45:22
ჰუალინგის თავისუფალ ინდუსტრიულ ზონასა და ბბ ლიზინგს შორის მნიშვნელოვან პარტნიორობას ჩაეყარა საფუძველი, რომელიც შესაძლებლობას აძლევს დაინტერესებულ მეწარმეებს ისარგებლონ ჰუალინგ ჯგუფში შემავალი ამ ორი კომპანიის მიერ შექმნილი ერთობლივი უნიკალური შეთავაზებით. შეთავაზებაში მოიაზრება ჰუალინგის თიზ-ში, საწარმოო პროექტებისათვის აუცილებელი მანქანა-დანადგარების ლიზინგის განსაკუთრებული პირობებით დაფინანსებას და ბიზნესისთვის ინფრასტრუქტურულად მოწესრიგებულ საწარმოო სივრცეებით...


მსგავსი სიახლეები

up