უკრაინის გენერალურმა პროკურორმა ირინა ვენედიქტოვამ გამოაცხადა, რომ გავლენიანი პრორუსი დეპუტატები და მეწარმეები ვიქტორ მედვედჩუკი და ტარას კოზაკი სახელმწიფო ღალატში არიან ეჭვმიტანილები.

ეს უკრაინას და რუსეთს შორის დაძაბულობის და ქვეყნის საზღვრებთან ათობით ათასი რუსი ჯარისკაცის მობილიზების ფონზე ხდება.

66 წლის ვიქტორ მედვედჩუკი - ერთ-ერთი ყველაზე გავლენიანი ადამიანია უკრაინაში. ოლიგარქი, რომლის ქონებაც 620 მლნ. დოლარს შეადგენს, ამავე დროს პრორუსული პარტიის „ოპოზიციური პლატფორმას“ ლიდერია. ის ასევე ვლადიმერ პუტინის ახლო მეგობარი და მისი ქალიშვილის ნათლიაა.

მედვედჩუკი უკრაინაში პუტინის არაოფიციალურ წარმომადგენლად ითვლება, და ქვეყნის ცენტრალურ ხელისუფლებას მუდმივად აკრიტიკებს იმის გამო, რომ მან  ომის შესაჩერებლად არაფერი გააკეთა.

პუტინის ემისარად ცნობილი ბიზნესმენი-პოლიტიკოსი ასევე მხარს  რუსეთის მიერ წარდგენილ უკრაინის ფედერალიზების გეგმას უჭერს.

უკრაინის სახელმწიფო უშიშროების სამსახურის ინფორმაციით, ოლიგარქმა რუსეთის პრეზიდენტის ადმინისტრაციის უფროსს დმიტრი კოზაკს დონბაზსე უკრაინული ჯარის განლაგების თაობაზე საიდუმლო ინფორმაცია მიაწოდა.

„ეს აბსურდია“ - ამბობს მედვედჩუკი, რომელიც საკუთარ თავს პოლიტიკური რეპრესიების მსხვერპლად აცხადებს.

„მე არსად მიმალვას არ ვაპირებ, თავს დავიცავ იმიტომ, რომ უდანაშაულო ვარ“ - განაცხადა მან.

ახალი ბრალდებები - იმის ნათელი დადასტურებაა, რომ კიევი ქვეყანაში რუსულ გავლენასთან ბრძოლისთვის მზადაა. ჯერ კიდევ 3 თვის წინ მედვედჩუკის წინაამღდეგ სანქციები აშშ-მ შემოიღო, შემდეგ უკრაინის ხელისუფლებამ მისი ფინანსური აქტივები დააყადაღა და მისი კუთვნილი 3 ტელეარხი დახურა.

უკრაინაში არავინ ელოდა, რომ პუტინის პროტეჟეს დღევანდელი პრეზიდენტის, ვლადიმერ ზელენსკის დროს დააპატიმრებენ.

უკრაინელები დიდი ხნის მანძილზე კითხვას სვამდნენ - რატომ არ არის მედვედჩუკი ამდენი ხანი დაპატიმრებული? თუმცა, ის  რომ ზელენსკიმ მისი დაკავება გაბედა - ბევრს გაუკვირდა.

უკრაინის დღევანდელი პრეზიდენტი ხელისუფლებაში ომის დასრულების და რუსეთთან შეთანხმების მიღწევის ლოზუნგებით მოვიდა, მაგრამ მისი რიტორიკა მკვეთრად შეიცვალა იმის შემდეგ, რაც ის მიხვდა, რომ კრემლისგან ვერაფერს მიიღებს.

შეტევა მედვეჩუკზე სწორედ მაშინ დაიწყო. სიგნალიც საკმაოდ ნათელია - ყველამ იცის, რომ თავდასხმა მედვედჩუკზე პუტინზე თავდასხვმასაც ნიშნავს.

lemonade.fr

თენგიზ აბლოთია