საბავშვო საავადმყოფოს Rainbow Childrens Hospital-ის დირექტორმა დაწერა Twitter-ში, რომ 1, მაქსიმუმ 2 დღეში კლინიკა ჟანგბადის გარეშე დარჩება, რაც 30 ახალშობილის სიცოცხლეს რისკის ქვეშ აყენებს.
ისევე, როგორც ინდოეთის თითქმის ყველა სამედიცინო დაწესებულებისთვის, Rainbow Childrens Hospital-ისთვის რბოლა ჟანგბადისთვის ყოველდღიურ რეალობად იქცა.
საავადმყოფო Batra Hospital-ში 1 დღეში ჟანგბადის დეფიციტის გამო 12 პაციენტი და ექიმი გარდაიცვალა. ყოველ დღე სატვირთო თვითმფრინავებს მთელი მსოფლიოდან ინდოეთში ხელოვნური სუნთქვის აპარატები, ჟანგბადის ბალონები და რესპირატორები ჩამოაქვს, თუმცა, დელიში და პადნემიით დაზარალებულ სხვა დიდქალაქებში ტრანსპორტირებას გარკვეული დრო სჭირდება, დრო კი ინდოეთს დღეს არა აქვს.
ამ დროისთვის ქვეყანაში 20 მლნ.-ზე მეტი დაინფიცირების შემთხვევა დაფიქსირდა, გარდაცვლილთა რაოდენიობამ კი 200 000-ს გადააჭარბა.
ნიუ-დელი იხჩობა ჟანგდაბის გარეშე. კორონავირუსით დაავადებულები ჟანგბადის ბალონების ნებისმიერი გზით შოვნას ცდილობენ, სხვები კი საავადმყოფოებში თავისუფალ ადგილებს ვერ პოულობენ. გადავსებული საავადმყოფოები პაციენტებს უკვე არ ღებულობენ, სულ უფრო მეტი კლინიკა კარებს უბრალოდ კეტავს და შინ არავის უშვებს.
მთავრობის მიერ გამოცხადებულმა კარანტინმა წესით პანდემიის ძალა უნდა შეამციროს, თუმცა ეს ინდოეთია, აქ ჟანგბადი დეფიციტია ყოველგვარი კორონას გარეშე, პირდაპირი მნიშვნელობით.
აქ სხვა ქვეყნებისგან განსხვავებით კიდევ ერთი პრობლემა არსებობს. დღეს ნიუ-დელის სახლებში გარედან შავი მტვერი შედის, ეს კვამლია კოცონებისგან, რომლებშიც კორონავირუსის მსხვერპლებს წვავენ. სუნთქვა ჯანმრთელი ადამიანებისთვისაც კი მნიშვნელოვნად გართულებულია, დაავადებულებისთვის კი ეს სიკვდილის ალბათობას ზრდის.
ბოლო დღეებში ინდოეთში გაზეთები შეფერხებით გამოდიან, კორონავირუსს უკვე 150 ჟურნალისტი შეეწირა. სოციალური ქსელი Twitter სიკვდილის ჟურნალად იქცა, იქ რეგულარულად ქვეყნდება კულტურის მოღვაწეების, მწერლების, მსახიობების, პოლიტიკოსებს, ჟურნალისტების და რიგითი ადამიანების სახელები, ვინც კორონავირუსმა მოკლა.
ასევე Twitter-ის მეშვეობით რიგითი ინდოელები საზოგადოებისგან დამხარებას ითხოვენ ისეთპრობლემურ საკითხებში, როგორც საავადმყოფოში მოხვედრა, ჟანგბადის, პლაზმის და წამლების შოვნაა. ყოველდღიურად იზრდება რიგები აფთიაქებთან, კლიენტებს დისტანციის დაცვა, შეკვეთის გარედან გაკეთება და ანგარიშსწორება მხოლოდ ბარათებით უწევთ.
რესტორნების დახურვამ შიმშილის ზღარზე ათასობით უპარტონო ცხოველი, ძაღლები, კატები, მაიმუნები და ძროხები დატოვა, რომლების ნიუ-დელის ქუჩებში საჭმელის ძებნაში დარბიან.
საცხოვრებელ კვარტლებში სპეციალური ავტომობილები მოძრაობენ, რომლებიც მოსახლეობას შექმნილ ვითარებას ახსენებენ და ყველას სახლებში დარჩენას ურჩევენ. თუმცა, ეს უკვე სრულიად ზედმეტია, ინდოეთში ავადმყოფობის და სიკვდილის სურნელი ტრიალებს და ადამიანებს ყოველგვარი გაფრთხილების გარეშე ისედაც სადმე გასვლის ეშინიათ. სიფრთხილეს ის მცირერიცხოვანი ჯგუფიც კი იჩენს, რომელმაც ვაქცინაცია გაიარა.
le monde
თენგიზ აბლოთია