იმ დროს, როდესაც 40 ქვეყანამ ბრიტანეთთან საზღვრები დაკეტა და ქვეყნის კლინიკების მესამედი პანდემიის პირველ ტალღასთან შედარებით მეტ კოვიდ-პაციენტს მკურნალობს, სამეფოს პრემიერ-მინისტრმა ბორის ჯოსნონმა თავის პრეს-კონფერენციაზე განაცხადა - .„მინდა ჩვენ საზღვრებზე, შექმნილი ვითარება შევაჯამო“.
კორონავირუსის ახალი შტამის გავრცელების შეკავების მიზნით საფრანგეთმა ინგლისთან საზღვარი მთლიანად, მათ შორის სატვირთო გადაზიდვებისთვის, მთლიანად დაკეტა. ამან ბრიტანეთის პარალიზება გამოიწვია, რადგანაც სწორედ საფრანგეთის საზღვარზე, საზღვაო პორტ დუვრში და ლა მანშის გვირაბის ბრიტანულ მხარეზე არსებულ ლოგისტიკურ ცენტრში, ქვეყნის ტვირთნაკადის 30%-ს გადამუშავება ხდება.
ამ 2 წერტილის გავლით წელიწადში 4 მლნ.-ზე მეტი სატვირთო ავტომობილი გადაადგილდება, საფრანგეთ-ბრიტანეთის საზღვარზეა დიდწილად დამოკიდებული სამეფოს როგორც ექსპორტი, ასევე იმპორტი და ქვეყნის მომარაგება. ბრიტანეთში მაღალია სურსათის იმპორტზე დამოკიდებულება და თუ ვითარება საზღვარზე არ მოგვარდა, ქვეყანას პირველად მე-2 მსოფლიო ომის შემდეგ დეფიციტი ემუქრება.
ბორის ჯონსონის მხრიდან საზღვარზე შექმნილი ვითარებისადმი ასეთი დიდი ყურადღება ამ საკითხის მნიშვნელობას ადასტურებს. ამ წუთებში დუვრისკენ მოძრაობს ზღვის პროდუქტების შოტლანდიური მწარმოებლის.
Loch Fyne-ს სატვირთო მანქანები. კომპანია საშობაოდ ევროპის სხვადასხვა ქვეყნებში ომარების გაყიდვას გეგმავდა და პროდუქციის მალფუჭებადობის გამო Loch Fyne-ს მენეჯმენტს ძალიან ცოტა დრო აქვს.
„ეს კატასტროფაა. საზღვრისკენ მიემართება ასობითათასი ფუნტის ღირებულების საქონელი, დუვრი და გვირაბი კი ბლოკირებულია. რა გვეშველება?“ - ჩივიან კომპანიის მფლობელები.
იმის შემდეგ, რაც კორონავირუსის ახალი შტამის თაობაზე ინფორმაცია გავრცელდა, ბრიტანეთი სრულიად იზოლირებული აღმოჩნდა. 40 ქვეყანამ დახურა საზღვრები ნებისმიერი ტრანსპორტისთვის.
მათ შორის ბრიტანეთის მთავარი სატრანზიტო პარტნიორი საფრანგეთია, რომელიც სატვირთო მანქანებს თავის ტერიტორიაზე არ უშვებს იმის შიშით, რომ ბრიტანელი მძღოლები შესაძლოა ვირუსის მატარებლები აღმოჩნდნენ.
ბორის ჯონსონმა ქვეყნის მოქალაქეები იმით დაამშვიდა, რომ კვების პროდუქტების, წამლების და სხვა სტრატეგიულად მნიშვნელოვანი საქონლის დიდი ნაწილი ქვეყანაში შეუფერხებლად შემოდის - საზღვაო კონტეინერებში. შეზღუდვები მხოლოდ სატვირთო ავტომობილებს ეხება.
დუვრში და ლა მანშის ლოგისტიკურ ცენტრში შექმნილმა ქაოსმა ბრიტანეთში ბევრი კითხვა გააჩინა. სწორედ ეს სასაზღვრო პუნქტები იყო ბრექსიტთან დაკავშირებული მოლაპარაკებების ერთ-ერთი საგანი, ლონდონს და ევროკავშირს შორის ახალი სავაჭრო შეთანხმების დადების შემდეგ, 2021 წლის 1 იანვრიდან საფრანგეთის საზღვარზე საქონლის შემოწმების ახალი, შედარებით უფრო რთული და ხანგძლივი პროცედურები ამოქმედდება.
დუვრის პორტისთვის ეს შესაძლოა პრობლემა გახდეს.
ბრიტანელები ეჭვობენ, რომ დღევანდელი ვითარება საზღვარზე იმის დემონსტრაციაა, ქვეყანას უახლოეს მომავალში რა მოელის. ინგლისის ყველაზე პოპულარულმა ტაბლოიდმა The Sun-ma ცალსახადასკვნა გააკეთა - „ფრანგები არავითარ მოწყალებას არ ავლენენ!“.
თუმცა, ალბათ, რეალური მიზეზი გაცილებით პროზაულია - მარტისგან განსხვავებით, ახალი, დაუფრო საშიში ვირუსი ბრიტანეთიდან მოდის, და ევროკავშირი მისგან თავის დაცვას ცდილობს.
ემანუელ მაკრონი ამ საკითხზე ბორის ჯონსონს უკვე ესაუბრა და სწრაფი გადაწყვეტილების მოძიებას დაპირდა. ახალი სანიტარული პროტოკოლი სავარაუდოდ მომავალი სამშაბათისთვის შემუშავდება, სატვირთო ავტომობილების მძღოლებს ალბათ PCR-ტესტების გაკეთება მოუწევთ.
lemond.fr
თენგიზ აბლოთია