Le Monde: ალპების მთებში რუსი მკვლელების ბაზა აღმოაჩინეს

Le Monde: ალპების მთებში რუსი მკვლელების ბაზა აღმოაჩინეს

access_time2019-12-08 20:00:01

 

2018 წელს ბრიტანულმა, ფრანგულმა, და შვეიცარიულმა სპეცსამსახურებმა ამერიკელ კოლეგებთან თანამშრომლობით, დაიწყეს უპრეცედენტო ოპერაცია,რომლის დროსაც გამოვლინდა რუსეთის სამხედრო დაზვერვის 15 ოფიცერი - ისინი არიან ერთი ქვედანაყოფის წევრები, რომელთა სპეციალიზაცია იყო მკვლელობები და რომლებიც გადაადგილდებოდნენ ევროპაში 2014-2018 წლებში.

 

სპეცსამსახურების მობილიზება დაიწყო ინგლისის ქალაქ სოლსბერიში დაზვერვის ორი ოფიცრის მიერ საბჭოთა პერიოდში დამუშავებული ნერვულ-პარალიტიკური გაზის გამოყენებით მათი ყოფილი კოლეგის სეგრეი სკრიპალის და მისი ქალიშვილის მოწამლვის შემდეგ.

 

მასშტაბური სპეცოპერაციის დროს გამოვლინდა, რომ 15 მკვლელი ხშირად ჩადიოდა საფრანგეთში. ისინი ჩერდებოდნენ ალპებთან ახლოს მდებარე პატარ-პატარა ქალაქებში. ამ ეტაპზე ბევრი კითხვა რჩება პასუხგაუცემელი, თუმცა, ცნობილია რომ, საფრანგეთის კონტრდაზვერვის მონაცემებით, სწორედ ალპური რეგიონი ზემო სავოია იყო მათი სარეზერვო და მატერიალურ-ტექნიკური ბაზა.

 

თავად საფრანგეთში ეს ჯგუფი არ მოქმედებდა, სავარაუდოდ იმის გამო , რომ ხელძღვანელობას არ სურდა საბაზო ბანაკისთვის ადგილობრივი ხელისუფლების ყურადღების მიპყრობა - ალპურ ქალაქებში ჯგუფი ინახავდა იარაღს და სხვა მატერიალურ-ტექნიკურ საშუალებებს, იქვე მისი წევრები გროვდებოდნენ და ამუშავებდნენ გეგმებს.

 

გამოძიების მონაცემებით, ეს 15 აგენტი მიმაგრებული იყო სამხედრო დაზვერვის სპეციალისტების მომზადების ცენტრთან, რომელიც ცივი ომის დროს ამზადებდა კომუნისტ-პარტიზანებს აზიის, აფრიკის, და ცენტრალური ამერიკის ქვეყნებისთვის.

 


სსრკ-ს დაშლის შემდეგ ის გადავიდა იატაკქვეშ და ძირითადად დაკავებულია მკვლელობებით, საბოტაჟით და სხვა საიდუმლო ოპერაციებით.

 

გამოვლენილი აგენტების ნაწილის სახელები უკვე გაჟღერდა მედიაში - კერძოდ, ჟურნალისტური გამოძიებების საიტმა Bellingcat-მა დაასახელა სოლსბერის მოწამლვის ორგანიზატორები და შემსრულებლები. მათ შორის ერთ-ერთი - ვინმე დენის სეგრეევი მონაწილეობდა ბულგარეთში კრემლისადმი მტრულად განწყობილი იარაღით მოვაჭრე ემელიან გებრევის მკვლელობის მცდელობაში 2015 წლის 28 აპრილს.

 

Bellingcat-მა და გერმანულმა გაზეთმა Der Spiegel-მა სწორედ ბულგარეთის წარუმატებელი ოპერაციის გამოძიების პროცესში მოახდინა ჯგუფის კიდევ 6 წევრის იდენტიფიცირება - ეს ოფიცრები მონაწილეობდნენ სხვა მისიებში, მაგალითად, ყირიმის ანექსიის ოპერაციაში და მოლდავეთში დესტაბილიზაციის კამპანიაში.

 

ბრიტანეთის სპეცსამსახურების მონაცემებით, მათ შორის ერთ-ერთი, სერგეი პავლოვი, ასევე შემჩნეული იყო ბრიტანეთშიც 2017 წლის დროს, ზუსტად მაშინ, როდესაც მოწამლეს სკრიპალები.

 

სადღეისოდ უკვე ცნობილია ჯგუფის ყველა წევრის სახელები, თუმცა, სავარაუდოდ, ყველა ეს სახელი სინამდვილეში ფსევდონიმია.

 

თუმცა, როგორც ჩანს ეს ისტორია ჯერაც არ დასრულდა - ფრანგული დაზვერვის აზრით, ზემო სავოია დღესაც რჩება ზურგის ბაზად რუსეთის სამხედრო დაზვერვის საიდუმლო ოპერაციებისთვის ევროპაში.

 

გამოვლენილ ქვედანაყოფს არ ჰქონდა არანაირი შეხება სამხედრო დაზვერვის სხვა ჯგუფებთან - მაგალითად, იმასთან, რომელიც იყო დაკავებული კიბერ-შპიონაჟით, და ასევე გადაადგილდებოდა ზემო სავოიას რეგიონში.

 

საფრანგეთის კონტრდაზვერვამ აღმოაჩინა კიდევ ერთი ჯგუფი, რომელიც დაკავშირებულ იყო კიბერ-შეთევებთან საერთაშორისო ანტიდოპინგურ სააგენტოზე.

 

ასევე მკვლელების ჯგუფი თავს იკავებდა ყოველგვარი კონტაქტებისგან სხვა რუს შპიონებთან, რომელიც მუშაობენ საფრანგეთში საელჩოებში და საკონსულოებში.


თეგები:
Le Monde



„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“

„რატომ არის კვება ორგანიზმისთვის უმნიშვნელოვანესი ფაქტორი ვირუსულ პერიოდში?“
access_time2020-11-24 16:25:46
მწვავე პანდემიურ პერიოდში აუცილებელია ვიზრუნოთ პატარების იმუნიტეტისა და ორგანიზმის მოძლიერებაზე. ბავშვებისთვის ვიტამინებისა და...

24 ნოემბერი - რეგიონში ქართული ლარი და თურქული ლირა გაუფასურდა

24 ნოემბერი - რეგიონში ქართული ლარი და თურქული ლირა გაუფასურდა
access_time2020-11-24 18:15:33
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 24 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.3193 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-24 21:00:28
დღის Top 10 საინტერესო ამბავი: 1.„პოლიტიკური სტაბილურობა და დემოკრატიული გარემო ინვესტორისთვის პრიორიტეტია და მხოლოდ მთავრობის ბენეფიტების გამო არ შემოვა“ ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ...

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?

როგორ მოვამზადოთ ბიზნესი ან მაღაზია მოსალოდნელი „კარანტინისთვის“?
access_time2020-11-24 14:40:04
პანდემიის მეორე ტალღა პირველთან შედარებით გაცილებით მძიმე ჩანს. ინფიცირებულთა მაჩვენებელი ყოველდღიურად მატულობს და ახალ ანტირეკორდებს ხსნის, რაც ზოგად მდგომარეობას საკმაოდ...

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“

„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
access_time2020-11-24 17:30:23
ვაგრძელებთ წერილების ციკლს, რომელსაც ერთადერთი მიზანი აქვს - ერთი პატარა აგური მაინც დაიდოს ქართული ფეხბურთის უკეთესი მომავლის საქმეში. თქვენს წინაშეა მორიგი წერილი, რომელიც, ალბათ, ბევრს გაანაწყენებს კიდეც, მაგრამ თავს იმთავითვე იმით დავიმშვიდებ, რომ ქართული ფეხბურთის დღევანდელი მდგომარეობის გათვალისწინებით აღარავის ფერების დრო აღარ არის... ...დიახ, აღარ არის, რადგან თუ ბევრი რამ არ შევცვალეთ, თავზე დაგვემხობა ყველაფერი და ვერც დიდ საფეხბურთო ფორუმზე ვითამაშებთ იმის...


მსგავსი სიახლეები

up