შვედეთი კარანტინზე უარს ამბობს, მოქალაქეებისგან პირბადის ტარებას არ მოითხოვს და საერთოდ არავითარ ზომებს არ იღებს. ამავე დროს სამეფოში სიკვდილიანობის ერთ-ერთი ყველაზე დაბალი მაჩვენებელია ევროპაში. შვედებს უკვე ის უხარიათ, რომ მათ არავინ აკრიტიკებს - განსხვავებით პირველი ტალღის პერიოდისგან.
როდესაც მთელი ევროპა ისევ იკეტება, შვედეთი პირიქით, იმ მცირე შეზღუდვებსაც კი ხსნის, რომლებიც აქამდე მოქმედებდა - მაგალითად, მოხუცთა თავშესაფრებში მნახველების შესვლაზე აკრძალვა გაუქმდა, მოიხსნა დისტანცირება რესტორნებსა და ბარებში. 15 ოქტომბრიდან მასობრივი ღონისძიებები დასაშვები გახდება იმ შემთვევაში, თუ ერთ ადგილას არაუმეტეს 500 ადამიანი შეიკრიბება.
თავისუფლების სიომ თეატრების, სტადიონების და საკონფერენციო დარბაზების მიმართულებითაც დაუბერა - ასევე 15 ოქტომბრიდან აღდგება მათი ფუნცქიონირება.
შვედეთში პირბადის ტარება აუცილებელი არაა - ქვეყანაში პირბადეებით მხოლოდ უცხოელები დადიან ან ძალიან მოხუცი შვედები.
შვედეთის მთავარი ეპიდემიოლოგი და შვედური სტრატეგიის ავტორი ანდერს ტეგნელი ამბობს, რომ ცდებმა პირბადეების უკიდურესად დაბალი ეფექტურობა გამოავლინა და ქვეყანა აქცენტს კორონავირუსთან ბრძოლაში უფრო გრძელვადიან ზომებზე გააკეთებს.
„ყოველ შემთვევაში ჩვენ არ ვაპირებთ ვაიძულოთ ადამიანები პირბადეები წლობით ატარონ“ - ამბობს ტეგნელი.
მისი თქმით, შვედეთს მიდგომა არ შეუცვლია და ის შემოიფარგლება უსაფრთხოების ჩვეულებრივ, საყოფაცხოვრებო ზომებით - ხელების დაბანა, დისტანცირება, დისტანციური მუშაობა, საზოგადოებრივი ტრანსპორტის მხოლოდ აუცილებლობის შემთხვევაში გამოყენება და ა.შ.
და ეს ყველაფერი - მხოლოდ რეკომენდაციები, არავითარი ბრძანებები, ტოტალური კონტროლი და ჯარიმები.
შვედები მთავრობს ენდობიან და რეკომენდაციებს როგორც წესი, ასრულებენ. ხელისუფლებამ მოსახლეობა დაარწმუნა იმაში, რომ კორონავირუსთან ბრძოლა არა სპრინტია, არამდე მარათონი - ის ბევრ დროს მოითხოვს, და შედეგების დადგომას დრო სჭირდება.
ივნისში შვედეთში ვირუსისგან სიკვდილიანობა ერთ-ერთი ყველაზე მაღალი იყო მსოფლიოში, თუმცა მრავალთვიანმა ძალისხმევამ და მოთმინებამ შედეგები საბოლოოდ გამოიღო - სექტემბერში კვირის მანძილზე 100 000 მოქალაქეზე მხოლოდ 42 ახალი დაინფიცირება დაფიქსირდა, მაშინ, როდესაც საფრანგეთში - 231.
თუმცა, ანდრეს ტეგნელი თავს იკავებს კონკრეტული პასუხისგან შეკითხვაზე - როდის გამოუმუშავდება შვედეთის მოსახლეობას კოლექტიური იმუნიტეტი, რომელის კორონავირუსს პირბადეებზე და დისტანცირებაზე უკეთესად დაიცავს?
სინამდვილეში შვედური ფენომენი არა დისტანცირების, კარანტინის, ამ სხვა შეზღუდვების დამსახურებაა - საქმე შვედურ ცხოვრების წესშია, რომლის მთავარი ქვაკუთხედია ზომიერება ყველაფერში, და ძალიან მაღალი კოლექტიური თვითშეგნება.
დღეს შვედური მოდელით მთელი მსოფლიო აღტაცებულია, თუმცა მას არავინ აღიარებს, რადგანაც ის არაპოლიტკორექტულია.
ჩრდილოური სამეფო კი კორონავირუსის მეორე ტალღის წინაშეც საკუთარი სტრატეგიის ერთგული რჩება - ხელები დაიბანეთ, მეგობრებს ნუ ჩაეხუტებით, წვეულებები არ მოაწყოთ, იმუშავეთ დისტანციურად, თუ ამის შესაძლებლობა არსებობს... და ისევ - მხოლოდ რეკომენდაციები და არავითარი ბრძანებები...
le figaro
მოამზადა თენგიზ აბლოთიამ
Le Figaro
