მეცნიერებმა დაადგინეს, რომ მაღალი მოლოდინების მიუხედავად, კორონავირუსის საწინააღმდეგო ვაქცინების მოქმედება არც ისეთი ხანგრძლივი და ეფექტურია, როგორც ყველა მოელოდა - მათი დაცვის უნარი 6 თვის შემდეგ მკვეთრად მცირდება.

მაგალითად, „ფაიზერის" პრეპარატის მეორე დოზის მიღებიდან 1 თვეში ადამიანს კორონავირუსისგან 88%-ით იცავს, მაგრამ 6 თვეში ეს მაჩვენებელი 74%-მდე მცირდება - ასეთია ლონდონის სამეფო კოლეჯის მეცნიერთა ჯგუფის მიერ ჩატარებული  ბოლო კვლევის შედეგები.

თუმცა, სხვა ვაქცინებთან შედარებით ეს მაინც საუკეთესო მაჩვენებელია - AstraZeneca-ს შემთხვევაში მეორე დოზის მიღებიდან 1 თვეში ვაქცინის ეფექტურობა 77%-მდე, ხოლო 4-5 თვეში - 67%-მდე მცირდება.

კვლევის დროს მეცნიერებმა მილიონზე მეტი ადამიანის მონაცემები გამოიკვლიეს - კერძოდ, შესწავლილ იქნა 2021 წლის 26 მაისიდან 31 ივლისამდე დაინფიცირების შემთხვევები მათ შორის, ვინც ვაქცინაცია 2020 წლის 8 დეკემბრიდან 2021 წლის 31 ივლისამდე ჩაიტარეს.

ამ დროისთვის ბრიტანეთში სრული ვაქცინაცია ზრდასრული მოსახლეობის 77%-მა გაიარა. სამეფოში აცრა პირველ რიგში ასაკოვან ადამიანებს და ჯანდაცვის სექტორის თანამშრომლებს შეეხოთ. შესაბამისად, მათი ვაქცინაცია პირველ რიგში მოხდა და ამიტომაც დღეისთვის აცრილებს შორის სწორედ მათი დაცვაა ყველაზე დასუსტებული.

მოსახლეობის დანარჩენი კატეგორიები, რომელთა ვაქცინაცია მოგვიანებით დაიწყო, ჯერ საკმარისად დაცულები არიან, აი პირველებს კი სულ მალე ახალი ვაქცინაციის გავლა მოუწევთ.

მკვლევართა აზრით, ზამთრისთვის ამ კატეგორიის ადამიანებში ვაქცინების მოქმედების ეფექტურობა 50%-ზე ნაკლები იქნება.

რა თქმა უნდა, ამ დონის დაცვაც კი საკმაოდ მნიშვნელოვანია დაავადების მძიმე ფორმების და სიკვდილიანობის ზრდის თავიდან აცილებისთვის, თუმცა, ეს ყველა შემთხვევაში ორივე მაჩვენებელს გაზრდის - მიიჩნევს კვლევის ხელმძღვანელი, პროფესორი ტიმ სპექტორი.

„თანაც, ჩვენ ჯერ ბოლომდე არ ვიცით რა იქნება - 50%-იანი დაცვა 2021 წლის დეკემბრისთვის - ეს ზომიერად პესიმისტური სცენარია, თუმცა, შესაძლებელია მოვლენათა სხვა, უფრო მძიმე განვითარება“, - ამბობს ის.

მისი თქმით ზოგადად იმუნური დაცვის შესუსტებამ შესაძლოა დაინფიცირების ზრდა, გადადების მაღალი დონე განაპირობოს. ჰოსპიტალიზების და სიკვდილიანობის მატებაც გამოიწვიოს.

ამიტომაც, მეცნიერთა დასკვნით, მთავრობამ სასწრაფოდ უნდა იფიქროს განმეორებითი ვაქცინაციის დაგეგმარებაზე.

ამავე დროს, „დელტას“ შტამის თავისებურებიდან გამომდინარე, იმის დროც მოვიდა, რომ არასრულწლოვანთა აცრის საკითხის განხილვაც დაიწყოს.

lefigaro.fr