Le Figaro: გერმანელებს დანარჩენი ევროპის ვალების გადახდა არ სურთ

Le Figaro: გერმანელებს დანარჩენი ევროპის ვალების გადახდა არ სურთ

access_time2020-05-18 20:00:43

ანგელა მერკელთან დაახლოებული, ევროკომისიის თავჯდომარე ურსულა ფონ დერ ლაიენი გერმანელების და სამხრეთ ევროპის ქვეყნების შერიგებას შეეცდება, რაზეც დიდწილადაა დამოკიდებული ევროკავშირის შენარჩუნება. მისი ყოფნა ამ პოსტზე ბევრ უკმაყოფილებას იწვევს, რადგან მას ზედმეტ გერმანელობას აბრალებენ, არადა ევროკომისიის თავჯდომარე წესით ნეიტრალური უნდა იყოს.

 

ფონ დერ ლაიენი ამ პოსტზე 5 თვის წინ დაინიშნა, მაგრამ სწორედ ამ პერიოდს ევროპას დიდი კორონა-ქარიშხალი დაემთხვა. უნდობლობას მის მიმართ გარემოცვაც აძლიერებს, რომელიც ძირითადად გერმანელებისგან შედგება.

 

„ურსულა ფონ დერ ლაიენს პოლიტიკური ხედვა არ გააჩნია, რომელიც მას გერმანული იდეოლოგიური და კულტურული საზღვრებიდან გასვლის საშუალებას მისცემს. მას განვითარების კონცეფცია არ გააჩნია, და მე მგონი არც სურს ჰქონდეს. ის ამ მაღალ პოსტზე გერმანელად რჩება, და ახლოსაა ანგელა მერკელთან, რომელსაც ევროკავშირში ნებისმიერი გართულებები აშინებს“, - ამბობს პარიზის სამართლის უმაღლესი სკოლის პროფესორი იტალიელი ალბერტო ალემანო.

 

კორონავირუსის გამო ევროკავშირი თავის ისტორიაში ყველაზე სერიოზულმა კრიზისმა მოიცვა. ყველა სიგნალი რთულ და საშიშ მდგომარეობაზე მეტყველებს. ეკონომიკები რამდენიმე თვით გაჩერდა, ზრდა ყველა ევროპულ ქვეყანაში ვარდნამ შეცვალა, ინვესტიციები გაიყინა, მილიონობით სამუშაო ადგილი კითხვის ნიშნის ქვეშაა.

 

როგორც საფრანგეთის პრეზიდენტმა ემანუელ მაკრონმა განაცხადა, თუ კრიზისი ბლოკის ეკონომიკებს შორის განხეთქილებას გაზრდის, ერთიანი ევროპული პროექტი შესაძლოა დაინგრეს.

 

დღევანდელი კრიზისი სწრაფ და ეფექტურ საპასუხო ზომებს მოითხოვს, თუმცა, ისევე როგორც საბერძნეთის კრიზისის დროს, ევროკავშირი უძლურია გერმანიის თანმიმდევრულობის წინაშე. ანგელა მერკელის გამონათქვამები ამ თემაზე ანალიზის საგანი ხშირად ხდება და ბევრ მის ციტატას უადგილოდ მიიჩნევენ. ასე იყო, ე.წ. კორონაბონდების საკითხზე - ანუ, საერთო ევროპულ ობლიგაციებზე, რომლების გამოშვებასაც იტალია და ესპანეთი მოითხოვენ, ხოლო ჩრდილოეთ ევროპის ქვეყნები - გერმანია, ფინეთი ავსტრია - კატეგორიულად ეწინაამღდეგებიან. ამ ტიპის ფასიანი ქაღალდები ზედმეტად რისკიანად ითვლება, განსაკუთრებით იმ პირობებში, როდესაც ბონდებისგან მიღებული თანხები ძირითადად სამხრეთ ევროპის ქვეყნების გადარჩენას მოხმარდება, ხოლო მათი დაფარვის გარანტიას თავის თავზე დანარჩენი ევროპა აიღებს  - პირველ რიგში კი - გერმანია.

 

ურსულა ფონ დერ ლაიენის თქმით, გერმანიის შიშები გარანტიებთან დაკავშირებით, სავსებით გამართლებულია. ამ გამონათქვამმა სამხრეთ ევროპაში აღშფოთების ტალღა გამოიწვია. ევროკომისიამ ცეცხლის ჩაქრობა სცადა, და ყველაფერი არასწორ თარგმანს გადააბრალა.

 

ევროკომისიას ასევე საერთო დახმარების უსამართლო განაწილება ბრალდება. კერძოდ, უკვე გამოყოფილი 2 მლრდ. ევროდან ნახევარზე მეტი სხვებზე გაცილებით ნაკლებად დაზარალებულმა გერმანიამ მიიღო. საბოლოო ჯამში კი უთანასწოროდ განაწილებული ფინანსური დახმარება სხვადასხვა ქვეყნების ეკონომიკების არათანაბარ აღდგენას გამოიწვევს.

 

ურსულა ფონ დერ ლაიენი ამ პრობლემის არსებობას აღიარებს და აუცილებლობად მიიჩნევს, დახმარების თანაბარ განაწილებას, რათა თავისი წილი  ყველაზე დაზარალებულ ქვეყნებს შეხვდეს.

 

კიდევ ერთი რთული საკითხია გერმანიის საკონსტიტუციო სასამართლოს გადაწყვეტილება,რომელმაც ევროზონის ქვეყნების ობლიგაციების ყიდვა აკრძალა - ეს კი ევროპული სამართლის უზენაესობას ეჭვის ქვეშ აყენებს.

 

ეს გადაწყვეტილება ევროკავშირისთვის სისტემურ საფრთხეს შეიცავს და პანდორას ყუთს ხსნის - ევროკავშირის კანონმდებლობის შესუსტებას გერმანიის გარდა სათავისოდ ისეთი ქვეყნები, როგორც უნგრეთი და პოლონეთი გამოიყენებენ. შემთხვევითი არაა, რომ ვარშავამ და ბუდაპეშტმა გერმანიის საკონსტიტუციო სასამართლოს გადაწყვეტილებას იმავე დღეს მიესალმნენ.

 

წყარო: lefigaro.fr

მოამზადა თენგიზ აბლოთიამ





ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში

ნათია თურნავა - მაისიც ძალიან მძიმე იქნება, ივნისიც და წლის ბოლოს ნავარაუდევია ეკონომიკის სერიოზული ვარდნა, ისევე როგორც მთლიანად მსოფლიოში
access_time2020-05-30 15:49:21
მაისიც ძალიან მძიმე იქნება, ივნისიც და ზოგადად, წლის ბოლოს ნავარაუდევია ეკონომიკის სერიოზული ვარდნა, - ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებს განუცხადა, რითაც გამოეხმაურა “საქსტატის” მონაცემებს აპრილში ეკონომიკის 16.6%-იან ვარდნასთან...

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი
access_time2020-05-30 15:00:14
„ზედაზენი“ ახალ პროდუქტს უშვებს. საუბარია ლუდის პირველ ქართულ ბრენდზე „ აიაზე“, რომელიც ბაზარზე...

"თვეში 200-ლარიან დახმარებას ვერ აიღებს პირი,ვისაც დამსაქმებელმა ანაზღაურება აპრილში ან მაისში ჩაურიცხა"-როგორ გაიცემა ფულადი დახმარებები

access_time2020-05-30 14:00:19
ოპოზიცია ხელისუფლებას უკვე დიდი ხანია მწვავედ აკრიტიკებს - უმუშევრად დარჩენილებისთვის და თვითდასაქმებულებისთვის მიზერულმა (200-300 ლარიანი) თანხებმაც უსაშველოდ დაიგვიანაო. დავა გაგრძელდა 29 მაისსაც, როცა ოპოზიციის მიერ დაბარებული პრემიერი პარლამენტში მივიდა. სწორედ 29 მაისს დაანონსდა - თვითდასაქმებულებისთვის 300-ლარიანი დახმარების ჩარიცხვა დაიწყოო. ვინ მიიღო, ვინ არ მიიღო და ვინ საერთოდ ვერ მიიღებს? რა ეტაპზეა ფულადი დახმარებების...

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა
access_time2020-05-30 13:00:33
ფრანგ მეცნიერთა ერთი მცირე ჯგუფის ჰიპოთეზა, თითქოს თამბაქოს მოწევა შეიძლება ადამიანს ახალი კორონავირუსისგან იცავდეს, მალევე გაბათილდა. მას თავისთავად ბევრი ლიმიტი გააჩნდა და კრიტიკას ვერ უძლებდა. თუმცა, ამ საკითხზე არცერთ სხვა კვლევას, ან პუბლიკაციას, რომელიც...

ისინი არ არიან მარტო – ახალგაზრდები ხულოსთვის გაერთიანდნენ

ისინი არ არიან მარტო – ახალგაზრდები ხულოსთვის გაერთიანდნენ
access_time2020-05-30 11:30:23
– „ტელევიზორი ან სხვა რამე ტექნიკა გაქვთ? – კი, პატარა ტელევიზორი გვაქვს, ძველებური… სახლი გვაქვს გადასახურავი. წყალი ჩამოდის. შედგმული გვაქვს ვედრო და რაღაცები“ – ამბობს ქალი ხულოს მუნიციპალიტეტის სოფელ წაბლანიდან. „მე არ მეგონა, ამას თუ მომიტანდით. მადლობა“. – ამბობს სოფელ რიყეთში მცხოვრები კაცი და აცრემლებულ თვალებზე  ხელებს იფარებს. ამ და სხვა ვიდეობს Facebook-გვერდზე –...


მსგავსი სიახლეები

up